- This topic has 14 رد, 13 مشارك, and was last updated قبل 18 سنة، 6 أشهر by
.
-
المشاركات
-
هذه حقيقة حصلت معي شخصيا..
قبل كل شيء اسمحولي ان اتحدث باللهجة العاميه حتى استطيع سرد القصة بشكل اجمل او بالاصح اوضح….بصراحة هاد يا اخواني الكرام وانا بسوريا كنت في يوم من الايام طالعه بامان الله انا و وحده من قريباتي لمشوار قريب
وبينما نحنا ماشين عالطريق صادفنا واحد سئيل واليل ادب وباين انوه متل مابيؤلو بايع هالدنيا..طبعا بعد ما شفنا متلوه كتير يعني من هدول السئيلين الحقيرين… الـــــــمــهــــم : كنا ماشين وعلى وشك الرجوع للبيت وبينما نحنا هيك مشي ورانا واحد شب [يخزي العين]كان عم ينده لالنا وبيؤل بصوت عالي:ياصبايا في شباب عم يمشو وراكن….
ونحنا طبعا متل العاده بنطنش وبنؤل لبعض:اتركيه لاتردي عليه صحيح حيوان وهيك شي,,,,,,,,,,,
بس يظهر انوه مابدوه يحل عن سمانا ويورجينا عرض اكتافوه……ورجع يؤل ويكرر:ياصبايا في شباب عم يمشوا وراكن عن جد بدكن اربيهن واضربهن…… ونحنا بنرجع نتساسر ونحكي :شوفي ما اوقحوه بدوه يعمل فيها رجال..
وباجي انا طبعا برد عليه وبتمسخر عليه:ايه ازا بتريد ربيهن
.
وبنكمل طريقنا كانو ماصار شي ..ولا كانوه في حيوان لا تواخزونا عم يمشي ورانا ..نحنا فكرنا انوه راح..هيك افتكرنا بس هوه ضل ورانا…مشينا فتنا من هالحاره على هديك الحاره وعم نؤل :لالا مشي خلاص ماعاد ورانا.
التفتنا لورا ورجعنا نلتفت اودام وبينما نحنا هيك الت قريبتي :شحوه واقف اودام !!!!!!!
فعلا مابنعرف شلون لحق يجي ابل منا ..نحنا تفاجئنا!! كملنا الطريق .
شو عمل هوه ؟ اجاء بوشنا وضل واقف ..مشينا يمين..مشي بوشنا عاليمين .
ردينا عليه والنا:ابعد من الطريق يا زلمه احسن من نفضحك [يي
الزلمه ماعندوه شي اسموه فضيحه].
رد علينا :لحظه بدي اعطيكن شريط بس..
رديت عليه :لك انقلع من هون احسلك هاه
احزرو شو كان ردوه :انتي شو شاربه شي ليش هيك معصبه.
نحنا هون ووصليت معنا
..وكلمه منوه وكلمه منا وصل الموضوع لخناقه بالايدين.
بصراحه انا زعلت وصفعتوه بوشوه هاد الكف المطنطين……هوه طبعا ماابتسملي
لا طبعا شو عمل رجع الكف لالي…….عصبت قريبتي … ودفشتوه عالحيط ..
هوه تعجب في البدايه
..بعدين رجع وركز واتزكر انوه في حدا دفشوه .
رجع لقريبتي ومد ايدوه عليها………بصراحه نحنا كانت هاي اول مره حدا يمد ايدوه علينا بالشارع لا صبايا ولا صبيان.
وهاد الحقير مو فارئه معوه بنوب.
ونحنا بصراحه كنا خجلانين كتير من العالم
……… بس العمى على هالناس مافي حدا اجاء ولا حدا سمع…….وبصراحه هاد الزلمه الحيوان مو اي حيوان لا كان وحش .
ايدينوه كبيره كتير وهوه طويل كتــــــــــــــــير ..كنا عم نشوفوه من بعيد اصير ومو هيك طويل لهالدرجه.
بس نحنا ماقصرنا عملنا الواجب ضلينا نتعارك معوه ..والنتيجه اطعت زراير القميص تبعوه .
اخرتها دفشني عالحيط وهرب…………..هوه هرب من هون ونحنا ضلينا نصروخ تعا يا جبان لو رجال عن جد ارجع لهون ضلينا عم نصروخ لحتى اجاء اتنين وتلاته من هالناس ……النا لحلنا خلاص عيب هيك بيكفي راح يفكرو انو نحنا مجانين ما حلوه..
رجعنا عالبيت وفي الطريق التقينا اولاد الجيران كانو مجموعه فندهو علينا:شلونكن يا صبايا..
[حرام ماكانو دريانين بياللي صاير وانو نحنا معصبين على الاخر] ورجعت اخرها بروسهون
انا عن نفسي سكتت بس قريبتي لسا ما طالعت ياللي بالبها وردت عليهن بكل حماس ونرفزه:زيح هناك انت واياه
احسن مابطالع العفريت تبعي عليك ولاه ……. هن انصدمو وعم يتوشوشو لبعض شو صاير؟.
بس كمان هن يالطيف طالعو النار تبعتهون وردو :وليش هيك معصبه هدي حالك لاينفجر الصميم.
انا كنت ساكته وقريبتي هيه ياللي بتحكي لانو بصراحه هداك الحيوان لسا ببالي وماراح كنت بدي اقطعوه هوه مو زرايروه..بس بعدين لما سمعت ردهن عليها كملت معاها انا كمان وهاتك شتم ..وفتنا عالبيت بس عن جد إجت براس اولاد الجيران لانوه نوينا لالهن عالشر والنا لازم توصل للشرطه ..وبصراحه كلوه من هداك الزلمه الحقير البركه فيه خلانا نفش خلئنا عليهن..ونحنا فايتين عالبيت عم نضحك من ياللي صار بس ضحكه هيستيريه يعني هيك[ 
] بس بالاخر وصلت القصه لاولاد الجيران وفعلا راح البابا للشرطه واخدو اولاد الجيران وكتبوا التعهود …….وهن بيؤلو لحالون نحنا شو عملنا
ونحنا بصراحه كنا بدنا هداك الزلمه ياللي تخانقنا معوه بس المشكله انو مابنعرف لالوه طريق بس الا مايجي يوم ونلتقي والله في سماه لا يكون اخر يوم بحياتوه.هاد كل ياللي صار . بئا شو رايكن بهيك عالم حقيرين وماعندون اخلاق ؟لانو بصراحه هيك ناس بيخلو الشبان في نظرنا واحد. وانا وقريبتي اخدنا عهد على حالنا انو صورة هالزلمه ما تطلع من زاكرتنا منشان لو شفناه عالطريق شي يوم نفريجيه ايمتوه عن جد. السلام عليكم ايمي
والله انتم ينات جدعان هيك البنات ولا بلاش هههههههههههههه
اما بالنسبة لنقد القصة فهي قصة بسيطة خالية من التكاليف
اللغوية كما ان سرد القصة كان مفصلا بلهجة عامية .
اهنيك يا شقية واصلي قصة شيقة .
مشكورة احمد الجزائري
شكرا عالمغامرة الحلوه
بس تعرفي يستاهل ولو كنت معاكم كنت اكتلته علقة مارح ينساها طول عمرة (( انا كل يوم بتدرب على رفع الاثقال ))
يسلمووووووو
تحياتي الخاصة
هههههههههه بدك طولي بالك يا بنت بلدي ولو هيك عاملة عصابة انتي وصاحباتك بعدين انتو ما قصرتو والله كف على شو ه اي شو عليه بس بصراحة عن جد موضوعك بضحك وازرار القميص بعد ايمي ولا الله يعطيكي العافية وحميكي بس مرة تانية شيلي معك موس كباس على شان يلي بدو يحكي معك على وجه اوكي ليكي او اعمليلي مسكول بيجي بكسرو ولو انا كم ايمي عندي
شكرا ليكي ايمي علي القصة دي بجد عرفتني بنت خالتي صح ما ينخاف عليها ابدا بس اختي الغاليه والعزيزة بدي خبرك شغله صغيرة انتي قولتي ان بسبب هالزلمه حسيتو ان كل الشباب هيك بصورة او باخري بدي خبرك اختي في الطالح وفي الصالح كمان وصدقيني في صبايا اسوأ مما تتخيلي في وقحاتهم مش الشباب بس اختي ومتل المثل ما بيقول صوابعيك مو متل بعضها والله يوفقك دايما وتكتبي دايما لانك عنجد عندك طريقه سرد ممتازة الله يوفقك يارب
اخيكي فيجاههههههههههه
والله بصراحه كانت قصه لذيذه لكن عاوزه الصراحه هاد كان واحد غبي
وكويس اللي عملتوه فيه
ماهو لوكان بيعرف يتصرف وعنده عقل كان يروح على كفتريا الجامعه او بنوادي الديسكو بالمرديان والمزه لكان هنيك البنات هم اللي عاكسوه
عموما هاد حال اللي ما يعرف وماشايف بنت بحياته تشوفيه عامل متل الطاووس وهو بالحقيقه فروج مسحب
تحياتي
asfa okhte 3la ha alsoaal….but i wana to ask ya tra kontom labsen eah w bttklmo ezay 3lshan ye7sal keda argo an ttko allah fe anfskom w fe shababna…en mlk almot kareb w yantazer amr allah…f e7fze allah ya7fazek e7faze onothatek w kramtek allate 7afazlke al eslam 3lyha……wafakk allah…
السلام عليكم
قال تعالى: ولا تزر وازرة وزر اخرى
صدق الله العظيم
من هذا الباب اقول لا دخل لشباب ((الحاره)) فيما فعل غيرهم فلماذا اصررتم على ان يكتبوا تعهد على شئ لم يفعلوه؟
هناك مسالة اخرى احببت التنويه عنها في هذه العجالة وهي خروج المراة من غير محرم فانت وكما هو واضح من قصتكم الكريمه قد خرجت من غير محرم فاتق الله في نفسكايمي شو!! صايره “زعرا” يعني (مؤنث زعران ) انا ما اعرف معناها بس ادري انها تقريبا حمقي او عصبي او مادري .
المهم اولاد الجيرن لازم تعتذرون لهم لاهم ما سوو شي.
انتم اللي مسويين فتوات .ايمى المرة دى عدت بخير المرة الجاية ارجز انى ما زورك فى المستشفى وبعدين لية سؤال حيائك ما منعك انك تتخانقى بس اللى انتخقتى معاه اكيد ما عنده نظر ازاى يتخانق مع انسانة محترمة زيك وعذدها حياء وشكرا امير الحنان
شكرا لجميع الاعضاء وللزوار الكرام ولتفاعلهم معي في هذا الموضوع
لكن لدي تنويه بسيط على تعليق الا خ الفاضل عماد وهو المحرم اخي عماد
انا حينما اسير في الطريق لايجب ان اخذ معي مااسمه المحرم ليحترمني الماره في الطريق
ولا احتاج ان اخذ المحرم لكي يحميني فلست انقصه شيئا و احترام الاخرين لي انا ليس يجب ان يكون بالمحرم
احترامي لذاتي يكفيني اما بالنسبه للشباب الحاره فهم ايضا لهم نصيب في التحرش ومن يخطئ هو من يجب ان يعتذر
شكرا لك وللجميع احترامي لكم .
…………………..تحياتي للجميع ايـــــــمــي ……………. اهيه هيك البنات ولا بلا احيكي على شهامتك وانا لو كنت مكانك هعمل مثلك وزيادة بس ظلمتوا اولاد الجيران حرام
*********************************************
انا مهاجر بلا عنوان وغايتي قلبك حبيبي
انا ديرة بلا سكان وموطني عيونك حبيبيمهاجر بلا عنوان
مريــmaryamــم
- يجب تسجيل الدخول للرد على هذا الموضوع.