الله يرحم أيام يداتنا أول ما يطلعن من البيت تشوفهن لافات عمارهن بالعباة من راسهن لين ريولهن لكن الحين تعال وطالع وأضحك.(( والسموحة منكم )) ياما ناقشنا مواضيع عن العباة وخاصة بعد ماطلعت لنا العباة الفرنسيه الي تجذب الانتباه. وطلعت لنا عبايا ملونه لكن اليوم طلعت لنا عباة مضحكة وغريبة الشكل على قولتهم عباة الخفاش اعتقد الاغلبية شافها فذمتكم هب شكلها يفشل … المشكله لو نقدت عليهم بيقولون لك ماتعرف التطور ؟ أي تطور بالعبايا … هم خلوا فيها شيء ؟
ولا ازيدكم من الشعر بيت … قبل عباة الخفاش في عبايا فيهن فتحات من تحت … عاد الوحدةمن تمشي ريولها ولا ثيابها ظاهرة من تحت العباة
انا استغرب من بعض البنات لو لبست مثل هالعبايا شو بتستفيد
ديناالاسلامي فرض علينا مثل هالشيء للحشمة مب للاغراء وإظهار المفاتن
من قبل فترة طلعوا في أخبار الإمارات تقرير عن هالعبايا ما دري إذا شفتوه ولا لأ؟؟شفتوا اللي سووا وياهن لقاءات عن هالعباة
::اللي تقول عشان الموضة:: والثانية تحب التغيير ملت من العباة الجديمة!!::
::!!والحين إذا رحتي أي محل عشان تفصلين عباة يقولج نزل موديل يديد وإنتي تقوليله شو هو يقولج عباة الخفاش!!::
يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافقإقرأ المزيد