الرئيسية منتديات مجلس الثقافة الأدبية والشعر الى الاحزاب السياسيه مع عدم اعتذاري الشديد

مشاهدة 3 مشاركات - 1 إلى 3 (من مجموع 3)
  • الكاتب
    المشاركات
  • #53509
    الحمداني82
    مشارك

    لعلي اعمل صالحا ؟؟؟
    خلوني ارجع مثل الاول ….ماراريد بايدي اكتل ناسي..
    رجعولي مسحاتي الحلوه وكصبة هوري …. وماي الدهله
    ما اريدن للديمقراطيه اتحول …
    مليت احباببي وكلماتي واسمي …. وحسجة عريان الي ما تنمل
    رجعوني اكتب على السبوره كلمة (وطني ) لكل عراقي…
    ما اريد اسمع كذب سياسي …. نصب الحرية ما يندل
    رجعوني يمّ الحبوبي ارسم زقورات لسومر …..
    وجامع يضحك … واخذ لقب الشاطر بين احفادي …
    والميزه تصير اعله خدودي .. رمز صليب …
    رجعوني وي صف الاول …….
    رجعوني اكتب مثل الاول ..دار ما يدور..
    با اطباعي ..ما اريد ادرس اهداف التغيير
    الشامل .. واشلون العالم يتعدل …
    خلوني اطبع بخدود الشارع ضحكاتي ….
    لا رتل امريكي يوازيني …ولا موكب لفلان سياسي ..
    وامشي بنص بغداد اترجل …..
    ما اريد اسمع تهجير لبيبان الدوره ….
    والالاف الارهاب اليومي ….من الكاظم
    حتى المشتل ….
    خلوني اطلب وانه اتمنى .. وكل شئ اتمنه ..
    كل كرسي ومنصب ووزاره …
    وكون احذائي بلون الربطة ….
    واجمل بيت ابسط الحاره .. انه الي حررت
    القيثاره … لازم انه بكيف اتدلل …
    خلوني احجي بكل احروفي ….
    كلمة حق يكول الهادي …..
    شيطان الي ساكت مايحجي …بس لازم
    شباج ادموعه من اول تاريخه ويبجي..
    خل كل المجلس ما يرضه … وكل احزابي
    تلوم وتزعل ………
    خلوني ارجع مثل الاول ……..
    رجعوني وي صف الاول ……..

    #663996
    أمل يوسف
    مشارك

    مشكور اخي

    على موضوعك بارك الله فيك الى الامام

    ولو اني ما افهم في السياسة لكن عجبني موضوعك اخي

    تحياتي

    اختك امل

    #664168
    الزيدوني
    مشارك

    ما يحدث في العراق يدمي القلب . نتمنى من الله ان يعجل الفرج ويرحل المحتل ويرجع العراق عظيم. شكرا

مشاهدة 3 مشاركات - 1 إلى 3 (من مجموع 3)
  • يجب تسجيل الدخول للرد على هذا الموضوع.

يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافق إقرأ المزيد