ظل عايش وهم ظل اكم الحسرات
مو انه اخسر انت الخسر خله
هسه انت غشيم اصدك اليحجـــون
باجر للصبر من صبرك اتعــــله
كتلك اخذ روحي ولا تظل مجــــنون
ابالك هل الدرب فد يوم توصله
اتكحل بدمي ومنه حمر اشفـــــاك
ولتهمك جروحي المهم تتحله
ما همني احترك بس همني موقف صار
اشوف الماي بيك وعيني تتجله
صفيت ويه الشماته ابيش غروك
ولك ذوله مرض السل وصفوله سله
اخذو كلشي منك كلي شنطوك
اكلو العنب وشمرولك الســـله
ربطوك بحــــر وبالبحــــر حيـــتان
لو خيطك كطن ما تكدر تفـــله
حطوك بقفص والقفص جو الكاع
حبيبي شلون كلي الباب تنزله
ولتضن غشمه هم بجبل خلوك
زغرو روحهم وهم اسكتــــوله
مو هيج المثل يل ما تعرف الناس
ولك هذا لغز واللغز تحـــــــله
يريدون الوجه منكوس لو حاجوك
ومن طبعك جبل ما تقبل الذله
ظل عايش وهم ظل اكتم الحسرات
وسبح بدموعك وبيهن اتسله

مع تحياتي اخوكم روح الرافدين