- This topic has 8 ردود, 6 مشاركون, and was last updated قبل 18 سنة، 4 أشهر by
.
-
المشاركات
-
حزين فى ليلة مطر
بربابة ما لهاش وتر
بأعزف لحن الخطر
قلبى على حبى انفطر
وقلب حبى عليا حجر
………………………………غنوة مش فاهم معانيها
مين الضحية ياناس فيها
المهم انى اغنيها
وامنح صوت الدموع ليها
يمكن اعلى واكون بيها
……………………………..اسرح بناى ويا ربابة
اغنى فى العشق غلابة
ودنيا صبحت قلابة
واضحك عليا الكدابة
دىطيبة قلب ولا سذاجة
……………………………اغنى وحدى وسط الليل
دنيا بتميل بينا ميل
بتحب تسمع منا عويل
ما بقولش ليه انا حظى قليل ؟
كفاية عشت فى حبى ذليل
…………………………….اغنى لامل سارح
وانسى ان الزمان جارح
وامسح جراح سابها امبارح
واستنى يمكن امل طارح
وارسم بايدى احلى ملامح
…………………………..ارسم طفل عمال يلعب
لا عمره يشتكى ولا يتعب
…………………………راسم ضحكة على شفايفه
فرحان بحلم جميل شايفه
واقعد واغنى كمان وياه
وازرع امل كبير جواه
ان الحياة لسه سعيدة
وجراحها جايه بس بعيدة
وان ده طبع الحياة
…………………………………….يا الله يعني ايش اقولك يا sherift انت عندك كلام عجيب والله شكرا على هذا الموضوع الجميل عيني والله كلام حلو جدا بارك الله فيك
اعذب تحية يا مغنواتي حنغني معاك
ونشعر بشعورك وأساك
نرسم على لوحة بكره شفاه
ونعلمها تضحك وتسيب الآه
نرسم الدنيا بنت جميلة
تقاطيعها حلوة بعيون كحيلة
مَدَّى الخطى في الحياة
ونرجع ونقولك
يا مغنواتي غني واحنا حنغني معاكو الله بتتحفنا بكلماتك الحنونة و المعبرة…
قصيدة حلوة كتتتتير و كما قالت الاخت حسناء غني و احنا حنغني معاك دائما…و نتتبع كل جديد منك..
تسلم و احلى تحية مني
نسرين…
- يجب تسجيل الدخول للرد على هذا الموضوع.