مالك كده ساكت و ضعيف
كان حب ولا سحابة صيف
ولا كان كدب وتخاريف
ايوه كان وهم و زيف
كان جرح اكبر من جرح سيف
مالك كده ساكت وضعيف
……………………………………..

مالك كده عايش موهوم
حزين مكسور شايل هموم
حيران باصص للسما عمال تعد فى ليلها نجوم
تايه فىبحر غدار وانت ما بتعرفش العوم
اصحى يلا وصحى النوم
مش حب ده كان عسل مسموم
مالك كده عايش موهوم
……………………………………….

مالك كده قاعد حزين
خلاك فى جرحك محبوس سجين
خلاك فى فرحك ناسى الحنين
انساه وكمل باقى السنين
كمل حياتك افرح يومين
حتلاقيه راجع حزين
مالك كده قاعد حزين
……………………………………..

مالك بتعد سنين الوداع
أحسن تعد وقت الخداع
وتشوفها يوم من غير قناع
حتلاقى قلبها بياع
مالك بتعد سنين الوداع
………………………………..

احمد ربك يلا وعيش
خسرت ايه حتلاقى مافيش
……………………………….

حب من أول وجديد
بس يكون من غير تنهيد
من غير كدب من غير خداع
من غير فراق من غير وداع
وانسى يا قلبى كل اللى باع
راجع بدمعه تانى اكيد
حب من أول وجديد
……………………………..