أدري أني بنت عز وشمريه

………………………….والثقه من فضل ربي تاج راسي

من جبال أجا وسلمى شي فيه

…………………………….الشموخ اللي مخليهم رواسي

وارثه من ربعي النفس الأبيه

…………………………والوفا من طبع أبوي وطبع ناسي

من هل الأحقاد ماولله عليه

……………………………شامخه رغم التحدي والمآسي

مادخلت النت أدور للحميه

…………………………….أو أدور من يحن ومن يواسي

ولا أدور لا حبيب ولا خويه

…………………………..الشرف ستري وثوبي مع لباسي

والعلوم الناقصه ماهيب ليه

……………………………كاسها من فضل ربي غير كاسي

جيت من دافع غلا نجد العذيه

………………………………والتراث وحبه الشي الأساسي

القناعه هي غنى النفس الغنية

……………………………وكبريائي منبعه من طيب ساسي

بس ياللي تستغل أني بنيـــــــــه

…………………………………أنتبه ما ودي تطيح متواسي

أعرف اني غير عن هاذي وذيه

…………………………………لو تجي بابيه عاملي سياسي

لا تدور عندي أية نرجسيـــــــه

………………………………..لو بحلم الليل من بعد النعاسي

ويوم أغض الطرف عن بعض الأذيه

…………………………….في طروحاتي وفي بعض أقتباسي

مانقص مني كبير ولا شويه

………………………………لو حذف نزفي ولو يقلع غراسي

التزم بالصمت كله طيب نيه

………………………………ماابي كثر السوالف والحساسي

وألا أنا على قناعاتي قويه

…………………………..وأعرف اني صعبه وصعبٍ مراسي

وأعرف أني صح ماجبت الخطيه

……………………………….وأتحدى الأصمعي وأبو نواسي

ما أبي منهم كثير ولا بليه

………………………………ماأبي منصب ولا موقع رئاسي

جيت من دافع غلا نجد العذيه

……………………………….والتراث وحبه الشي الأساسي

القناعه هي غنى النفس الغنية

…………………………….وكبريائي منبعه من طيب ساسي

.

.

.

كبرياء الشمريه منقول