حددوا موعد رحيلي وإقترب يوم الـوداع
يوم تبكيني عيونه ودمعـة عيونـي تسيـل
يوم أسافر عن حبيبي وأسلك دروب الضياع
وأمضي بدربي وأدور منهو لي بعده خليـل
بين أحضاني ترامت كنهـا الماسـه بقـاع
تصرخ تقول الحقيقه مابي من بعدك خليـل
يا حبيب الروح يكفي كل أخباري تشـاع
إن هو فرحي ولا حزني ولا حبي المستحيـل
كنت وياك بسعاده كانـت لحزنـي قنـاع
وانكشف هالوجه لما جبت أنا طاري الرحيل
يا زماني يا سنيني يكفي يـا ليلـي خـداع
أحمل همـوم الأوادم وهمـي بقلبـي ثقيـل
شالت أوصاف الأميرة حبت القلب الشجاع
قلبي اللي كان مع غيره بإحساسـه بخيـل
((( قال ربي في كتابه مثنى وثلاث ورباع )))
وإنتي في دنياي وحده مالها بكونـي مثيـل
وحدها صادت قليبي يوم غيرها مستطـاع
مدري بالعين الجميله ولا بالرمش الكحيـل
شبي نارك يا حياتي أبكي يا عيوني الوسـاع
أترك الدنيا يا قلبـي الفـرح فيهـا قليـل
يا حبيبه قلبي والله ما نوى قلبـي القطـاع
بس تايه بالمدينـه وينـه عنـي هالدليـل ؟
تبكي فراقي وتصرخ وماقوت أذني السماع
وأكتفيت بنظره منها زلزلت قلبـي القتيـل