كتبت حروف من نزفي…
ورحلة حزن ماتوقف…
وترنيمه وسط احزان..
وجرح قلوب شقيانه..
لاجل امي انا بكتب…
حروف صغتها بايمان..
يايمه ياجمل الحاني..
يايمه يا اجمل الايام…
يايمه يابعد عمري..
يايمه يابعد دنياي…
يايمه ليتني فدوه…
واخذ من ايامي لك ايام..
يايمه حبك بقلبي..
عدد ماشفت انا الدنيا..
عدد انفاس في صدري..
يايمه والله احبك..
وحبك قيصر الازمان…
يايمه جنتي تحتك…
ورضوانك رضى الرحمان..
ابي منك الرضى يمه…
وخذي كل ايامي..
انا دونك مثل نبته…
كساها من العطش حله…
تساقط كل هالاوراق…
بقت اغصان تتكسر..
يجيها من الهوى لفحه…
وتنهي كل معالمها…
يايمه يا ابتسام الوقت…
اذا اظلمت الدنيا…
وجيتك ضايع بالهم…
وضميتك انا يمه…
بكيت بحضنك الطاهر…
وغسلت هموم في صدري..
وكنتي دوم يايمه…
ملاذ لطفلك الباكي…
يايمه كيف انا اقدر…
اعيش وانتي زعلانه…
يتيم اكون بين الناس…
وامي عايشه معهم…
حرام ازعلك مني…
حرام ابيع طهر الكون…