تفكر تتزوج زين فكره حلوه تكلم والدك 00
الابن  : الوالد اريد اتزوج 00
الوالد : زين يا ولدي على بركة الله بس 00 من سعيدة الحظ ؟
الابن : فلانه
الوالد زين زين اختيار موفق خليني اكلم ابوها 000بس قبل لا اكلم ابوها لازم تعرف ان الزواج مسئوليه وانته الحين انشالله راح تبني عائله 000 والاولاد مسئوليه.
الابن : الوالد ولا يهمك انا فكرت زين في الموضوع وانشالله ربي بيوفقني واعيش سعيد .
الوالد : انشالله

بعد فتره تمت الخطبه وبعده الزفاف .
اول شهر كان عسل 000 الولد فرحان ومرتاح وسعيد والحرمه تشكر فيه قدام اهلها انه مهتم فيها وهي سعيده معاه 00
بعد خمسة شهور 0000
الابن ما يرد البيت الا متاخر كله مع ربعه زوجته ما يشوفها الا نادر الخميس والجمعه مع ربعه ايام الاسبوع في الدوام وبعد الدوام  يتغدى وينام وبعد المغرب يطلع عند ربعه 000
الزوجه ساكته ومستحمله على الله يهديه ويتغير .

بعد فتره اكتشف ان زوجته حامل 000
فرح الرجال ومحد مثله في الدنيا سعيد ومرتاح بعد كم شهر الله رزقه بالمولود 000
الزوج : ما شالله عليه ابني والله حبوب شوفي يشبهني 000
الزوجه انشالله يشبهك في الوجه ويتبعد عن اطباعك انشالله  .
الزوج عملها مشكله بس فرحته بالمولود خلته يتراج ويراضي الزوجه .
بعد سنه ونص الطفل كبر شويه وبدأ يمشي والربشه زادت 000
الجدران تصرخ من الاقلام  كله يشخبط في الجدار زادت المصاريف .
الزوج للزوجه مسكي ولدش طلع لي قرون ما يعرف يجلس على الارض ابدا كله يشخبط 0000 من عطاه القلم انا ما قلت ليش لا تخلي الاقلام في الارض 000
الزوجه انا ما حطيت الاقلام في الارض انت نسيت انك كنت تكتب رقم فلان وحطيته 0000
الزوج زين زين يمكن نسيته ما عليه بس انا قلت ليش تجيبي الغدا وينه
الزوجه : زين يا اشوف الولد ولا اجيب الغدا امسك الولد شويه تعبت .
الزوج زين روحي وبسرعه .
المهم بعد عشر سنوات الطفل كبر 0000

مدير المدرسه متصل ف البيت وطلب الزوج
المدير فلان موجود  .
الشغاله : ايه موجود دكيكه واحده ….. سير فيه تلفون
الزوج : مين
الشغاله : واهد نفر فيه كلام سوي تلفون مين سكوول .
الزوج خير انشالله اكيد مشكله جديده من مشاكل هالولد طلع لي قرون .

الزوج نعم من معي .
المدير : انا الاستاز مدبولي عبد ربه مدير مدرسة 00000 الخاصه
الزوج :نعم تفضل خير انشالله
المدير : لا ولا حاجه دي حاجه بسيطه 000 اصل ابنك  ما بيجيش المدرسه بأااله اسبوع وانا كنت عاوز اتطمن عليه .
الزوج ما يصير الاخ مدبولي 000 كيف ما يداوم كل يوم السايق يوديه المدرسه ونهاية الدوام يجيبه .
المدير لا بيجيش وانا الت في بالي يمكن عيان ولا حاجه .
الزوج : لا هوه بخير 000 زين انا بشوف الموضوع .
المدير: طيب انا حاكلمك تاني انشا الله .
الزوج : طيب المعلم مدبولي انا شاكر لك حسن تعاونك 000
قفل الخط وانتظر لين الولد يرد من الدوام 0000 بعد ساعه رد الولد من المدرسه .
الزوج فلان فلان
الولد : نعم باااه
الزوج : كيف المدرسه ؟؟
الولد : تما م باااه المدير يسلم عليك واجد ويقولك اني في ايدي امينه وما تفكر في شي 000 وهوه يقولك انهم بيسويو حفل خيري وطالب منك تتبرع 000 تعرف باااا المدير واجد طيب 00
الزوج: باغني اتبرع هاااه هين كنت اتصل المدير وقال انك ما تروح المدرسه.
الولد : من قال المدير دايما يسوي مشاكل حال الطلاب وانا ما اعرف هوه ليش يكرهني
الزوج   :الله اكبر عليك وكف من هنا وجمع من هنا 0000 .
الولد : توبه بااه ما اعودها توبه .
الزوجه بسك بتقتله خلاص ما يعودها 000
المهم بعد كم سنه الاب جالس يشوف التلفزيون وشويه ورن التلفون 0000
المتصل : الوووه فلان 000

الاب نعم انا فلان من عندي .
المتصل انا الملازم فلان الفلاني من شرطة المرور 000
الاب : خير انشالله تفضل ؟؟؟
الملازم : انته عندك ولد اسمه فلان 000
الاب نعم ماله انشالله ما شر انشالله هوه بخير ايش فيه تكلم قول .
الملازم : لا ما فيه شي كل خير بس ولدك عندنا مسكته دوريه .
الاب : ماله موه مسوي ؟
الملازم ولا شي بس ضارب ويل على بنيات بعد ما هلكهن مغازله وبالصدفه دوريه ماره ومسكته وبعد ما مسكته اكتشفوا انه ما عنده ليسن والحين بندخله عندنا يتقهوى كم يوم .
الاب : انشالله انا تو جاي
بعد كم سنه
الولد كبر ويمتحن للثانوية العامه
وخلصن الامتحانات وطلعت النتيجه
والولد نتيجته ضعيفه
الاب : ايش النتيجه يا ولدي نسبتك ضعيفه  
الابن :الوالد انا كنت اراجع بس الوزاره ما اعرف من هين يجيبوا الاسئله 000 كل الاسئله ما من المنهج علشان يصعبوا على الطلبه 000
الاب : ما يستوي يا ولد ما من المنهج عيل كيف نجحوا ربعك وجابوا نسبه كبيره تأهلهم للدراسه في الجامعه .
الابن : واسطه الوالد
الاب : لا حول الله 000 الله يساعدنا .
بعد سنه
الولد : باااه انا اريد اروح اسافر ادرس .وابغاك ترسلني بريطانيا اكمل دراستي
الاب : بريطانيا يا ولدي غاليه وبعدين الكليات متوفره هنا ليش تسافر .
الابن : باااه علشان الانجليزي والكليات هنا ما معترف بيهن .

الاب : لا يا ولدي انا برسلك مكان قريب وما عندي فلوس بروح اتسلف من البنك علشان ارسلك تكمل دراستك 000 ما كان احسن لو راجعت ودرست وجبت نسبه كبيره كنت بتخف عني شويه المصاريف .على الله.
بعد فتره تسلف الاب من البنك ورسل ولده يدرس في دوله قريبه
بعدها بفتره يمكن اسبوعين
رد الولد من الدراسه
الاب : فلان موه رجعك ليش خير انشالله
الابن : الوالد ما اريد اكمل هناك الجامعه  ما زينه وفيها الدكاتره ما اعرف موه فيهم يكرهوني ما طايقيني 0000 وفيه دكتور ما اعرف موه مسوبه 000 مستقصدني من يوم رحت هناك 00
الاب تراني قلت انك ما مال دراسه والله يعوض علي الفلوس اللي دفعتها ويساعدني اني ارجعها 000 واخلص الدين اللي علي للبنك .
وانا اقولها لكل انسان يفكر يتزوج فكر الف مره قبل لا تتزوج .