قلـت ياقلبـي الله لايجيـب افـراق
ويازمن بالله لاتفـرق بينـي وبينـه
خذته الايام مني من وسـط معـلاق
والقلـب يتبعـه زايــد ٍ ونيـنـه
آه ويلي انـا كيـف البعـد حـراق
وكيف النفس مـن فراقـه حزينـه
يجري غلاه فاليوف كالنهـر دفـاق
يطفي لهيب الصدر بحامـي حنينـه
اشتاق انـا لـه اشتـاق واشتـاق
والشـوق صـار لـه الله يازيـنـه
يصبح فعيونـي ويمسـي فالخفـاق
سيد الروح سيـد قلبـي ومضانينـه
احن لصوته مسا في لحظة اعنـاق
احن لصباح الورد والنور من بساتينه
اي صوت من عقب صوته ماينطـاق
لابو صوت ٍ من عقبه لابـو رنينـه
بانتظاره ابقى انـا وكلـي اشفـاق
انتظر ملقاه يمكن بيوم اصافح يمينه
يحفظه لي ربـي البـاري الخـلاق
ويفداه عمر شهد لو ضاعت سنينـه
……….وسلامتكم….اخوكم عذاب الشوق