-إن بزقنا لفوق ع شواربنا وإن بزقنا لتحت ع ذقنّا
-إن ضبطت المَي بالغربال بتأمِّن المرا للرجّال
-الإيد اللي ما فيك تعضها، بوسها وادعي عليها بالكسر

-اذا بدّك تخرب بلاد، ادْعي عليها بكتر الرؤسا
-بيلهي الحمار عن عليقه
-تخانق البحر والريح طلعت الفلّة ع المركب
-تفركش برماد سيكارة
-تمسّك بنحسك لا يجيك انحس منو
-جابوا الديب تيعلموه القراية قالوا له: قول ألف، قال: عنزة
-الرقّاصة الغشيمة بتتحجَّج بقشّة الحصيرة
-شو بدي اترجى منك يا سفرجلة وكل عضة بغصّة؟
-طرشا ع الباب بتتنصَّت
-صاحبي وعيوني وصَوب الجيبة لا تقرِّب
-قاضي الاولاد شنق حالو
-قال لو: حبني وخدلك جحش، قال لو: المحبة ما بتصير دحش
-قالوا للبغل مين بيَّك؟ قال: الحصان خالي
-اللي ما فيه لمرتو بيرجع لحماته
-مات كلب المير، كل الناس عزّت فيه
مات المير ما حدا اهتم فيه
-مش عارف من العشق إلا كلمة وحشتونا
-هدية المقرف بصل
-يلعن ابو اللي تزوّج قبلي وما نصحني
ويلّي تزوّج بعدي وما استنصحني
-يلّي خاف من العروس ما جاب ولاد
-تزوّجنا وجبنا غريبة، زِوان بلادك ولا القمح الصليبي
-إللي بيعوز الكلب بيقول له صبحَك بالخير يا سيدي
-التكرار بيعلّم الحمار
–