- This topic has 20 رد, 12 مشارك, and was last updated قبل 18 سنة، 10 أشهر by
.
-
المشاركات
-
موجودين بهالكون الوسيع ونشوف من هالبشر ألوان
ناس ماودك بشوفتهم
وناس أحلى من الورد على الأغصان
وناس تلعب على الحبلين
وناس لها وجهين
وتحتار في هالزمان، منهو فيهم أحسن إنسان؟!
أنا وأنت بس راح نتعرف على هالأجناس
ولا تستغرب من كلام الناس: ( خلوه خلوه قلبه أبيض ووسيع ).
يلا تعال أعرفك على هالناس:
– يشرب الخمر بالليل وما خلا بيت دعارة ماكان فيه ومايدري متى موعد الصلاة، وحتى لو درى، هو تعبان ويبي ينام،،،
( خلوه خلوه قلبه أبيض ووسيع )
– بعد ماشبع من الليالي الحمرا، ورقصات روبي وهيفا، صار داعية إسلامي!! يدعي الناس للإسلام والأخلاق،،،
( خلوه خلوه قلبه أبيض ووسيع )
– يقابل الناس بوجوه هو صانعها، شكله يحب الناس، شكله يكره الناس، شكله يحس بالناس، شكله…… والله احترنا
معاه،،،( خلوه خلوه قلبه أبيض ووسيع )
– يساعد الغير ومع الناس مثل الملاك، لكن لما يرجع بيته، ياويل زوجته وعياله من هالملاك، يصير لهم سجان ويتفنن
عليهم بألوان العذاب،،،( خلوه خلوه قلبه أبيض ووسيع )
– مع الحريم صاير روميو، كل الذوق والشهامه فيه، لكن فجأة تتحول الشهامه لنذالة، ويفاخر بين ربعه، منهو فيكم رقم
أكثر مني؟!! منهو فيكم طيح البنات؟!!( خلوه خلوه قلبه أبيض ووسيع )
– هوايته التصوير، يصور هالمنظر وذاك، وتحس انه وديع ورقيق، لكن فجأة تلاقي صورك بين الناس منشورة، وعمايلك
مفضوحة، حتى كلامك متصور!!( خلوه خلوه قلبه أبيض ووسيع )
– تلاقيه بأشرف المهن الإنسانية، تلاقيه الملجأ لما تتسكر عليك الأبواب، يا أستاذ يا دكتور، وفهموني ياناس فيه أعظم
من هالمهنتين؟!!
هذا مربي أجيال وذاك شافي للناس، لكن تنقلب الدنيا ونشوف هذا مربي للفساد وذاك قاتل للناس!!( خلوه خلوه قلبه أبيض ووسيع )
– لما يمسك منصب عالي، تعال شوف خشمه للعالي، يطالع الناس من فوق، ولا كنه كان لك في يوم حامي،،،
( خلوه خلوه قلبه أبيض ووسيع)
– وتعال شوف العجب بالمنتديات، ناس تكتب ردود مثل المجلدات، وناس تكون متوحده على طرد فلان وفلان، وناس
مقومه الحرب على شعب وأديان، صدقني مو ناقص إلا الدبابات،،،
وبعد الإنتصار حس أنه رجال، هـــــو رجال بس ورا الكمبيوترات،،،( خلوه خلوه قلبه أبيض ووسيع )
– وخلنا الحين من سوالف المنتديات، خلنا نشوف الدنيا من قريب، خلنا نشوف البطش بكل مكان، خلنا نشوف الخيانه
في البلدان، ومن أقرب الناس، خلنا نشوف المذابح من أهلنا، خلنا نشوف الحقد من أصلنا،،،
ومن ضعفنا نحط اللوم على الأمريكان!!!( خلوه خلوه قلبه أبيض ووسيع )
* مو مهم اللي يصير، مو مهم اللي يسويه، المهم هو ……..
(قلبه أبيض ووسيع )
مشاركة جميلة وفوق الرائـــــــــعة منكي اختي الكريمة دبدوبة..
وبالفعل معظم الصور التي ذكرتيها واقعية ومرتـــــــــبطة بالحياة..
ننتظرت منكي دوما المزيد..
اخووكم …نوور البدر
مشكورين كل اللي ردوا،،، مودا ، شجونه ، مستر كويت ، نور البدر…
الله يعطيكم العافية.
هالقصيدة هي الواقع اللي يصير بحياتنا نتجاهل اخطاء الغير بحجة ان قلبه أبيض ووسيع.
هلا اختي دبدوبة حلوة من زمان ما شفنا مشاركاتك
بالصراحه موضوعك كثير يحتوي على اشياء مو مفهومه يعني مثلا هدول
الرد على :
– يقابل الناس بوجوه هو صانعها، شكله يحب الناس، شكله يكره الناس، شكله يحس بالناس، شكله…… والله احترنا
معاه،،،
الرد على :
– هوايته التصوير، يصور هالمنظر وذاك، وتحس انه وديع ورقيق، لكن فجأة تلاقي صورك بين الناس منشورة، وعمايلك
مفضوحة، حتى كلامك متصور!!
الرد على :
– تلاقيه بأشرف المهن الإنسانية، تلاقيه الملجأ لما تتسكر عليك الأبواب، يا أستاذ يا دكتور، وفهموني ياناس فيه أعظم
من هالمهنتين؟!!
هذا مربي أجيال وذاك شافي للناس، لكن تنقلب الدنيا ونشوف هذا مربي للفساد وذاك قاتل للناس!!
الرد على :
– وخلنا الحين من سوالف المنتديات، خلنا نشوف الدنيا من قريب، خلنا نشوف البطش بكل مكان، خلنا نشوف الخيانه
في البلدان، ومن أقرب الناس، خلنا نشوف المذابح من أهلنا، خلنا نشوف الحقد من أصلنا،،،
ومن ضعفنا نحط اللوم على الأمريكان!!!
ارجوكي اختي ممكن توضحي هالنقاط 
مع تحياتي
هلا وغلا أختي الغالية روعة،،
راح أوضح لج انشالله النقاط اللي مومفهومة،،،
– يقابل الناس بوجوه هو صانعها، شكله يحب الناس، شكله يكره الناس، شكله يحس بالناس، شكله…… والله احترنا
معاه،،،معناها أختي: ان هو يدعي الطيبة والإحساس جدام الناس لكنه يخفي حقده وكرهه لهم فنلاقيه مثلاً يقول لشخص انه يحبه ويعزه لكنه عكس هالكلام، وحتى أفعاله ماتدل على المحبة.
– هوايته التصوير، يصور هالمنظر وذاك، وتحس انه وديع ورقيق، لكن فجأة تلاقي صورك بين الناس منشورة، وعمايلك
مفضوحة، حتى كلامك متصور!!المعنى: بعض الشباب عندهم هواية التصوير واحنا نعرف انها هواية حلوة، لكنهم يستخدمونها في أمور سلبية وخاصة هالأيام مع تطور الموبايلات المزودة بكاميرات، نشوف بعضهم يفضحون بنات الناس بتصويرهم حتى والبنت تكون غافلة، فينشر الصور بالبلوتوث أو بالإنترنت. ومن كثر ماصارت الناس خايفة من فضايح التصوير صارت حتى تخاف تتكلم لأن ممكن التصوير بكاميرا الفيديو يظهر الكلام اللي ينقال.
– تلاقيه بأشرف المهن الإنسانية، تلاقيه الملجأ لما تتسكر عليك الأبواب، يا أستاذ يا دكتور، وفهموني ياناس فيه أعظم
من هالمهنتين؟!!
هذا مربي أجيال وذاك شافي للناس، لكن تنقلب الدنيا ونشوف هذا مربي للفساد وذاك قاتل للناس!!المعنى: بعض الناس يشتغلون بمهن إنسانية عظيمة كمهنة الطب والتدريس، لكن هم مو أهل لهالمهن، فنلاقي المدرس اللي يربي جيل كامل هو محتاج بنفسه للتربية لأن أخلاقه تكون منحطة.
وإذا كان دكتور، وطبعاً البعض منهم، نشوفه نفس سالفة المدرس من ناحية الأخلاق، فبدل مايعالج المريضة نشوفه يكون علاقة معاها ويكون مثل المراهق اللي للحين مانضج، فبعد العلاقات مع المرضى يستغل منصبه بالتهديد ( يعني لو ماصار اللي يبيه راح يفضح أمرها) وطبعا الناس ماراح تصدق الا الدكتور بس علشان هو دكتور وبنظر الناس كل دكتور يكون محترم.– وخلنا الحين من سوالف المنتديات، خلنا نشوف الدنيا من قريب، خلنا نشوف البطش بكل مكان، خلنا نشوف الخيانه
في البلدان، ومن أقرب الناس، خلنا نشوف المذابح من أهلنا، خلنا نشوف الحقد من أصلنا،،،
ومن ضعفنا نحط اللوم على الأمريكان!!!المعنى: الظلم منتشر بكل مكان في العالم وخاصة الوطن العربي، والمسلمين يعانون الظلم من حكوماتهم قبل حكومات غيرهم، ونلاقي كثير من المسلمين الخونة اللي يعملون لحساب الأعداء، فنلاقي المجازر اللي تصير ببلاد المسلمين تكون أساسها من خيانة بعض المسلمين لأخوانهم.
ولأنهم ضعاف كل ماصار شي من تفجير أو قتل أو أي مصيبة قالوا الأمريكان عملوها، هو صح الأمريكان عملوها، لكن بالإتفاق مع من؟! مع ناس البلد نفسهم.* أتمنى أختي أكون وضحت لج كل النقاط اللي مو مفهومة
– مشكور أخوي الغالي عيناوي على مرورك، وخلنا نشوف مشاركاتك الحلوة
– شكراً أخ شهاب 282 على مرورك وقرائتك للخاطرة
مرحباً
صراحة كلمات جميلة جداً
وهي تحاكي شريحة كبيرة جداً من مجتمعنا
أيضاً يوجد في مخيلتي بعضاً من هذه الشريحة
وأضحك على عمايلهم
فعلاً كلامك صحيح 100%
الله لايحرمنا من مشاركاتك دبدوبة
تحياتي
- يجب تسجيل الدخول للرد على هذا الموضوع.