الحين إلي قرى الجملة إلي فوق
بقول عني شاربة شي وإلا داير راسي
أو مضيعة ولا دارية الله وين قاطني

عيل أحد يطالع فلم من صباح الله خير ؟؟
!لا , مب فلم عادي بعد .. إلا فلم رعب
<<<< !مب صاحية الأخت ..آنه غير عن الناس والعالم
أجوف فلم رعب كل يوم الصبح
!!..من سافرت رفيجتي عني

كنت آنه ورفيجتي نمر بعض
..ونروح المدرسة مع بعض
..لكن سافرت رفيجتي وصرت أروح بروحي

…في أول يوم
…طلعت من البيت عادي مثل كل يوم
…رحت المدرسة بروحي
…ومثل ما رحت رديت البيت الظهر

..لكن في اليوم الثاني
طلعت من البيت

…..إلا
…بسم الله الرحمن الرحيم
!…سيارة سودة موستنج واقفة يم باب بيتناااا

!وجنها كانت تنطر أحد يطلع من بيتنااا
سكرت باب بيتنا بعد ما طلعت
..وقفلته بالمفتاح ومشيت عادي
…سويت روحي ما اجوف شي
…أصلا آنه ما كنت مهتمة لهم وايد
..قلت هذااا شكلة مضيّـع
!ولا داري الله وين قاطه

…أو كان ينطر شي
…لأن بيتنا يصير على ثلاث شوارع عامة
…يعني مب شرط السيارة قاصدة بيتنا
…مع إنها كانت جريب كلش كلش من البيت

…لكن شفت السالفة طالت وشمخت

….امشي
…وأهو يمشي وراي ببطئ
!…امشي .. واهو يمشي

!كنت صج صج صج منقهرة حدي
…وواصلة لي فووق
..عيل الي بداخل السيارة يجوفوني
!!وآنه ماقدر اجوفهم
لأن السيارة مريبنه (عليها عاتم) …

…بس ولا القهر
خذيت الكتاب إلي اقرى فيه <<< يا زعم تدرس
..وغطيت ويهي فيه
..وخل ينقهر مثل ما قاهرني

..آنه مادري شلي حادة يقوم من الصبح صج ناس فاضية وما عندها سالفة ..

ياربي امتى يقضون عالبطالة ..
عشان نفتك من الشباب الطايش الفاضي .. !!
<< دخلت في السياسة
هذاا أول يوم ..
ومر بسلام بفضل الله (الحمد لله) …

…باليوم الثاني

..طلعت
!ومثل السيارة كانت واقفة

!!آنه كلش ما يى عبالي إنه برد مرة ثانية
!ياربي اشكثر أعااني
شاسوي الحين ؟؟

اشلون اتصرف معاه ؟

آنه اشسويت في حياتي
!عشان الله يعاقبني

والمشكلة الشارع مب شارع أبوي
!عشان اقووله لا تمشي عليه

..المووهم

دخلت البيت مرة ثانية
وخذيت تلفوني معاي … <<< الإحتياط واجب ! …وطلعت بطلعتي من البيت
..لمحت بالسيارة , اثنين قاعدين
…لأن السيارة كانت مجابل البيت بالضبط
وكان فاتح نص الدريشة (النافذة)..
آنه من جفت صبيين بالسيارة ..

…قلبي وقف

…يالله , شنوو مت خووف

!..أقوول لا .. راحت عليج يا كووفي
!!..هذيله شكلهم ناويين عليج نويه قووية
!أيه ناويين على شر

!!عيل شِلي يابهم اليوم بعد

يعني لو واحد .. بكون أهون على قلبي الولهان ….
لكن أثنين … ؟؟!!

يا ويلي ياناري

…طول ما آنه آمشي
..وأهم يمشون وراي

…وآنه اضرب أخماس في أسداس
!…وغرقانة بالتفكير

!وقلبي تنسمع دقاته من بعد اميال
<<< الي يبي يشلخ .. يشلخ شلخة تتصدق !
اشبسوون فيني ياربي ..

ليكون بخطفووني ؟؟

!لالالا .. أكيد يبون يقتلوني <<< افكار خطيرة !..ايييه صج يبون يقتلوني
لو ماكانوا يبون يسوون فيني شي
..ما ياو اثنين من صباح الله خير الساعة 6
!!حتى الشمس ما كمّلت الإشراق

..آنه من زود خووفي
..خذيت رقم السيارة وسيفته بتلفوني
…وبعدين خليت رقم البابا
عشان من أجوفهم بسوون شي وإلا ما شيات
الله لا يقووله ..
على طوول اضغط ضغطه وحدة ويتصل
<<< مب منج , من الخوف ! ..أي الصراحة من حقي اخاف على روحي
…والله صج اشكالهم غلط حدهم
..يا زعم رومانسيين
…حاطين اغنية حق كاظم الساهر

رحت المدرسة
وآنه حاطة ابالي اخلي البابا يوصلني المدرسة بكرة …
!لأني مب ناقصة افلام رعب من الصبح

..وآنه كنت مابي أقول حق أبوي عنهم
..لأنه وااايد وايد يخاف علي
..وإذا قلت له ما بخليني اروح المدرسة بالباص
..اهو إلي بوصلني
وآنه آبي اروح مع بو محمد
..ونااسة مع البنات بالباص
..وبعدين أبوي يوديني متأخر
..وآنه أحب أروح قبل دوام المدرسة

…المووهووم
..نرد لمحوور حديثناا
!…إلا اهو فلم الرعب

…يوم ثاني قعّدت أبوي من الصبح
..وقلت له قوووم وصلني المدرسة

…أبوي عطاني مفاتيح السيارة
..وقال لي روحي شغليها وطلعيها من الكراج
…على ما يجهز أهو ويبدل

..ورحت طلعت برع

…لكن الشي الغريب العجيب
…إلي خلاني واقفة مكااني غرقانة بالتفكير

..ما جفت السيارة السودة
!!الي مسببه لي قلق بحيااتي

مع إني حاطة ابالي
…اقط نغزة للبابا عنهم لا جفتهم اليوم بعد

…سبحاااااان الله
اشدراهم إني بخلي ابوي يوصلني ؟

لو إنها صدفه ؟؟؟

!معقولة ؟

!مادري

..بس بعد حمدت ربي وشكرته
..واتمنيت يكوون دوووووم مب يووم
!وعسااااني ماجوف اشكالهم المرعبة مرة ثانية

…والله آنه وحدة آبي روحي
ومب مستغنية عن نفسي أبداً أبداً

…لكن (على قولة المصريين) يا فرحة ما تمت
…بعد بيوم .. ياو

..ويوم جفتهم
خلاص قررت
ردتي من المدرسة
..أقول حق أخوي لكبير

…واليوم بعد غير

حاطين (صَباحُكِ سُـكر) ..

…ومكيفين عالأخر

…خرعووني

عسى الله يخرعهم
…مثل ما خرعووني

..واهم ماريين يمي
فتح واحد منهم الدريشة
وقال : صباحج سكر

بسم الله
لوتشوفون هالشكل
الله لايراويكم
استغفر الله ياربي
<<<من الصبح ذنوب اسووود ولابس نظارة حمراا
كلش مب طايحة عليه
مفكر عمره مايكل جاكسون

…وعيــــه مالت عليك
…صباحك شر إن شاء الله
…يا زعم تسوي صوتك ناعم
!صج بنااااتي حدك
(( طبعاً هالكلام قلته بقلبي ))

..اخاف ازفهم
…ما عندي الشجاعة الكافية

اهم اثنين .. وآنه بروحي

…والشباب مالهم أمــااان أبداً

…عقب ما خلّص فلم الرعب

…وبعد ما رديت من المدرسة

..رحت على طووول البيت
..وأتصلت في اخوي لكبير

كوفيانا: هاااي فيدووو
فيدو: هلا والله..
كوفيانا تقطع كلام أخوهاا: الحين الحين تعال البيت .. أبيك ضروري
فيدو: اشفيج بسم الله .. كاني بالغرفة تعالي
كوفيانا: كيوي .. بااي

….سكرت بسرعة
ورحت طيرااااان غرفته
…أقول له السالفة كلهاا

..ووعدني إنه بكرة راح يطلع معاي
..ولا شفناهم يوريهم شغلهم زين

أخووي عصّب علي حدّه
..لأني ما قلت له من البداية
بس عاااادي الااا فيدوو .. خل يصعب
!اشبصير بالدنيااا والدين يعني لا عصب ؟

…..يى الصبح
…وطلعت مع أخوي
وكانت السيارة واقفة بمكانهاا المعتاد

….وناااااسة
عجيب صج
..من جافوا معاي اخوي

..طااااااااارووا بعييييد
وما جفناا إلا غبار السيارة هههه

…صج جُبناااء حدهم

..هذيله الي خايفة منهم
…طلعوا اجبن منهم ما في

…ضحكنااا عليهم ضحك آنه واخوي

…ومن يومهاا

ما جفتهم بعد

وعسااني ما اجوفهم

…ردت لي رفيجتي بالسلامة
وصرنا الحين نروح المدرسة مع بعض
…الله لا يخليني منهااااااا

…وحتى لو ياو مرة ثانية
…ما بخاف منهم لأن معاي أحد
…مو بروحي

بس تبون الصج ..؟؟

…آنه جفت ناس فاضية بحياني واايد

!! لكن مثل هالإنسانين .. ما جفت أبداً

!!أنتوا جفتوا ؟؟