يا معــذب قلبــي ببعــدك وصمتــك
راجع حساباتك ترى القلب كافيــه
مغرم أنا حيــل وأتعبنــي الشــوق
وأنتـه ولا داري بقلبـي وخافيـــه
أشعلــت بـه نـار باتــت تمسيـــه
حتى مياه الكون ما عاد تطفيـتـه
خايف أقول أهواك تحسبها علــي
وإذا سكت جروح قلبي تحتويــه
محتار في أمري أرجع بنص الدرب
ولا أمني النفس دربي وماشي فيه
حبك سراب ألقاه لكن من جنوني
أتبعـه واتمنــاه وأدعــي ألاقيــه
تتعبنــي هالقســوة خلك حنــون
وميــل يكفـــي تمـــادي وتيـته
سلطان طبعك دوم وتحب تتسيد
الحب ما هو إنسان تامره وتنهيه
وش نظرتك للحب إنه برج كبير كبير
وإني أنا في القاع وانته في عاليه
الحب دا نعمة وجنـة ورد وألــوان
طيف وربيع ومي للظامي يرويـه
والحب من ذاقه صارت شهد دنياه
ويسمو بنفس العبد وبسيده يساويه

منقول (من كلمات صديقة)