الرئيسية › منتديات › مجلس الأصدقاء والمرح › مغامرات رشاش والشيخ صنهات
- This topic has 0 ردود, مشارك واحد, and was last updated قبل 19 سنة by
.@.اسافر.عنك.@..
-
الكاتبالمشاركات
-
18 أغسطس، 2005 الساعة 3:07 ص #41318
.@.اسافر.عنك.@.
مشاركمراااحـــــــــــــب
كيفكم يامصرقعين انشاء الله طارت عقولكم
جايب لكم اليوم قصتي مع الشيخ صنهااات نترككم
مع الاثارة في هذا الفلم الوثائقي
تحذير لايرى هذا الفلم الا من هو فوق الثامنه عشر من العمر
<<<<<<<< شدعوه فلم مرعب يالله نبدء القصه : 1 2 3 اكشــــــــــــــــن
طلع رشاش من البيت مسرعا الى الشيخ صنهات وهو معصب من ابوه اللي طرده من البيت ,, لانه دبر حبه فياقرا مع العلم العائله مقيمه في غرفه بالسطح .. فقد توجب طردهومن ثم توجه رشاش الى شيخه صنهات وقد دخل عليه قائلاً .. سلام ياكوتش … فاذا بالشيخ صنهات يلقي عليه نظره حادّه ويصفعه على وجهه !! كفو ياشيخ ..
(وهنا لحظه صمت على ما جرى) .. (انتهت اللحظه)سأل الشيخ صنهات .. رشاش وشجابك ؟ .. شرح رشاش الموقف وهو فيه لحظه خجل .. فأبتسم الشيخ وقال هههه لله درك يا أبا رشاش .. للحين ما بطلت حركاتك
فقال لي .. حدثني ياغلام .. أخبار ام سعد جارتكم وهل أرسلت لها رسايلي الصوتيه (من اول كانو يتميلحون ويسجلون أصواتهم ويعطونها البزران يقولون ودها لفلانه ) <----- هيييه تعال .. من وين جبت هالكلام !! تنصب عيني عينك قلتله والله انها منيحه وتسأل عنك .. قال ok ok فلنكمل درسنا فبدأ يحك سرّه ويقول .. اسمع واعلم ياغلام يرحمك الله ان الحياه وان حرصت و و و …..وفجاءه توقف الشيخ عن الحديث وتقلبت عيونه وبداء يتصبب عرقا.. فاذا بي احضر ماء وارشه على وجهه واذا به يتهنق ويقول اغ اغ اغ .. وهنا تذكرت حديث واحد من الجيازنه يُدعى غرم الله يوم راح محل طيور وقاله عطني ببغاء وقاله صاحب المتجر .. لا أملك حالياً .. وكان يزعجه كل يوم اريد ببغاء اريد ببغاء .. حتى نصب عليه صاحب المتجر وباع له حمامه .. ولما ذهب ذلك الجيزاني الى بيته ادخل الحمامه الى القفص وبدأت الحمامه تقول غوووغ غووووغ غوووغ فبدأ الجيزاني يداعبها ويقول : (( هيّا هيّا قولي غرم الله قولي غرم الله هيّا هيّا )) وهُنا بدأ الشيخ صنهات يرجع الى وعيه ويقول بلا شعورياً .. فاطمه فاطمه اويلااااه وينتس يا فاطمه (( نعنبو هالشايب المهنق مافي بنت الا يعرفها )) ومن ثم عاد الى الدرس وصحصح .. لكن حالته كانت مش طبيعيه وقالي خلاص روح روح للبيت وتعال بالليل .. قلت طيب بمشي .. وارجع للبيت والقى ابوي وامي عند التلفزيون جلسنا نتفرج على المقاطع المضحكه ونقهقه بصوت عالي الين جاء الليل وارجع لمنزل الشيخ صنهات وصلت الى هناك ودخلت وكان الباب مفتوح ولقيته ماخذ غفوه وكانو الطلاب بخيت ورامي وسمير ودرويش جالسين يتكلمون عن وحش حرامي يقولون انهم شافوه
قال سمير: يا اصدقائي اتعلمون انني في ليلة البارحه كنت انظر إلى الدريشه و خرج لي فجأه حيوان ذو خمسة عيون و من ثم اقترب مني و اختفى ( لا تراني مصدقك بقوه )فقال درويش : فعلاً لقد رأيته قبل البارحه و كان يلبس جنز أصفر ومعه صندوق ذهب
فصفق رامي الأرض برجله و قال : و من قال أنه يلبس جنز أصفر بل هو أخضر
فقام بخيت من مكانه فنظر إليه الطلاب و من ثم قال : لا والذي رفع السماوات أنه يلبس بكيني و ليس جنز
فقمت انا بعد أن اخذتني نشوة النصب و الشلخ : لا والله أنه يلبس بكيني مع جنز (يعنني محايد)
و من ثم قام كل الطلاب من مكانهم و خشو في معركه سميت بمعركة ” ام العواصف ”و فجأه جلس كل طالب في مكانه بعد أن سمعو خرفشة زبيرية شيخهم آتيه من بعيد .. وبعدها دخل الشيخ صنهات وسلم عليهم وردو عليه بالمثل
جلس الشيخ على مركته و تركى عليها و قال لطلابه : ماذا بكم فإنني ارى شيئاً غريباً في ملامحكم !
اجاب بخيت قائلاً : ليس بنا شيء و لكننا نحتري درس اليوم ( افلقني مع اذناي ) فقال شيخهم : قبل ان ابدأ درس اليوم اريد منك يا بخيت أن تقول لي رأيك بالزوله ؟ فاجابه بخيت قائلاً :ليست مواكبه للعصر الحديث
فأخذ الشيخ طفاية حريق و فلق بها رأس بخيت و قال له : يا زينك ساكتو من ثم اعتدل الشيخ بجلسته و أخذ رشفه من الشاي بعد ان احرق لسانه و قال : اعلمو هداكم الله و جعل لكم في كل طريق حفره أن الزوله حركه ليست مواكبه للعصر الحديث ( و المشكله ضارب بخيت عشانه قال هالكلمه ) .. و لكن الزوله تؤخذ من اطباع الناس فالذي لا يريد ان يقوم من مكانه تعتبر هذه الحركه ” زوله ” و قد حدثني سوداني كنت اسولف معه فقلت له : ما هي أحسن كلمه عندنا في السعوديه ؟
.. فأجابني بدون تردد : عز الله مقامك……فضحكنا
وبعدها أخذ الشيخ مزه من الشيشه ( والله من زين الشيخ ) .. و قال انصرفو هيّا
انصرفنا ولم نريد الانصراف .. خرجنا رحنا شوي ورجعنا .. قلنا وشسالفه هالشيخ .. اعتقدنا ان وراه بلى … قالو العيال ذا الشايب مهوي .. خلنا نطل عليه من الدريشه ونشوف وشيسوي .. ورحنا للدريشه ونطل .. ونلقى الشايب متغير ويتعصر الا وشوي الا واحد من العيال يصرخ , لطمناه على وجهه وقلنا اسكت على نشوف وشبيصير اللحين ,, الا ويصرخ ذيك الصرخه وتنط عروقه ويصير لونه اخضر وينقلب الى وحش ..
ويفك لحيته اللي طلعت تركيب … هنا صرخو كل العيلان وقالو نفسه نفسه والله نفسه ذا اللي شفناه الا ويقلب وجهه ويطلع من البيت ومعه مجوهرات وذهب واغراض كثيره سارقها ذا الداشر وطالع يوديها للمستودع .. ونلف وجيهنا وننحش للجهه الثانيه عشان مايشوفنا ,,
لكن ماقدرنا نهرب لانه سمع صوت خربشتنا وطلع بسرعه جنونيه وهو معصب ويتعصر .. شالنا كلنا ودخلنا البيت وقفل الباب ويروح يجلس على كرسي مصنوع من الخشب ومطرز بجماجم بشريه وكان يجلس على يمينه .. مجرشي , وعلى يساره صنجه وهم اصدقاءه ويملكون حنكه سياسه بحته (افلقني ) قال مجرشي ..
ياشيخ صنهات وشنسوي بذا العيلان تهقى ينكبونا .. سكت الشيخ 5 ثواني وقال لصنجه وشرايك انت .. قاله صنجه اصبر خلني أفكر .. وفكر وقال خلنا نفجرهم
وهنا ذهب مجرشي مسرعاً وعاد بعد ربع ساعه وهو مسرع وشايل معه زحمه مواصير ودينمو وأسلاك ومحول ثم قطها امام الشيخ وصنجه وأعطى الشيخ صنهات الفاتوره .
وقال صنهات خلاص نتحاسب بعدين .. مما أغضب مجرشي وجعله يحمل اغراضه ولما سألوه الى أين . قال : برجعها للدكان ولا عطوني فلوسي اللحين
ومن هنا ذهب الشيخ صنهات ليحضر المال ولما عاد لقى مجرشي مضبط الوضع ومربط العيال رشاش وبخيت ودرويش ورامي بالأسلاك .. هنا قام الشيخ صنهات وصفع مجرشي .. قاله : يادبشه تبي تفجرهم بغرفتي ونتفجر انا وياهم !! رح وربطهم بعيد من هنا الين آمرك انك تفجرهم ..
وراح مجرشي مع العيلان وربطهم بشجره تبعد عن منزل صنهات 3 كيلو .
وجلس صنهات على عرشه واستعاد شيشته بعد ان غسلها 13 مره ومرتين بالتراب عقب سعابيل صنجه
حاولنا الفرار من الشجره لكن ما باليد حيله .. انتظرنا نص ساعه الين جانا (( نقار الخشب )) طير نشمي وكلمناه وشرحناله الوضع وفزعلنا وماقصر الله يجزاه خير وجلس يدق بالخشب الين قطع الشجره وهربنا …
ركضنا بأسرع وقت ولادرينا وين نروح .. نروح للشريف أيمن (ذا مدير شرطه الثقبه على ايامنا ) ولا نروح نعلم اهالينا .. قالو العيال خلنا نمشي عند الشريف أيمن خصوصا انه يحب الصغار مره (مهوب لله ) .. والله ونروحله ركض ودخلنا عليه قال : عسى ماشر ياعيال وشجابكم هالحزه .
حين كانت الحزه الثاني عشر بالليل .. وقلناله سالفه الشيخ صنهات ومجرشي وصنجه وقلناله انه طلع وحش وحرامي ويسرق اغراض الناس .. قال : مدري انا مكتوب على جبهتي هطف ولا هطف ؟ يالله اطلعو برا محنب فاضين لحركاتكم ..
قلت ياعيال محد بيصدقنا لو شكينا عند فلان وعلان .. صنهات سمعته بالحاره زي العسل .. لازم حنا نوقفه عند حدّه .. ونروح عند واحد فلبيني يدرب كونغ فو وناخذ دروس عالطاير ونطقم كلنا بدله البرازيل ونشتري سواطير وسكاكين وأقسمنا ان يصل الدم للركب اليوم
وبعد هالفلسفه مني انا والعيال وطقطقه بيالات الشاهي بدأن نسوي مفاوضات مع نفسنا عشان نختار زعيم والموضوع ما طول واختاروني انا بعد محاولات رشاوي لهم … وبعدها وحدنا صفوفنا وسوينا طابور وخلينا درويش اول واحد نظراً لحركاته المعروفه بالطابور
اقتربنا من منزل الشيخ صنهات وحاوطناه من كل جهه (مهب منكم والله .. الا من هالمنزل المثلث) .. ووقفت انا عند الباب الين درعمت وكسرت الباب والقى صنجه يتفرج على التلفاز.. انقضضت عليه وحاول ان ينط علي وياخذ السكين ,, ومن الصراخ ومماعط الشوش تجمعو صنهات ومجرشي .. واخوياي الأربعه .. ودخلنا في معركه حاميه الوطيس سمّيت بـ ” ام العقارب ” وانتهت بمقتل صنهات والقبض على مجرشي وصنجه واكتشاف هويتهم .. ونقلهم الى مختبر التحليل لفحصهم والبحث عن جيناتهم ومن ثم زجهم للسجن
وبعد هذي الحادثه .. تمت ترقيه رشاش الى الشريف رشاش ( يعني العمده ) وبعدها عاد الأمن والاستقرار في ارجاء القريه ..
انشاء الفلم حاز على رضااااكم
على فكرة هو حصريا على MBC2 في هذي الفترة
-
الكاتبالمشاركات
- يجب تسجيل الدخول للرد على هذا الموضوع.