الرئيسية › منتديات › مجلس الفقه والإيمان › قصة مهجول مع مطوع … حوار صريح
- This topic has 4 ردود, 4 مشاركون, and was last updated قبل 19 سنة by
يوسف النوينو.
-
الكاتبالمشاركات
-
18 أغسطس، 2005 الساعة 3:03 ص #41317
.@.اسافر.عنك.@.
مشاركمهجول ومطوع ..!!
قصة مهجول مع مطوع في حوار صريح …!! الجزء (1) .
أرجو من الجميع قراءة الموضوع كاملا … وشكرا
“
“
“
“
بسم الله الرحمن الرحيمالسلام عليكم ورحمة الله وبركاته
صباح الخير يأ أحلى شباااااااااااب
كيف حالكم ؟ طيبين ؟ الحمد لله
ما نطول عليكم نبدأ القصة ….=============
سامحونا واعذرونا يمكن نشد عليكم ونقسي شوي …
=============
المهجول :
من أولها يا مطوع !!! تعصيب وشدة وقلة حياء ..!! وش بلاك أنت علينا ؟المطوع :
ابلشششششش !! سمعنا المهجول .. لا موقصدي بس كنت ابعلمكم من حبي لكم علشان ما
تزعلون – الله يسلمك –المهجول :
ايييه اشوا كنت ناوي شر بس فكك الله ..!! وبعدين تراك اقلقتنا واقلقت امي !! وش
عندك اليوم ؟؟المطوع :
هدي اعصابك ولا تزعل , ما عندي إلا كل خير إن شاء الله , بس انت لا تستعجل
علينا , وخلك معي حبة حبة ..,المهجول :
هاه !! وش تقوووووول !! ( حبة ) !! وش قصدك ؟ عيب عليك يا مطوع , احترم نفسك ,
ترى حنا عاقلين وفاهمين ومتربين ما تاصل للامور هذي !!المطوع :
لالالالالا , مو قصدي الــ (ابيض) اللي في بالك .., قصدي لحظة بلحظة يعني شوي
شوي ..المهجول :
اييييييييييه لحظات –جالكسي– طيب .., المهم بس اخلص علينا ورانا خشة قوية
الليلة , بيخشون الطارات …….و……. ,, نبي نلحق عليهم يله اسرع ..المطوع :
(( يحلفوووووووون تبي تلحق ..آآل بيلحق آآل)) ..!المهجول :
هاه !! وش تقول ؟؟المطوع :
أبد سلامتك , أقول : أبشر ما عليك يمديك إن شاء الله تلحق -إذا حجت!!-المهجول :
طيب يله –بسم الله– وش عندك اليوم عطنا ؟المطوع :
أنا اليوم ما راح اكلمك عن التفحيط والهجولة , لأني قد تكلمت عنها…. ,
وقلت انها ما ترضي الله …,
وأنها حرااااااام ,
وانها بواااابه كبييييرة لمشاكل كثيييييرة …..,
وانها سبب لعقوق الوالدين وعصيانهم ..,
وانها سبب مباشر للموت والهلاك , وسبب للشلل والتكسر وكثيييييير من الحوادث
الشييييينه..,
وانها خطر خطر خطر …..وكم واحد مات قدامنا !! وشفناه بعيونا !! وكثير ما نسمع :
(( توفي فلان الطارة ,, ))
(( و طارة آخر إلى رحمة الله )) ..
رحمهم الله واسكنهم فسيح جناته …بسبب التفحيط : نسمع كثير من الأخبار المؤلمة واللي تضيق الصدر وتقطع القلب
…,وكم اللي صاروا مشلولين ومعوقين بسبب حوادث التفحيط !!
وكم اللي تقطعت اطرافهم ؟
كثييييييييييييير والمستشفيات ودار النقاهه ملياااااانه !!!أسأل الله العظيم رب العرش العظيم أن يشفيهم …
المهجول :
آمين آمين , الله يجزاك خير ,, بس بالله شف كم الساعة معك الحين ؟ ودي أمشي
ألحق الشباب , ممكن ؟المطوع :
بدري ,, يمديك بالراحه , بس اصبر شوي اسمعني ….المهجول :
سم ,, تفضل , كمل – الله لا يهينك .. الصراحة يا مطوع انك من النوع الجيد
…!!!المطوع :
هاه !! وشو !! نوع جيد ..,, وشو هذا ؟المهجول :
ابلشششششش وشلون يفهم الحين , هذا نوع اصلي ممتاز مثلك وشرواك , بس كمل لا هنت
الحمد لله .المطوع :
وين وصلنا :المهجول :
آثار التفحيط … و …. ,المطوع :
ايه نعم صدقت , فأقول لك :
وكم فيه من أم مسكينة تنتظر ولدها وتبكي عليه …, وكم أب يتمنى في ولده
الكثيييير ويدور ولده كل الليل ما يدري وينه فيه وبعدين يجيه خبر انه مات في
التفحيط !!! ولا تعوق ولا تكسر ولا في العناية المركزة !! …
وكم تيتموا اطفال وبزران !!
وكم ترملت حريم وامهات ؟؟
ومن ؟ وكم ؟ وكم ؟المهجول :
بس بس تكفى الله يرحمك ابوك بس يامطوع لا تقطع قلبي لا تحرقني ..!المطوع :
لالالا , وشلون بس . لا , مافيه شيء اسمه بس , خلني أتكلم واطلع اللي في قلبي ,
خلني أريح نفسي خلني أبريء ذمتي .. يا اخوي والله ما يصير كذا ..
خافوووووا الله ياااااااانااااااسالمهجول :
اقول لك خلاص خلاص لا تعذبني , أرجوووووووك يكفيالمطوع :
طيب طيب . يكفي , وانا الصراحه ما كنت ناوي أكلمك عن التفحيط … , لكن غصب عني
طلع مني هالكلام لأني ما ودي بالخطأ والغلط لكم .., ما ودي اسمع خبر بكرا ولا
بعده يقولون : الطارة فلان مات .. ولا مات من الجمهور اثنين ….
واللي كنت أبسألك عنه 3 اسئلة وبس ..المهجول :
تفضل اسأل .المطوع :
1- وشلونك مع الصلاة ؟
2- وشلونك مع القرآن ؟ ومتى آخر مرة قرأته ؟
3- وشلونك مع والديك ؟ تطيعهم وتحترمهم ولاتعصيهم أبد ولا ؟؟===============
المهجول طلب عدم ظهور إجاباته أمامكم, وربما تأتيكم فيما بعد ..
===============المهجول :
أقول يا مطوع , الله يهديك بس . راح الوقت بسرررعه وراح موعدنا مع الشباب ,
خلاص ما يمدينا نلحق … خلصوا .المطوع :
الحمد لله يا رجال , يمكن أزين لك انك مارحت معهم يمكن تنصدم ولاتموت ولاتكسب
اثم وذنب اقل شيء ..المهجول :
وانت صادق يا مطوع , الحمد لله على كل حال … طيب يا مطوع ممكن طلب ؟المطوع :
تفضل .المهجول :
أبيك تعشيني بالمطعم , مامعي فلوس ..!!! دااااج اليوم .المطوع :
أبشر بعزك . يله مشينا ماما نورة << خربها المطوع ... ——————–
في الجزء الثاني : قصة (( لعيوووونه )) !! بين المطوع والمهجول …
——————–
وشكرا لكم ,,,18 أغسطس، 2005 الساعة 3:04 ص #578623.@.اسافر.عنك.@.
مشاركالجزء الثاني
بسم الله الرحمن الرحيم
——————-
السلام عليكم
صباح الخير يا شباااااب .. كيف حالكم ..
………………………….— اللي ما قرأ الجزء الأول يروح يقرأه علشان يفهم …
————————————–— قبل ما نبدأ نحب نذكركم بالأسئلة الثلاثة اللي طرحها المطوع على المهجول ,,
وهي :
1- وشلونك مع الصلاة ؟
2- وشلونك مع القرآن ؟ ومتى آخر مرة قرأته ؟
3- وشلونك مع والديك ؟ تطيعهم وتحترمهم ولاتعصيهم أبد ولا ؟؟نبغى كل واحد يوقف معها وقفة ويسأل نفسه ويشوف نفسه فيها,, ويحاسب نفسه عليها
…,
———————————-
طبعا السالفة الأولى انتهت عند مطعم ماما نورة لأن المهجول كان مطفر وداج ذاك
الوقت وراح يتعشى مع المطوع ,, وطبعا انتم تذكرون انه فاتته الخشة وراح الوقت
عليه وما راح ولا حضر ذيك الليله …,,
———————————-
طيب اخلص علينا تراك ابلشتنا !!!
>>طيب طيب .. سم هالحييييييين نكمل القصة ….
——————————–— يمكن نطول شوي عليكم ,
واعذرونا على التأخير , وسامحونا مرة ثانية لو عصبنا وشدينا شوي عليكم ….المهجول :
شف عاااااااد يااااااااا مطوع : التأخير وبكيفك ما لي دخل فيك ,, بس لا تقعد
تهاوش وتعصب ..!!المطوع :
طيب إن شاء الله , اقوووووووول ترى توي معشيك بماما نورة , اسمع كلامي زين وخلك
رجل ..!!المهجول :
هاه !! سم سم , طيب بالله واحد كوكتيل علشان نمخمخ معك زين ..المطوع :
عطوه كوكتيل … وين وصلنا يا مهجول ؟المهجول :
التفحيط وما التفحيط واضراره وفوايده وزي كذا ….المطوع :
طيب بالله عطني أي فايده للتفحيط والهجولة ؟؟؟المهجول :
الصراحه والخقيقة يا مطوع ما له أي فايدة ابد ..!المطوع :
طيب , ليش تهجول وتفحط …؟؟المهجول :
هو يعني الصراحة علشان هو إذا كان هو موجود يعني ولا كان هو ….!!المطوع :
وش تقوووووووول انت !!! …؟؟ وضح كلامك , ما فهمت شيء !!المهجول :
يعني … يعني .اقولك هو .. علشان … لعيووووووووونه …المطوع :
لعيونه !! كيف يعني ؟ ممكن تفهمني ؟المهجول :
ابلشششششش بالمطوع ,, كيف نفهمه الآن . يا مطوع مالك ومال الامور هذي ؟؟المطوع :
وش دعوه ,, قل لي ترى عادي (( توي معشيك يا ……!! )) ايوه وشو ؟؟المهجول :
لعيونه يعني ذاك وذاك اللي بالي بالك ما غيره اللي هذاك يوم شفته هناك ..!!المطوع :
ايييييييييييييييييييييه قل كذا الحين فهمت… ,إلى الآن –حسبي الله عليك– وانت كذا !!
يا ولد انت شيبت وكبرت ,, والرجال طلع شنبه وانت ……!!
يا اخوي يا حبيبي … فكر بالامر زين ترى ما يستاهل كل هذا ,,
يعني تغضب الله وتفعل لحرام علشان ترضي فلا وعلان ..,!!!
يا اخوي ترى الله يشوف كل شيء ,, انت ما تستحي من نظر الله إليك …!!!
بالله عليك هذا شيء طبيعي ولا مرض ..!! راجع نفسك وفكر زين … !!
بالله عليك تقدر تفتخر عند ابوك والرجاجيل والشيبان بالشيء هذا ولا تستحي ؟ هاه
!!!المهجول :
يا مطوع شوي شوي لا تعصب علينا …. تكفى ..المطوع :
ليش ما اعصب بس انت لا تزعل علي ,, الحق حق وانا اخوك ما ينزعل منه …!
طيب شف هذا خويك (( لعيونه )) ….
— بينفعك يوم القيامة ؟؟؟
— بيزيد حسناتك ويدخلك الجنة ؟؟؟
— بيبعدك عن النار ؟؟المهجول :
لا والله ما ظنيته يامطوع … يمكن العكسالمطوع :
طيب شف : تخيل انه هذا — لعيونه — أخوك !! ترضى له ؟ , ولا تخيل انه ولد عمك
ولا قريبك !!!
أكييييييييد ما ترضى .. طيب انت ما ترضى ,, ترى بعد حتى الناس ما يرضون لعيالهم
مثلك !!
ولا تقول لي هو راضي !! وحتى لو كان راضي ,, أهله ما يرضون اكيد مهما كان — حط
نفسك مكانهم —طيب خلنا نكون صريحين اكثر .. : انت بعدين اذا تزوجت – إن شاء الله – تخيل
وافترض انه جاك ولد – ما شاء الله – حلو ومزيون … أنت ترضى انه كل يوم مع
واحد (( لعيوووونه)) ؟؟ والعالم يدورون عنده وانواااااااع الهجوله حوله ؟؟ !!المهجول :
لا لا لا لا لا ,,
أنا ما أبي ولدي يصير مهجول , أبيه يصير عاقل ويحفظ القرآن…
وما أبيه يمشي مع أي واحد تعبان ابد , أبي ولدي ناجح في الدراسة ومتفوق … ما
أبيه يصير مثلي …!!!المطوع :
طيب أنت أنت أنت لازم تغير نفسك الآن الآن ,,
وبعدين أنت إلى متى مع ((لعيونه )) وكل شيء لعيون (( لعيونه )) ..!!
يعني أنت تتوقع انك بتصير على طول كذا !! ولا هو يعني بيقعد لك كذا دايم صغير
على طووول و ما ارح يكبر وينتبه ويدري أنه خطأ وعلى خطأ وكل شيء صار خطأ
..وبعدين يكرهك ويمكن الآن هو يكرهك ما تدري ..!!— انت ما عندك عزة نفس ؟؟
— انت ما عندك كرامة ؟؟
— انت ما عندك نية تتزوج وتستقر مثل العالم والناس ؟؟ وتترك عنك هالخرابيط هذي
؟المهجول :
ياااا مطووووع يااااا ناااااس يااااا عاااااااالم ياهوووو (( أنااا
تعباااااااان )) ..!!المطوع :
يا اخوي انت تعبت نفسك وطعت الشيطان وابعدت عن الرحمن , ومشيت بطريق المعاااصي
والحرام . .. وعصيت والديك .. واهملت الصلاة .. انت اللي خالفت الصواب وتركت
الهدى والرشاد ….. انت خربت نفسك بنفسك ..المهجول :
اللي خربني أصدقاء السوء -خوياي- , انا كنت عاقل .. بس هم السبب …!!!المطوع :
انت اللي مشيت معهم , ليش أصلا تصادقهم , ليش تمشي معهم , وش لقيت من وراهم ؟المهجول :
لقيت : الهجولة والاغاني والتفحيط و ………!! و أحيانا نسرق !! و …….!!
ووو ..!!!المطوع :
طيب كل هذي تنفعك يوم القيامة عند ربك ؟؟؟المهجول:
أكيد لالالالالالالالالالا , بالعكس يمكن تهلكني ..!!المطوع :
أجل هج وانحش عنها قبل ما تموت وانت عليها ..!! وبعدين اسمع الحديث هذا :
(( يحشر المرء مع من أحب )) ؟؟المهجول :
كيف ؟ ما فهمت ؟ وضح يا مطوع ..المطوع :
يعني انت وش ودك وش تبي بيوم الحشر مع من تحشر ؟
1– مع الانبياء والصديقين والعلماء والشهداء والصالحين والمؤمنين .؟
2– ولا تبي مع المغنين والممثلين والدشييييييير و و و ؟المهجول :
لا والله ودي مع القسم الاول .. اكيييييييييييد ..المطوع :
اكيد تبي تحشر معهم ؟ طيب ليش ما تخليهم هم قدوة لك ؟ وليش ما تعمل مثلهم ؟
وليش ما تمشي بطريقهم ؟
.. اللي يحب أحد يسوي زيه ويقلده ويمشي بطرقه اكيد .. , .المهجول :
إن شاء الله ,, بس انت يا مطوع خوفتني !!المطوع :
لازم تعرف ولازم تدري .. اليوم دنيا وبكرا آخره ,, اليوم عمل بدون حساب وبكرا
خساب بدون عمل !!
وبعدين ما راح ينفعك إلا عملك الصالح …المهجول :
يعني رأيك بلا هم بلا غم بلا (( لعيونه )) يعني : الهجه يا ولد .. ؟المطوع :
اي والله تكفى .. علشان تنجو وتفتك من المعاصي والاغاني والحرام والذنوب
والسيئات ..
وترتاح وتريح نفسك من الهموم والغموم …المهجول :
طيب ابغاك يا مطوع توصيني وتنصحني ؟المطوع :
— خلك دايم مع الرفقه الصالحة اللي يدلونك على الخير ويعينونك عليه …
— اترك عنك الحرام والمعاصي والاغاني قبل ما يموت قلبك ..
— حافظ على الصلوات في أوقاتها بالمسجد ..
— انتبه لوالديك ولا تعصيهم ابد ..
— اقرأ القرآن دايم ..
— اسمع الاشرطة المفيده
— واوصيك بكثرة الدعاء والاستغفار ..
–وتوكل على الله …
–ولا يهمك أحد ..وعلى طاري الأشرطة :
هذي بعض الأشرطة المفيدة :
أولا : القرآن الكريم :
1- الفرائد .. للقارئ : ناصر القطامي .
2- فذكر بالقرآن من يخاف وعيد .. للقارئ : ياسر الدوسري مع الشيخ : خالد
الراشد.
3- ماجد الزامل , محمداللحيدان ..ثانيا : المحاضرات :
1- أشرطة الشيخ خالد الراشد كلها جميلة جدا ..
2- أشرطة الشيخ الدكتور عبدالمحسن الأحمد أيضا كلها جميلة جدا ..
3- أشرطة الشيخ سليمان الجبيلان وخالد المشيقح وسامي المحيميد …ثالثا : القصائد :
1- أشرطة الراوية : محمد الشرهان .. (قصص وقصائد ) ..
2- ونة .. لــ ناصرالراجح .
3- دمعة خفوق .. لــ ناصر الراجح .
4- نمر بن عدوان لــ المرشدي ..
5 – الدار …لــ السكران .رابعا : الأناشيد والمنوعات :
1- مباشر 1 , مباشر 2 .
2- حورنيات 1 – 2 – 3 .
3 – المقناص .
4- وغيرها كثير ..
– أشرطة أبو عبدالملك , وأبو علي ..المهجول :
جزاك الله خير …——–
المهجول عرف انه طريقه مسدود ..,,
وعرف انه على خطأ ..,,
وعرف انه يمشي بطريق الشيطان ..,,
طريق ما يرضي الرحمن ..,,عرف انه يمكن يجيه الموووووووت بأي لحظة ..
عرف ان الدنيا ما تسوى ..
عرف ان فيه شيء اسمه :
(موت وقبر وسؤال وبعث وحشر وحساب …. )وبالاخير تاااااب وتعدل وصلح وزانت اموره …
والحمد لله ..أسأل الله العظيم أن يهدي شباب المسلمين .
وأن يردهم إليه ردا ً جميلا .
آمين …—–
والسلام عليكم ورحمة الله وبركاته …
18 أغسطس، 2005 الساعة 3:09 ص #578625المخترع العجيب
مشاركجزاك الله الف خير يا أسافر على هذه القصة ونتمنى ان نرى الجزء الثاني قريباً .
واهلا بيك معنا بالمنتدى
18 أغسطس، 2005 الساعة 5:51 ص #578656صقـر العـراق
مشاركجزاك الله الف خير على هذه القصه
18 أغسطس، 2005 الساعة 7:49 ص #578727يوسف النوينو
مشاركمببرو ك موضوعك جميل
-
الكاتبالمشاركات
- يجب تسجيل الدخول للرد على هذا الموضوع.