بعد فترة من الغياب أحب أولآ أسأل عن أخواني أعضاء و مشرفي المجالس إن شاء الله إنكم بخير وعافيه
حبيت إني أشاركم بهالمواضيع و إن شاء الله تنال إعجابكم
هذي بعض الكلمات جالت في خاطري بشاركم فيها

” إحساس الكلام “

يــاحلو أيــامي يــالـمها يــالغرام < > عشقتك وربي يشهد علي حرام
يــاوفى يــادفى يــاصدق الأيـام < > مابـهالـدنيا مثـلك يـاحب وهيـام
إسم على مسمى ونعم الأسام < > المها والغزال سبحان رب الأنعام
لو أقدر على الحظ وأيام الغمام < > لأخترت قربـك لـيوم القيــام
يــابنت أحبك ماهو بعذب الكلام < > أحبك وأحبك ومابعد هالكلمة كلام

” خيال أو حقيقه “

صرتي له عالم ثاني بكونه < > بروعته و بجماله و بلونه
إنتي كل العشق و جنـونه < > في رقتك و دلعك ياحنونه
مثـلـك مـثـل درة مكـنونه < > مايغـيـرها الزمن و فتـونه
خذيه طفل ماشي على هونه < > وده بحضنك يحفظه و يصونه
لا!!! لاتضـيعـيه يــا مجـنونه!!؟؟ < > لأنـك أغـلـى من عـيـونه
وأغلى من اللي يعرفهم ويجونه < > يانادره في البشر وصعب يلقونه

” قمة الحب “

يالي ملكتي نفسي وهواها < > وأسرتي كل المشاعر و مداها
روحـي تـنـاديك يــامنــاها < > ردي النـدآ لـبـيـه وشـبـلاهــا
تقلك إنتي الحياة و معناها < > وشهي الدنيا بلاياك يــاهناها
إنتي صباحـها وممـساها < > وكـــل الأوقـات حـتى ضـحاها
أبيك لين تصير روحي بمثواها < > يــالغالية وعــالـي مستواها
ياجوهرة سبحان من سواها < > ياللي أبيع عمري كله لأجل لقاها

حبايبي مدري هذي الخواطر من قرائتكم لها إذا لاحظتوا ولا لا الأولى تنتهي بحرف الـ ” م ” والثانية تنتهي بحرف
الـ ” هـ ” والثالثة تنتهي بحرف الـ ” ا ” وهذي حروف الغاليه ” مها “
ودي تعطوني رأيكم أكمل وأكتب ولا كذا و خلاص أوقف مكاني ” بشرط ” مابي مجاملات أرضى بالحقيقه ولو مررره

تقبلوا تحياتي