تذكرتك،،
بليلة شوق نجدية..
تذكرتك،،
بليلة عشق نجدية..
وانا عشقي تراه الوان
تذكرتك ،،وانا بخيمة..
وليل يحتويه البرد..
وما جنبي الا وجار ،
وجمرٍ يدّفي حيل ،
وحبايب وسمـّار..
كلٍ دفا..
إلا أنا..
بردي مشى بعظام..
اه يا بعد المرام..
اه يا مر الفراق..
لين انمحى كل اشتياق ..

********************

تذكر مكالمة الحنين
وانت تضحك لي وتقول:
(((هو بالعقل ..انتي تكلميني؟؟!!
والله ،، ربكتيني ..
وعـَرقـَت إيديني والجبين)))
وكتبت لي احلى كلام
وعوّدت تسمعني الملام
وافترقنا..
الكل منا في طريق..
آآآآآه ياوحشة خطاي
وعودّت ..
ترسل مواضيع وكلام ..
ودك تجدد مامضى ؛
((عهد الغرام))
حنا ترى عيال الكرام ..
مانرخص انفسنا لاحد ..
ياابن الكرام..

********************

تذكرتك؟؟!!
تجاهلتك ؟؟!!
وش يفرق الموضوع ..
لا..مانزفت دموع ..
ولا ..ماسهرت الليل
ولاصار الحزن عنوان..
ولاطالت اللحظة علي.
اليوم هو اليوم..
وصدقني ياخلي
اتذكرك..
اتجاهلك..
مايفرق الموضوع..

********************

واصحى واقول :
لا..ياصبا..
خلاص يكفيكي غرور..
منهو يقول مايفرق الموضوع
لا بالله الا فاقدة..
منهو سكن في داخلي
منهو اشعلني حنين
ونجوى مع شوق دفين
واتذكرك وجنبي الجمر
ومن الدفا
ابدى غفا
وتجيني في حلمي
ووالله الدفا الوان
والبرد اعياني
وش جاااااابني لدربك
ومااخترت لى ثاني
لانيب من ثوبك
ولاانت من ثيابي
لكن رضيت بحكم القدر..
لاجل الرضى إيمان