بسم الله الرحمن الرحيم

هذه قصيدة ليست دعوه ضد الزواج ولكنها فقط تحكي نكته لمفارقات بعض المتزوجين وطبعا قائلها متزوج …

الزواج

قالوا تزوج قلت ماني بمجنون
رجال متعقل وعندي فهامه …

ماني غشيم أقضي العمر مسجون
بأسألك ربي دروب السلامة ..

من شفت لبنيّات تسحرك لعيون
ولسانهن غولٍ تقتلك سمامه..

ولا الثنايا رصاص من نوع سكتون
لن يلفظ البارود عبّت سهامه..

الزوج شرواة الذبيحة يصلخون
ومن العيا بات التعب في عظامه..

لن صاح كثر الويل كنتم تسمعون
يبكي ليالي مضت من أمامه..

لن عاد من شغله لقى الباب مركون
مقفول بالمفتاح حطت علامه..

ولن رد يتفلفس ويحكي بما يكون
حطت عليه صطار وسط الزحامه..

مسكين زوج الخير بالهم محزون
شل الهدية وصار يرضي مدامه ..

ويقصد حماته وزاد في الدين عربون
وحق الرضا للأب لازم عمامه..

والزوجة تبي لحاف ومكسي وحنحون
ولا الزعل موجود ليوم القيامه..

اللي تزوج صار بالهم مشحون
يبكي العزوبية ودروب السلامة..

بنصحك ياللي وده يكون مسجون
قصده يتزوج ولا يصبح حطامه..

أحذرك عن لا تكون بالهم ممحون
وتفتح دروب ممحله في الزحامه..

عظمك طري ما يتحمل الظرب وطعون
والعض ذا ملزوم يصبح دوامه..

وعقب الغدا المطبخ يحصرك ولصحون
لازم تغسلهن وبعدهن خمامه..

ونظف جميع البيت وخليه مزيون
ولا بتوقع فوق راسك ملامه..

وان كان لك أولاد لازم يصيحون
دورك تراضيهم أمر في كلامه..

وان حان وقت الليل لا بد ينامون
وكل طفل (م)الواجب تخله بمنامه..

وان خرس الملبوس هافه وكلسون
لازم تغيرهن وعندك فهامه..

ومن صباح الله لازم يفطرون
دش للمطبخ بليه سآمه ..

ان كنت زوج طائع الود مصيون
لي يريح الزوجه كثير احترامه..

شهر العسل ما ننكره زين مزيون
كيلو اللحم مزيود واصل غرامه..

ولا يغرك الجيمر ولا شوب زيتون
اعمل حسابك كان تنوي السلامة..

أحسن تعيش عزوبي ولا تكون مسجون
حر طليق دايمه الإبتسامة..

حتى الذي في السجن له محامون
والزوج ماله مدافع أمامه..

قفص النحس سويت بيدك يا ممحون
خليك عايش في دروب اتهامه..

والخاتمه بالحل نبغي تسمحون
ان كنت زليت في دروب الفهامه..

هذا الوصف لي صار وانتم تسمعون
ماهو على كل الرجال اتهامه..

تقصر دروب وضحكة بين السنون
ويا رب سامحني بزله وندامه..

وسلمتوا جميعا ..

اتمنى انه هذه الأبيات تعجبكم وهي من باب المزاح وما احد يستغني أبدا عن الحريم ..ولا ايش رأيكم..

وطبعا هذه من أشعار ابو سلطان
تحياتي لكم جميعا

وفوق كل ذي علم عليم

تم تعديله بواسطة zaher10 في  05-11-2000 21:14 م.