عيونك مثل هالليل و فيهم يا حلو القمره
و انا ظر بالبحر طيفك و اشوف الموج متكدر

اطالع بالسما وجهك و انا تخنقني العبره
و اشوف المطر دون انذار من عيني متحدر

امسك دفتر احلامي و امسح عنه الغبره
و اصبر جفني الساهر و انا بالحيل متدمر

انا اللي الملا عني يقــولـــون مغـتـــره
اجي دايم ادور من اللي قلبه متكسر

انا جور الزمن ذقته و كل ايامه المره
و لكن عزتي بالنفس تخلي القلب متصبر

اداوي الجرح بدموعي و انا جروحي ما تبره
و اشيل الدم بكفوفي و انا اللي دمي متطشر

اشوف الفرح مره و اتخيــله عشـــره
عشان الناس لا تسأل ليه الحال متغير

لا تسألوني ليه هالألم و هالحسره
ترى حالي ماهوبحال حالي دوم متدهور

اشور عقلي و بكل ثقة اطيع امره
مااعتقدمن طاع عقله صار متكبر

و عقلي يامرني ماابين حزني ولومره
وانا اقول بشورك ولو الدرب متعثر