بسم الله الرحمن الرحيم
تتسائلون لماذا سميت طبخة الطوارئ ؟
انا رجل احب رحالات البر والقنص واحب اكل البر لان اكل البر له طعم مميز والسر في هذا الاكل لا اعلم هل هو من عوامل البيئه الصحراويه ام الراحه النفسيه بعيد عن الانشغالات وروتين العمل الممل ؟
اقول لكم قصتي :
في يوم من الايام كنا مجموعه من الاصدقاء نتحاور في المجلس وكان في ذالك الوقت عطله وطنيه وكانت تربط العطله الوطنيه بعطله رسميه مدتها اسبوع واتفقنا جميعا بالذهاب اللى البر :::::::::::: لا اطيل عليكم المهم ذهبنا الى البر ونصبنا الخيام ورحنا نصطاد الطيور يعني نصيد الطيور مثل طير الدحروج والقطا والكدني وما شابه ذالك لان الحبارى بعيده عنا كل البعد لان اصدقائي بالعربي مكاشيح يعني منحوسين في اصطياد الحبارى المهم رجعنا وكل فريق معه الصيد الذي صاده وقبل ان تشتوي الصيد أتى لنا جيرانا في المخيم يعزمون علينا العشاء بيني وبينكم اصدقائي ذابحنا من الجوع وانا معهم المهم قبنا العزومه وذهبنا الى الجيران قبل الغروب لكي نصلي المغرب جماعه معهم ونتحاول الحديث والشعر على اطراف الشبوب يعني النار ونتقهوى ونشرب الشاي ونشرب حليب الخلفات المهم اتت حزت العشاء وتعشينا والله الحمد على النعمه وقمنا برد على عزومة الجيران غدا العشاء عندنا تعرفون انحرجنا منهم ولاكن لازم علينا نرد العزومه .
المهم في الصباح ونحنو مع الاصدقاء نتصيد الطيور مررنا من قطيع اغنام لكي نشتري خروف للجيران ونطبخ الحروف ولكن نتسأل من منا يطبخ الخروف
قنا نحنو جماعه والله مع يد الجماعه نتعاون على طبخ الخروف من خبرت المطبخ والطبخ في المنزل ودخلو المطبخ عند العزايم اللي كانت تحصل في البيت
المهم جبنا الخروف وقطعنا اللحم وغسل اللحم المهم انقسم الاصدقاء الى قسمين قسم يقطع البصل والثوم والطماط والبيدجان والكوسا والقرع والبطاط وقسم يغسل الجدور والصحون ويقوم في عمل القهوه والشاي ويجهز المكان للجيران لكي يحضرون
المهم نسينا من الذي يطبخ الطبخه الحين قلت انا اطبخ لان الاصدقاء متورطين في الطبخ ولا احد عنده الجراءه في الطبخ لان لايعرفون يطبخو المهم نقزت انا وقلت افا عليكم انا اللى راح اطبخ بس خلو واحد معاي اقوله اي شئ يسويه من غير ما يسال اتفقنا قالو يالله الله يستر من العشا اليوم

المهم حضرو الجيران واشعنا الشبوب والعملنا القهوه والشاي وجبنا حليب الخلفات من البر لان كان عندنا راعي ابل كل مغرب يجيب لنا حليب خلفات
السر في طبخة الطوارئ ومقادير الطبخه كالتالي:
1- تحضر الجدر الكبير -2- ضع قليل من زيت مازولا -3- ضع البصل واللحم مع بعض وقلب اللحم مع البصل والثوم وضع البهارات الكاري ما نعرف الا بهارات القوطي الاخضر مادري شسمه بس المهم بهارات خضرا المخلوطه وقلب اللحم مع الخلطه -4- ضع الماء والملح الخشن في الجدر حتي يغطي اللحم تماما .
وترك الجدر على النار حتى يطبخ الجدر المده لا اعرف المده التقديريه ولاكن لين يصير الحم مستوي لاحظه اللحم طلع قليل من اللحم وشوف اللحم هل اسوى ام لا ؟
ونتظر قليل اذا استوى اللحم اخرج اللحم من الجدر وضع العيش يعني الرز في الجدر واحكم اغلاق الجدر وراقب الماء لايكون زايد على الرز بعدين راح يصير الرز عصيده قلل من الماء اذا شفت حبت الرز استوت قليل واقرد يعني وطي من درجت حراره النار على الجدر لكي يصبح الارز 100%
اذا نشف الرز من الماء ضع زعفران قليل فوق الارز وضع اللحم في الجدر لكي يحتر اللحم اللى اخرجناه في البدايه
نرجع الى الجدر الثاني الا وهو الايدام يعني المرق
نجيب الجدر ونضع قليل من زيت مازولا ونضع الطمام والبصل والثوم والبطاطو البيدجان والكوسا والقرع في وقت واحد
واللحم القليل لكي يكون فيه نكهة اللحم والبهارات الخضرا اللى بقوطي مقدار لاا اعرف المقدار بس على حسب الخبره يعني في ايدك تضع البهارات والملح والفلفل الاسود وطمام المعجون يعني طمام القوطي يعني طمام المطحون
وترك الجدر حتى يغلي يغلي يغلي لين يقول بس الله يرحم والديك خلاص طفي النار وشوف اللحم اللى بالجدر ذاب ولا بعد اذا ذاب اللحم والقرع والبيدجان والبطاط اعرف انه خلاص الطفي النار
المهم خلصة الطبخه على خير وقمنا ننجب يعني نقرف يعني نحضر العشاء
جبنا الصحون واخرجا اللحم وحطين اللحم في صحن وجبنا الصحون الثانيه ونقرف الرز في الصحن الله ياهو رز على كيف كيفك انا مو مصدق الطبخه هذي الحبه الطويله من الرز والون الرز عجيب اول مره اشوفه لو عشبي فاتح هذا لون الرز مع الزعفران يا سلام المهم حضرنا العشا لضيوف تعشو الضيوف وانا معاهم تصدقون مابقا في العشا اي شي من الفضله كله اكلوه هذي اول مره اطبخ فيها الله يعز التلفزيون وفن الطبخ والله كسبت خبره من التلفزيون في فن الطبخ امهم ما فشلت ربعي يعني اصدقائي والله ستر علينا في هذا اليوم صراحه طبخه احلم فيها ليومنا هذا والسر ما ادري هل هو الخوف من الفشله ام من الجوع ام من البر المهم اطلقا على الطبخه اسم طبخه الطوارئ وهذي كل السالفه وتعيشون وتسلمون