الفرق بين المرأه في السنه الاولى من الزواج والسنه العاشره او ما فوق
كالاتي:
الساعه 6:30 صباحا :
تودع زوجها وهو طالع للعمل وتقول له ( بتوحشني يا حبيبي)
الساعه 11 صباحا :
تتصل عليه في العمل وتقول له ( حبيت اسمع صوتك بس ياعمري )
الساعه 3 العصر :
تستقبله وهو داخل للبيت وهي متشيكه وتقول له ( الغدا جاهز يا حياتي ..تحب
احطه لك الحين ؟ )
الساعه 5 العصر :
تصحيه من النوم وتقول له ( اعمل لك شاي يا حبي ؟ )
الساعه 6 المغرب :
تسبل عيونها وتقول بكل خجل ( يا ريت يا حبيبي .. يعني لو ما عليك كلافه ..
يعني اذا تقدر توديني شوي لبيت اهلي ..اذا كنت تقدر يا عمري ) وقبل ما
ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها
ويوديها لاهلها ولو انهم ساكنين في مطرح وهو ساكن في الخوض
الساعه 8 بالليل :
تتصل على الجوال وتقول ( اشتقت لك يا عمري .. يا ريت تمرعلي ونروح للبيت )
ويقول للشباب ( اسف والله يا شباب راسي مصدع ولازم امشي )
الساعه 10 بالليل :
تجلس وتقول ( الله يا حبي تتذكر ؟ تتذكر ايام الخطوبه لما كنت تعمل
المستحيل عشان تشوفني ..)

بعد مرور عشر سنوات
الساعه 6:30 صباحا :
هي في سابع نومه
الساعه 11 صباحا :
هي بعدها في سابع نومه
الساعه 3 العصر :
تستقبله وهي نافخه خشتها وتقول ( شوف لي حل مع ولدك علي هذا ..الين الحين
ما حال الواجب .. وسميره الله ياخذ عمرها انشاء الله شاقه مريولها في
المدرسه …عطني فلوس لازم اروح اشتري لها واحد غيره … وصالح يبي علبة هندسه
تو يقول لي يوم ان الاختبار صار بكره … وترى هديل تكفرت من الدرج …
والظاهر انها تعورت …كله من هالشغاله الله ياخذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها ….وابيك بسرعه تقدم
على وحده ثانيه ….وما ابيها تصير حلوه …..يا ويلك لو صارت حلوه …..وبعدين
شغالتي ابيك تشرط عليها اذا سفرتها ما عاد تشتغل عند احد ….عشان ما تقول
اسرار بيتنا للناس الي تشتغل عندهم ( ما تدري ان اسرار بيتهم كلها عند
الجيران من لسانها اللي وش طوله )
الساعة 5 العصر :
هي تفك هواشه بين سميره واخوها ويصحى هو على صوتها وهي تهاوش وتدعي عليهم
بجميع الامراض الخطيره الحديث منها والقديم ( جعلكم للطاعون …جعلكم للحمى
…جعلكم للوادي المتصدع …جعلكم للحمى القلاعيه ….الخ )
الساعه 6 المغرب :
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم
ابوي …وبعدين نبي نروح نشتري للبنت مريول ..وبعدين بنت عمي والده ولازم
اروح اشتري لها هديه من بشرى الخير و ابي امر على المشغل …وبعدين حطنا
عند اختي في القرم من زمان ما شفناهم ………….. ((وفي هاللحظه فكر هو انه
يشتغل دريول احسن له))كككككككككك
الساعه 8 بالليل :
تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش
بتسون ؟ ومتى بتجي ؟ لا ما فيه الساعه 11 تعال الساعه 10 ) 1
الساعه 10 بالليل :
جالسين هي وياه عند التلفزيون …اخيرا هدوء ..والعيال نايمين ..والجو
جميل …وفجأه تطالعه وهي ماده بوزها وتقول ( الحين امك وش عندها اليوم ما
ترد يوم سلمت عليها ؟ هاه ؟ ) ( والله ما ادري كان سالتيها ) ( واختك وش
هالحركات الي مالها معنى …ليش عازمه الجيران وكل حريم اخوانك الا انا ؟؟؟
لكن هين والله لاسوي عزيمه وما اناديها …اصلا هي ما زارتني في المستشفى
يوم ولدت ..وانا فاهمه قصدها ..لكن هين …والله لو تحب السما ما بزورها
اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم
….على جمالهم الزايد اللهم لك الحمد بس ) تسكت شوي بعدين تقول ( وبعدين
اختك نوره يوم تقول ان علي ولدي يشبهني ما يشبه ابوه وش قصدها …هاه
)(ملاحظه : علي هو اشين اخوانه) ( انا فاهمه قصدها ..وتراها اذا ما بطلت
هالحركات والغمز واللمز تراني ابسمعها كلمتين واخليها تحترم نفسها …..لا
وذاك اليوم تقول اخوي محمد ( الي هو الزوج ) حلو مره و3 من حريم الجيران
خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت
هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد (
طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي
يعني احسن مني … بلاك ما شفتها …شينه وطبايعها شينه وحتى طبخ ما تعرف
تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله
لانت شاري ولا شي ) ( وش تبيني اقول يا بنت الحلال ؟ ) تقوم وهي تبكي (
خلاص ما ابي منك شي )
الساعه 11 بالليل :
هي زعلانه ونايمه مع العيال وهو…… يندب حظه … (وبس)

رسول الحب  

عربيا انا فخشيني….فالويل اذ احبتني…قلبي قفصا زهريا…يحرسه رمحا مخمليون