السلام عليكم و رحمة الله و بركاته

فيه كويتي … ما عليه اقساط؟
فيه كويتي … ما ضحك عليه مقاول؟
فيه كويتي … ما خر عليه البيت؟
فيه كويتي … يسكن خيطان أو جليب الشيوخ أو العباسية أو الفروانية أو الحساوي؟
فيه كويتي … ما ينشي غترته؟
فيه كويتي … وبفضل الاعداد الجيد والمسبق رجع من اثينا بميدالية؟
فيه كويتي … ما يشوف اغنية البرتقالة؟
فيه كويتي … عنده رخصة تجارية وما يستفيد منها الشريك غير الكويتي فيما يأكل هو الحصرم؟
فيه كويتي … قال حق ام العيال انه رايح العمرة و»بالصدفة« وجد نفسه في العاصمة التايلندية بانكوك؟
فيه كويتي … مكتفي بهاتف نقال واحد فقط؟
فيه كويتي … ما فيه سكر أو ضغط أو قلب؟
فيه كويتي … ما يحب الكشخة والتفلسف؟
فيه كويتي … يداوم بالصيف ست ساعات على بعض؟
فيه كويتي … يحب العيوش والمجابيس في زمن الهمبورجر والتشيكن فيليه؟
فيه كويتي … ما ياخذ مرضيات؟
فيه كويتي .. يطوف الاشارة الحمراء؟
فيه كويتي .. نحيس؟
فيه كويتي … ما يرسل ماسيجات بلوتوث؟
فيه كويتي … ما يتمشى بالسالمية ويتحرش ببنات خلق الله؟
فيه كويتي … ما يقعد بستاربكس ويطلب فرابيتشينو؟
فيه كويتي … ماعمره كلم بنات ؟
فيه كويتي … يحب الاشاعات والكلام عن الناس؟
فيه كويتي … ما يفهم بشغل البورصة وحاط كل اللي وراه واللي دونه فيها؟
فيه كويتي … ما يحب الواسطة? ولا استخدمها ابد؟
فيه كويتي … يشتري منتج كويتي? أو فقط يبحث عن المنتج الاجنبي؟
فيه كويتي … ما يدخل عصه في شيء ما يخصه؟
فيه كويتي … ما يتكلم بالسياسة مع انه ما يدري شالسالفة؟
فيه كويتي … ما اشترك في انتخابات الجمعيات التعاونية؟
فيه كويتي … ومسؤول ما يشتغل بحجة //والله حاطين علي ومجمديني//؟
فيه كويتي … ما عنده كفالات؟؟
فيه كويتي .. باع بطاقته المدنية وبطاقات الاسرة للاكتتاب في احدى الشركات؟
فيه كويتي … ما دخل عالم تجارة العملة واشترى دنانير عراقية؟
فيه كويتي … ما يحلف؟
فيه كويتي … حاط صورته في الجريدة على اساس انه في اوروبا بس ما يدل طريق المطار؟؟
فيه كويتي … ما صدق وعود النواب ؟
فيه كويتي … باع صوته في الانتخابات؟
فيه كويتي … مستعد عند الخطبة والزواج انه يدور على المنتج المحلي؟؟؟