لا يا حبيبي يا بعد كل من لي
بلحيل احبك والمحبة معاناة

ما ارضى دموعك في وداعي تهلي
وما ابغى يكون موادعك لي بدمعات

إن غبت فترة عنك با اجيك كلي
مادام حبي لك من الذات للذات

ارجوك لا تبكي حبيبي من أجلي
عبر عن احساسك لفرقاي بسكات

تدري فلا غيرك حبيبي وخلي
وتدري بان العمر من دونك شتات

وان كنت في صدق الاحاسيس مثلي
فاصبر وباكر نجتمع با احلى الاوقات

ويلم شملك ياحبيبي وشملي
واعوضك يا زين عن كل ما فات

ياصاحبي فرقاك ماي هوى لي
لكن ظروف الوقت روحه وجيات

ما اريد غيرك مادام هواك حصل لي
يالي سكنت في مهجتي سبع مرات

من بعد ما صار حبك لي لعب
في الخطا تمشى و أنا امشي ورآك

صرت معدن من بعد ما أنتا ذهب
صرت خالى من الهوى وشهو بلاك

بعتني برخيص بياع النهب
كيف ترخصني بعد ما أنا غلاك

كنت عمري وكنت روحي و الهدب
كنت أشوفك صورتك صورة ملاك

كنت إنسي وكنت فني والطرب
أجمل الأيام في لحظة لقاك

لا تظن أني بصدك محتسب
لا ورب الكون ما اتبع ثراك

لا تحرى عاد به رد وعتب
انتهى كل شي وأنهيته معاك