والغيث عـود بعـد سنتين === واتباشروا به الناس والدار

مالت له اغصان البساتيـن === والزهـر يانـع والحياثار

وانشـم بنـات الرياحيـن === الوطير غني فوق الاشجار

حتى الغضي لي كامل الزين === راتع ويلعـب بين الازهار

خذ “م ” الهايا جيد وعين === وم الليل ماخذ شعر واقمار

فايق على كـل المزاييـن === له في سويدا خاطري دار

ما سخيـت آنا ابفرقاكم === فرحتـي ساعـة ألاقيكم

تبتهـج نفسي ابرؤيـاكم === مـن مـزايا تتلقي فيكم

مثل ما تهـوون نهواكم === يعـل تتحقـق مناويكـم

يا عجيـد اريـوم ندراكم === يعـل رب العرش يحميكم

كل ما حـاولـت بنساكم === عادت الذكـرى إتناجيكم

ابحشى وانهـود وفاكـم === فايقـه عن لي شراويكم

ميزة في اسلوب معناكم === والملاحـه ضافيـه فيكم

ما وجدت إنسان شرواكم === فاضل ابضافـي معانيكم

تطمعون اللي بينصاكـم === بالجمال أو مـن مواريكم

ليـت ما هالشح هوياكم === تلهفـون اللـي بيعنيكم

ما تبـده غيـر رؤيـاكم === لـو حريص أنه يوافيكم