الرئيسية › منتديات › مجلس الأصدقاء والمرح › يدخل غرفة اخته ويلاقيها مع اعز اصدقائه(قصة واقعية)
- This topic has 5 ردود, 5 مشاركون, and was last updated قبل 19 سنة، 9 أشهر by
loolita.
-
الكاتبالمشاركات
-
12 أكتوبر، 2004 الساعة 6:13 م #28629
loolita
مشاركبدت القصه لما كان سعود يدق على صديقه خالد..ودار بينهم هذا الحوار
سعود: هلااااا اخوي خالد شلونك 00
خالد: الحمد لله وشلونك انت 00
سعود: بخير الله يسلمك ويرضا عليك الا ما ودك تطلع معى للدمام بودي اختي نورة لخالتي ونروح بعدين للبحرين وش رايك
خالد: والله فكره بس احراج يعني اروح معنا اختك و.. 00
سعود: لااااااا ابد ما فيها شي بعدين نورة زي اختك
خالد: طيب اتكلنا على الله
وطبعا نورة هذي كانت تموت بخالد فركبت وراه بالسياره وكتبت بورقه
(خااالد انا احبك كلمني على رقم 00000). واول ماركبت قامت وحطتها بيد خالد بدون ما يحس اخوهاالمهم ان خالد قام يقول في نفسه : والله احراج اخوها جنبي وهو اعز اصدقائي وتبيني اكلمها صدق قليلة ادب
طبعا البنت ما عجبها ان الولد ما رد قامت تنغزه وتسوي له حركااااااااااااااات !!!
هو يروح يمين وهي ورااااه تنغزه ومسكين يروح يسار و يبعد عنها وفي نفس الوقت طبعا ما يبي يحسس اخوها ان في شي جالس يصير عشان ما تصير مشكلة وكارثة…..
وشوي والا خالد صرخ في وجه سعود وقاله وقف …..
رد عليه سعود وقاله سلامات خير ان شاء الله ….
خالد انحرج مايدربي وش يقول ……وقال لسعود بس شفتك تنعس قلت وقف وانا اسوق مكانك لا تودينا في داهيه قام وبدل مع سعود سواقه علشان يبعد عنها. الا ان نورة (ان كيدهن عظيم ) قالت لأخوها وقف السيارة شوي بروح للدوره …
وفعلا وقف ونزلت وبعدين رجعت ركبت لكن من جهة خالد ورجعت لحركاتها والولد صبر لين وصلوا الشرقيهولما وصلو لقوا خالتها رايحه برى البيت …. راحوا فندق وما لقوا الا جناح واحد فاضي ….. فحطوا نوره في غرفه مستقله وافصلوها بستار ….وخالد وسعود في الغرفه الثانيه ….
دخل خالد يبي ياخذ دش الا يجيه سعود ويقوله انا بروح اكمل اجراءات الفندق واطلب العشا ….ارتبك خالد وقاله لا تتاخر …… طول سعود تحت وخالد منتظر داخل الدوره ما يبي يطلع خايف من نوره لا تسوي شي معه …… وراحت نص ساعه وساعه وسعود ما رجع فقرر انه يطلع من الدوره ويروح يصك الغرفه على نفسه ……
اول ما فتح الباب والا الموبايل حقه يرن رنة رساله والثانيه وراها فاخذ الموبايل وقرا الرساله لقى فيه ( حبيبي خالد معاك نوره ممكن تجي الغرفه عندي سعود اتصل وقال بيتاخر شوي )…..
اول ما قرى الرساله ويروح جري على غرفته ويفتح النور ويلقى وحده جالسه على السرير ومغطيه وجهه ….. خالد ما درى وش يسوي وقعد يسب ويلعن ويقولها يا بنت خافي ربك انتي ما تستحين !!! اخوك معانا وانا وياه اصدقاء يعني تبين تسوين فضيحة ؟؟!!
قامت وحضنته وبهذي اللحظه يدخل سعود اخوها ……..في هذه اللحظه وش تتوقعون ردة فعل خالد …….
وكيف موقفه قدام سعود …….
وشلون يشرحله ……..
وهل ممكن يصدقه …….
المسيكين انخبص عقله واغمى عليه ……
ويقعد سعود وأخته يضحكوووون ضحك سنة بساعة ويحاولون يصحون خالد ويحاولون يقومون فيه .. ويقولون له قووم قووووووووم مافي نوره ولا شي … طبعا اخت سعود مو بنت!! هاذي واحد من الشباب هاهاهاااااااا بس لابس عباه ومسوي نفسه بنت عشان يسوي مقلب ومسكين خالد اكلها أكـــــــــــــــــــل
هههههههههه
هههههه
هههههه
تحياتي
طوبى لمن ترك الدنيا قبل أن تتركهوبنى قبره قبل أن يدخله
وأرضى ربه قبل لقاءه
13 أكتوبر، 2004 الساعة 10:42 ص #488203جهاد
مشاركمسكككككككككككككككككككين ما يستاهل علانياتة
13 أكتوبر، 2004 الساعة 10:53 ص #488214سلاما على الدنيا
مشاركصراحة اناقرأتها من الاخر
ها ها ها
13 أكتوبر، 2004 الساعة 6:22 م #488318فرفوشه
مشاركحرام عليك loolita
بصراحه انقبض قلبي وانا اقرا القصه ولما وقريت النهايه
ضحكت من قلبيالله يوفقك يا رب ويجعل لك في كل خطوه سلامه.يا رب
13 أكتوبر، 2004 الساعة 8:34 م #488328فروَلوَه
مشاركوالله تصدقي وانا اقرا قاعده اقول
بنات اخر الزمن
بس لمن قريت النهايه ضحكت ضحكت الين من قلت بسبس مقلب حلو
وشكرا ع الموضوع14 أكتوبر، 2004 الساعة 8:34 ص #488465loolita
مشاركمشكورين على مروركم الطيب
والله يخلي كل ايامكم ضحك وسعادةطوبى لمن ترك الدنيا قبل أن تتركه
وبنى قبره قبل أن يدخله
وأرضى ربه قبل لقاءه
-
الكاتبالمشاركات
- يجب تسجيل الدخول للرد على هذا الموضوع.