قصيده من اروع ماكتب الشاعر عبد الرزاق الهذيل

ومن اروع القصائد التي قراتها

اترككم مع القصيده الشامخه

يالاقيه خير

مهما يكون الشعور اللي على بادي

لازلت انا الوارداللي ماطوى حبله

على القراح الزلالي طال تردادي

اشرب واصدر ضما مادري وش اشرب له

يامن تغاربتي غيابي وهو عادي

بعد الرجل عن دواعي ذله اهيب له

ماشي قبل لا اعرف الوجهه بلا قادي

ولا اصلي الا وانا متقبل القبله

منزالي النايفه عن حدري الوادي

ورجل يجي في مسيل السيل ياهبله

ابعدت مالي غرض في ذل مقعادي

مادام يلعب لي الذعذاع والعب له

ماني لعرفي مع اهل العرف مترادي

لاشك كبدي من اللي شفت مندبله

يا لاقيه خيرهاك العلم للغادي

اللي عجز يفرق الشيحه من الربله

امانتك بلغيه لكل حسادي

لغارت الكدش وكحيلان با سطبله

انا اول العشر ماني للعشر حادي

مالك ومال افتراض الجاهل الابله

يموت انا حاسدي ما ياصل ابعادي

مني نجوم السما لو يفهم اقرب له

لابد ما الها يج المايج يجي هادي

وكل يشاف المكان اللي يناسب له

ان مت مات النبي واباي واجدادي

وما دام لي يوم ماني ميت قبله

عبد الرزاق الهذيل

تحياتي.