مرررررررررررررررررررراحب

في البداية حبيت اقول لكم اني عضوة جديدة في هذا لمنتدى الجميل
واتمنى ان اكون ضيفة خفيفة عليكم

واحب اني اشارك معاكم في اول مشاركاتي وهى قصيدة واتمنى انها تعجبكم …

القصيدة بعنوان (تمهل )

قبل تصدر حكم في قلبي تمهل
ولا تحاسبني وانت ينقصك الدليل

ان بغيت تصد وتزعل يا اخي ازعل
وش اسوي بك وانت صبرك قليل

ان بغيت الحب يالغالي تفضل
وان بغيت البعد في غيرك بديل

كم رجيت الحب وقلبي كم توسل
وكم سهرت الليل وانا دمعي يسيل

رغم كل الهم انا قلبي تحمل
معك صار اللي احس به مستحيل

كنت تبعد وبالصبر قلبي تجمل
كنت وحدى انزف وقلبي عليل

كان ودي تزورني مره وتسال
عن محب صار في حبك قتيل

بي حنين وشوق بس البعد طول
وانت تدري البعد به هم طويل

من بحر حبنا كان الغير ينهل
ومن قصيد الحب لك قلبي يميل

لك غرام بداخلي شوف وتأمل
ذا الغرام اللي أبد ماله مثيل

كيف تتركني مع جرحي وترحل
كيف تخذلني وانا جيتك دخيل

لو تغيب عني ورد الحب يذبل
شوف حتى الورد بغيابك ذليل

مع خالص تحياتي
دهن العود
الامارات العربية المتحدة ( دبي )