صرت فكري و كل همي و اسأل الله اللي يجيرْ
تكتشف إحساس قلبن صرت نبضن في رجـــــــاهْ

كم بكيت و انته تكلم مريم و بسمــه و عبيــــــرْ
كـــم سهرت بـحزان قلـبــي كــم صرخت آهٍ و آهْ

قالوا حولك معجباتٍ و انتا معجب في كـثـــــــيرْ
قالوا قلبك قد تسلّى في الذي يلعب معـــــاهْ

كنت أحسبك لي حبيبٍ ابهوى قلبي جـــــديرْ
يـــا حسافـــه مات حبي و انتهى في مبـتـــــداهْ

كنت أسمع و اتحسّر ..وقلت أنا صافي الضمــــيرْ
و الله إني صدق أحبج و انتي في قلبي هـــــواهْ

كيف صدّقتي العواذل لي حكوا حكيٍ خطيرْ
و لْعبــــوا لعبـــة خبيثة .. شوّهــوا قلبي و صفــــاهْ

قالــــوا زيــرٍ قالـــوا أكــــثر … و انا مسكينٍ فقـــــيرْ
ما عرف غير الفضيله .. ولو خطـا يبكي خطـــــاهْ

صدقيـني يا قليـبي صـــــرت في حـبـــج أســــــيرْ
و انتي دربٍ قد مشيته ولا عِشق قلبي سواهْ

انتي في قلبي الأميره و انتي لي طــيرٍ يطــــــيرْ
طار و حلّق في سمايه و صرت أسكن في ســـماهْ

أدري حولي معجبـــــاتٍ وين مــا أمشي و اســـــيرْ
بس و الله صدقيني عشقـــهم ما عـــدت أبـــــــاهْ

عزّتي ترفـــض دربهم و لــــو تجي بنت الوزيـــــــرْ
و الله إنـــي ما أبيـــها و قلبي مــــا غيرج عــــــزاهْ

يا بعـــد عمـري يا كلـي ارحمـي قلبٍ سهــــــيرْ
ابسبب قـول العــواذل ضــاع صومه و الصـــــلاهْ

إنتي بس إنتي الحبيبه لج طعـم و احســـاس غــــــيرْ
لي عطش قلبي لقيتج بيــــر أشرب عذب مــــاهْ

ألمانيا/ بورج شتاين فورت – مايو 2003
الشاعر / جاسم آل محمد