السلام

كـذا يـعنـي كـذا فـجـأة تـغـيـر كـل شـي فـات
كذا زالت مـواثيق الغلا والحـــــب من ذاتك
كـذا كنت كـذا صــرتـي كـذا خـيبتـي الهـقوات
كذا وإلا كـذا ضيعـــتي دروبــي وخــــطواتك
أنــا مل الأمـل فـيني يـدور للـشـفاه أصــوات
عجز صوتي ينادي لك قضى قلبي من سواتك
نصـيتك و الوفا زادي رحلتي والقلوب أشتات
مصايب و الـرجا خـايب تـقود خـطاك رغباتك
كبيرة طعنـتك هذي تـعودتـي علـى الطعـنات
غريبة حـيل ذا المـرة ولا هـي مثـل طعناتك
سألتك بالذي خلـى عيـونك تـذرف الـدمـعات
تكـف الـدمع لا تـجنـي علـى خـديك دمــعاتك
أنا ما قد خبرت أنـي تعمـدت أجـرحـك بالذات
وأنا ما همني غيرك أعيش من أجل مرضاتك
سـرقتك بالـزمن لحـظه وعشـتك بالفراق أوقات
ولا أدري وش بقى لي بالعمر من دون لحظاتك
أحبك رحـت أدور فـي قـوامـيس البشـر كلمـات
عجزت ألقـى حـروف تـستريـح بـصدر كلــماتك
أحبك يا ندى فجر الجـروح وصـحوة الـعبـرات
أحـــبك كلمـة تبـكي مـعانيـهــا عـلـى شـفاتــك
تظنين الوفا كلمه عجب واصـل الـوفـا وقفـات
صغير الشي في ظنك يصـــير اكــبر مـــعاناتك
ترديــن الخطأ يـمي تزيـديـن الألـم شـرهـات
وأنا صمت الشقى فيني حكى من كثر شرهاتك
توالـــت كلـها فجـأة تـعاظـم بالحـشا صـدمات
يجي يــــوم وتوارى شمسنا من ليل صدماتك
ذكرتك والدروب اللي تعانق خطوتك بـسكات
وأنا ما زلــت أسافـــر بين نظراتك وضحكاتك
ذكرتك وأنطفى جمر الكلام وذابت الشـمعات
سهرتك واستــفزيت النــجوم بلـــيل خصلاتك
تـعالي واذرفــي دمـعك علـى قـلب كثـيرة مات
تعالــي واخـــذي الباقـي يفيـد لوقـت عـوزاتك
تـعالـي لا تـخلـين الـسنـين المقبلة تـقتـات
من أفراحي ولحظــاتي وطـــرباتي وسبحاتك
تعالي وواعديني لاشقا .. لا كذب .. لا غلـطات
ترى ما للصـبر باقي على كـــذبك وغلــــطاتك
تغيرت ولا أدري وش جـــرى وش غير النيات
سألتك واعتكــف بــرد الجواب فمعطف آهاتك
تقولين أنت في راحه أقول من القهر هيهات
أنا لا جــيت للراحة تــطاردنــي مـسافـاتـك