- This topic has 25 رد, 10 مشاركون, and was last updated قبل 23 سنة، 5 أشهر by
.
-
المشاركات
-
أخي المينون لا تعصب عمرك لو سمحت..
انا اعلم ان كلامي ليس مرحب به، لان الموضوع اظاهر شخصي بينك وبين الأخ زاهر تن ولكني ما اريدكم تزعلوا بعض..
نحن كلنا اخوه…
واذا انت ما تعجبك المجالس ممكن تروينا عرض كتافك!!!
بخصوص الأيات القرانيه اللي انت مدرجها،،،
أعتقد ان المؤمنون ما يضيعوا وقتهم في كلام اللغو، يعني المفروض ما تضيع وقتك في الكمبيوتر، بل عليك بتدبر ايات القران فهي حقاً ستفيدك…..
و خصوصا اذا رايت ان مجالسنا تعرض احدكم للزنى فاكتفي بالبعد عن مواقع الزنى،وهذا راي ام لينا….. ومثل ما قلت: ( خذ الحكمه من افواه العقلاء )
ما في مثلي إثنيــــــن ..
يا جماعة شو السالفة .. هدوا هدوا ..
و بعدين يا أبو قيس اللي يريد يتكلم عن شخص أحسن له يذكر الأسماء أو الألقاب .. بدل المراوغة اللي زادت عندك هاليومين …
——————————————-
ابتسم .. تبتسم لك الحياةأولا ياأم لينا تأكدي إني مامعصب عمري مثل ماتقولي، على الأقل ماوصلت للحالة اللي تخليني أطرد الناس من مكان أصلا ماهو ملكي. ثانيا ليش تفترضي إن كلامك مامرحب به؟؟ عني أنا شخصيا أصلا مااهتميت بكلامك اللي قلتيه، وإلا كنت على الأقل رديت على عبارتك اللي تقول (واللي ماعاجبنه يدق راسه بشاشة الكمبيوتر). بخصوص الموضوع فماهو بيني وبين زاهر، بس أسلوبه مايعجبني، فطبعا رديت عليه باللي كان في بالي، وصراحة ماكنت أريد أرد بس حسيت إني لازم أرد، يعني ماحلوة أكتب موضوع له، وبعدين ماأرد عليه. ورغم إني مابغيت أرد، إلا إني رديت، بس من شان أوضح وجهة نظري، طبعا ماحد ملزم بإنه يوافقني الرأي، بس المفروض اللي يرد علي، يرد في حدود الأدب والمعقول.
بخصوص آيات القرآن الكريم، القرآن الكريم أمرنا بالتدبر والتعلم في كل مجالات الحياة (إقرئي في القرآن وتعلمي)، إذا الكمبيوتر هو علم أيضا، وبالتالي فنحنا مأمورين إنا نتعلمه، ولكن هذا التعلم مايكون في الغزل ياآنسة، يكون في اللي فيه الفائدة، وبعدين ليش تنصحيني بتدبر آيات القرآن وتنسي نفسك؟؟ ولا إنتي وصلتي لمرحلة خلاص مامحتاجة تتعلمي أكثر؟؟ ولا يمكن أنا بتفيدني وإنتي مابتفيدك؟؟ ياذكية، أنا الكلام اللي قلته هنا كان من باب الأمر بالمعروف والنهي عن المنكر، فإذا ماأحاول أضيع وقتي في كلام اللغو. بخصوص التعرض للزنى، ماهي مجالسنا اللي تؤدي لهذا، ولكن هو كلام الغزل العفيف اللي تكلم عنه الأخ زاهر، الغزل ياأخت أم لينا، زين؟ فهمتي ولا بعدك؟؟؟ ولاتنسي إنه في مجالسنا شيء مجالس لها أهداف تعليمية وفيها مواضيع جيدة.
لما قلت إني فكرت إني أترك مجالسنا، ذكرت السبب وهو المواضيع التافهة، وبالتالي ماهي مجالسنا اللي ماتعجبني، لا المواضيع التافهة هنا هي السبب، وبالطبع المواضيع التافهة سببها الناس الغير جادين. وماإنتي اللي تقولي لي إني أترك مجالسنا، خلي هذا الكلام لغيرك، زين يالطيبة؟؟ أول سوي لك موقع خاص بك، ولما أجي فيه طرديني، زين؟؟؟؟؟
هذا اللي عندي، وعسى تفهميه بالطريقة الصحيحة.
ملاحظة أخيرة:
خذ الحكمة من أفواه العقلاء، العقلاء فهمتي؟*خذ الحكمة من أفواه العقلاء*
أختي المحبة .. تو انتي وين والجماعه وين .. تو أنا ويش خاصني في الموضوع ؟؟.. الحين أنا تكلمت ؟؟ .. انتي قصدك موضوع آخر يمكن ما في هذا المجلس .. انتي صاحية ؟؟؟؟
تحياتي للأبد : الهاجس
ويش أسوي تراني راقدة 24 ساعة ..
لكن أنا رديت عل ردك .. و الاّ إظاهر انت اللي راقد و ما تعرف إيش اللي كتبته بالضبط ..
لا لا لا يا بابا .. باين عليك بديت تعجز خلاص ..
——————————————-
المحبة في القلوب إلا حبك انت لأ …الحين أنا مستغرب .. انتي حاطه دوبك بدوبي ليش ؟؟ في كل مجلس وانتي شايلة عليّ .. انا بالله ايش سويت فيك ؟ وراي وراي .. ما أقدر أتكلم ولا أناقش .. يرضيك انزين أريح كم يوم وآخذ اجازة من مجالسنا على شان ترتاحي كم يوم لا اله الا الله .. محمد رسول الله ..
راجعي حساباتك احسن هذه ما حاله صراحه .. كم اسبوع وانتي كذاك .. انتظرت تتراجعي عن مضايقتي لكن بدون فائدة .. حسبي الله ونعم الوكيل .
اللهم لا نسألك رد القضاء ولكن نسألك اللطف فيه .تحياتي للأبد : الهاجس
بسم الله الرحمن الرحيم
أخي العزيز المينون تحياتي اليك ..
أشكرك على نصيحتك لي والتي حقيقة أعتز بها ..وأبدا لا تحسبني متضايق من كلامك ونصائحك ..بالعكس أنا سعيد جدا أن في المجالس من يحرص علي ..وهذا شيء أعتز به ..فشكرا لك مرة أخرى أيها الأخ العزيز…
بمناسبة ذكري لفظ (الغزل العفيف) أخي المينون لقد فسرت الموضوع والكلمة بغير ما أقصدها أنا فهل دخلت في قلبي لتعرف ماذا كن أقصد ؟ عموما اليك معنى الغزل العفيف للعلم فقط ..وهو موجود في شعر العرب وهو كما تعلم (ديوان العرب) وتاريخهم ..في جميع مجالات الحياة وليس الغزل فقط ..أقصد من الغزل العفيف هو الكلام الجميل العذب والذي يخلو من عرض وتجسيد لمفاتن المرأة والنطق بالكلام الفاحش وهو نقيض العفيف ..أتمنى أن تكون قد فهمت القصد من معنى كلمة (الغزل العفيف) …
ثانيا اتهمتني باتهام الله أعلم اين سيذهب بك هذا الإتهام في اكتسابك للذنوب والله وحده أعلم بخافية الأعين وما تكنه الصدور ..فهل شهدت علي بنفسك ..وأكرر بنفسك ..في وضع غير أخلاقي ؟ أتحداك إن أثبت ذلك ..
عموما وفي نهاية حديثي اليك وردي على اتهاماتك ..لا يسعني الا ان أشكرك على نصحك لي ان كان نصحا منالقلب فأنا أتقبله بسعة صدر وأدعوا الله عزوجل أن يبعدنا عن كل مالا يحبه ربنا ويرضاه ..وان كان مجرد مزاح ثقيل ..ربما تكون من معارفي الخاصين ..فأحب ان أقول لك أن هذا الكلام وهذه النوعية من الإتهامات لاتليق بعرضها بهذه الصورة في المجالس …تمنياتي للجميع ولك بالتوفيق ..
وفوق كل ذي علم عليم
أشكرك يازاهر على ردك، بخصوص الغزل الخفيف اقتنعت بالمعنى، أما بخصوص إني شهدت عليك في وضع غير أخلاقي، فيعتمد إيش قصدك بالوضع غير الأخلاقي، وبخصوص الإثباتات فأعتقد الرسالة الخاصة اللي أرسلتها لك فيها الكفاية إلا إذا تريد أكثر، وأنا ماأعرفك شخصيا يازاهر وكلامي ماهو مزاح.
*خذ الحكمة من أفواه العقلاء*
بصراحة انا ما شايلة عليك اي حاجة ..
و بعدين و يش فيها يوم أرد عليك و أكتب ملاحظاتي .. و لاّ زعلت لإني قلت بانك عجزت خلاص .. عجب لا تزعل انت بعدك
أوكي ؟ملاحظة :-
يوم تاخذ اجازة و انا بعد راح اغيب من المجالس ..
——————————————-
المحبة في القلوب إلا حبك انت لأ …
- يجب تسجيل الدخول للرد على هذا الموضوع.