ياجماعة شوو اخبااركم ان شااء الله مرتاحين ..

من مذكرات شخص….

انا يااجماعه اشتريت هالبلية اللي يسمونه كمبيوتر وكنت فرحااان واتشقق وكل ماسرت لعزيمه علقت الماوس على صدري كنة كرفته
طبعاً ادري بان اللقافه فيكم زايده وبتسألوني ليش

وانا باجاوب للملقوفين فقط <<<عشان الجماعه يعرفون اني متطور وعندي كمبيوتر المهم يوم من الايام رحت لعزيمه عند ولد عمي ويلست يم عمي وتلقف عمي ودار هالحوار : عمي : حياك لله هذي والله الساعه المباركه وشلون اخوك الصغير ان شاء الله بخير انا : بخير ياعمي جعلك بخير وشلونك انت عساك طيب عمي : الحمد لله بس هالركب وانا عمك متعبتني انا : عليك بالتمر ياعمي عمي : التمر ماينفع لي وانا عمك!! انا مريض بالسكر وانت عارف انا : عيل مالك ياعمي الا هيفاء عمي : وشي هيفا وانا عمك مب هاي بنت جيرانكم
انا : لا ياعمي مب بنت احد هذي تمارين سويديه تسويها انت وام حمد صدقني ياعمي ثلاث ايام وتعرس وتخليها

عمي : اقول خلنا من خرابيطك !!!! اقول شووو هاللي في رقبتك معلق مثل البهايم قبل يعلقون عليها حبل وجرس عشان ماتضيع ( بدا يخورهاا العم – عطيته ويه )

انا : هذا ماوس ياعمي مال الكمبيوتر ايييبه وياي عشان اخوي الصغير مايشغل الكمبيوتر

عمي : وشو كلبليتره : وشو هالكلبليتر هو مال السيارات

انا : لاياعمي هذا شي تشغله ويطلع لك اشياء عجيبه يا عمي تصدق عاد انه في ثواني يوديك لأقصى العالم .

عمي : كيف يعني فهمني !!
انا : اتفرج فيه صور غريبه فيه مناظر وفيه مكان ان دخلتا فيه تختار لك زوجه وتكتب مواصفاتها تبي شعرها اشقر ولا اسود ولا طويله ولا قصيره ولا سمينه ولا نحيفه تبيها ام سطعش ولا اثنين وعشرين حسب رغبتك ياعمي
عمي : اقول اكتب وانا عمك واطلب لي بنت ابيها ام خمس وعشرين سنه لعلها تعالج ركبي ابرك من ام حمد هالعيوز اللي يااابت لي الهم

انا : الله واكبر ياعمي هالحين ام حمد صارت عيوز
عمي: اقول ..فكنااا واسكت .اكتب شروطي وانت ساكت
سجل عندك :
ابيها مهيب كبيره ولا صغيره ابيها ام خمس وعشرين
تعرف تطبخ وتنفخ
تعرف تقراء وتكتب ( حشى شغاله مب بنت )
تعرف تطبخ مجبوس وهريس
ابيها طويله لالا خلها قصيره مثلي مابىارفع راسي وانا أكلمها
ابيها بيضاء
ابيها يتيمه مالها غيري عشان تقدرني
ابيها موظفه عشان تكد على عيالها وشغالتها
ابيها شعرها طويل مهيب مثل شعر ربيعتنا ام حمد ان شفت طرف شعرها اتحراااه مخمه !!!

انا : بس بس ياعميييي تصدق عاد ان الشباب ماتشرطو مثلك ومالقو لهم بنات يرضون فيهم ..

حشى ياعميي هذي شروط ماتلقاها الا في الجنه !!

خلاص ياعمي انا كتبت شروطك وابرسلها في الكمبيوتر ونشوف النتايج بعد يومين

.ــــــــــــــــــــــــ

ــــــــــــــــــ

وبعد ثلاث ساعات كلمني عمي هاه ياوليدي بشر لقيت العروس ؟؟؟
قلت له اني توي مدخل معلوماتك وشروطك لهم

قال اقول ياوليدي ارسل لهم قل اني ابيها تعرف تخرف النخل هالحين وقت الصرام نسيت اخبرك

انا : ان شااء الله عمي ولاايهمك

ـــــــــــــــــــــــــــ
ـــــــــــــــ

وبعد ثلاث ساعات اتصل عمي مره ثانيه وقال ياوليدي علمهم اني ابيها عمانية لا يبولنا سيلانيات

قلت له ابشر ولا يهمك بس ياعمي هم يسألون يقولون البيت بأسمه ولا لا شوو اقول لهم ؟؟؟؟

عمي : قل لهم انه بأسمي وانا ابرسل لك صورتي واقف عند الباب عشان يعرفون ان البيت بأسمي!!!

انا : اقول ياعمي ؟؟ فيه وحده تقول اسأل عمك هوا حيموت امتا ؟؟؟

عمي : الله ياخذها !!!!! انا قايلك مانبي سرلنكيات ولا هنود نبي عمانية يتيمه وياليتها بعد وارثه رزمت فلوس واملاك واراضي

انا : اقول عمي تكفى لاتكلمني تراك اشغلتني عن ربعي في المسنجر
ــــــــــــــــــــــــــــــــ
ــــــــــــــــت

الساعه ثنتين ونص في الليل

الوووووووو هلا وشلونك وانا عمك بشر هااااااااه لقيت شي

انا : منوو هلا منوو انته وشو كم الساعه

عمي : راقد وانا ماياني ارقاد وانا عمك

انا : هلا عمي شوو تبى الله يهديك تراني في سابع نومه وراي دوام مب فاضي ابى ارقد
عمي: انا عمك ابو حمد عرفتني ؟؟؟؟؟

انا : عميي انت اهبل شوو بلاك عميييييي ؟؟ بخبر ام حمد عليك والله
عمي : لالالا خلاص مابكلمك الا باجر بس فكناا من هالعيووز

وبعد صلاة الفجر دق عميييي
عمييي : السلام عليكم اقول قم صل الفييير وانا عمك

انا : يااعمي لعوزتني الله لايبارك بهالماوس اللي خلاني اخبرك ان عندي كمبيوتر

ــــــــــــــــــــــــــــ
ــــــــــــــــ
الساعه ثمان في الدوااام
الوووووو السلام عليكم انا بوناصر اربيع بوحمد ابي زوجه سجل شروطي وانا عمك

الووووووو السلام عليكم انا بو محمد ياار عمك بو حمد سجل عندك وانا عمك

الووووو السلام عليكم انا بوراشد مدير عمك بوحمد ابي اعرس سجل عندك شروطي وانا عمك

الووووووو انا …………..

ويـــــا من شراله من علاله حله …… قصدي يامن شراله من حلاله عله
شريت هالكمبيوتر وياااريتني مااشتريته

منـــــــــــــــــــقول