جدامه ولا تشرب……

تـقــــول : جاهم خطيبها ذاك اليوم بعد الظهر…( وش يبي هذا جاي الناس بعز الظهر)….. وكانت توها قايمه

من النوم..( يخرب بيته من شكل.. اكيد منفخ الوجه ورايح بخرايطها )…. وفي عطلة نهاية الاسبوع

( الويكند… بالانجليزي المعرب) ….ما مداها تفك ريقها الا وهو موجود..خلصت بسرعة بسرعة وما شبعت

طبعاً … المهم جلس عندهم ولما جا وقت الغداء كل اهلها قاموا يتغدون….فقال لها خطيبها تعالي تغدي معانا

..قالت لا انا شبعانة توني فاطرة….. قال لها عشان خاطري تعالي …. قالت والله خاطرك على عيني وراسي

بس مافيه مكان للأكل موقادرة لاني شبعانة..( وهي كانت جوعانة بس من كثر الخجل لو تذبحها ماكلت جدامه)

….المهم جاء العصر واستأذن خطيبها من اهلها انه بياخذها ويروحون محلات الأثاث ويختارون أثاث شقتهم…

وافقوا الاهل وطلعت البنت معاه وهي ميتة من الجوع….. جا يبي ينزلها بكوفي شوب… قالت له لا ما أقدر

اشرب كافي..( وعيونها بغت تطلع من الدريشة من الجوع ودها تاكل المحل بكبره )…..

قال يا بنت الناس تحلين على الأقل…. قالت لا والله قبل ما نطلع كنت شاربه كوفي ومحليه بالبيت….

( وهي مناك ماذاقت ريحته )….وما اقدر اكل اكثر…( وهي حاسه بدوخه من كثر الجوع ودها توصل البيت)..

لف فيها ولف ولف ولف …( والبنت ميته من الجوع وزادت زيادة فقامت تفكر بأفغانستان والفقراء وكل شي

ذيك الساعة خطر ببالها)…..

في محلات الاثاث وهي مو قادرة تتحرك من الجوع وتكابر ماتبي تاكل جدامه…يوم ما قدرت تمسك نفسها

قالت له ياليت نرجع البيت لاني مصدعة…. قال لها ابي أعزمج على العشا في مطعم… قالت لاااااااا واللي

يعافيك مافيه مكان للعشا شبعاااااااانة…..

رجعوا البيت الا امها مسويه لهم العشا وكانت بتطلع…. حطت له العشا وماكان بالبيت الا اهي وخطيبها بس…

قال لها تخليني اتعشا لحالي؟؟… تعالي تعشي معاي… قالت له: لا توني متعشية ( اشفيه هذا مايفهم؟ بالغصب

يعني)…قال شلون توك متعشيه وانتي طول الوقت معاي…. انحرجت وضحكت وقالت له الظاهر اليوم كثرت

من الأكل والشيز كيك حليت زيادة عن اللزوم واحس اني ما اقدر آكل اكثر من جذي…..

مد ايده لها يبي يأكلها من ايده قالت له لااااااا والله ما اقدر.. واصر عليها وقال لها عشان خاطري زين…!!

قالت ماااااااا اقدر كلششش…..قال بس هذي اللقمة عشان خاطري بس هذي…..

قالت: ودي بس احس اني برججججججع …. والله ودي بس شبعااااااااااانة…..

المهم خلص العشا غسل ايده وقال لها : حبيبتي استأذن الحين لازم امشي( وهي اول مره تتمنى طلعته بسرعة

من كثر ماهي جوعانه…هلكت المسكينة )…. قالت له : عادي حبيبي حياك الله خلنا نشوفك……

الريال استغرب انها مالزمت عليه يقعد…( قام يطالعها وعيونه تطلع وترجع)… المهم مشت معاه الين ما طلع

ومن كثر الجوع ما قفلت الباب وراحت تركض على صينية العشا وهي بالمطبخ وقامت تاااااكل بشراااهة…

وهي واقفه حتى ما قعدت….. وفي هذا الوقت خطيبها كان ناسي مفتاح السيارة فرجع ودخل البيت عشان ياخذ

مفتاحه….فحب يسلم عليها يقول لها انه رجع ياخذ المفتاح….سمع صوت بالمطبخ دخل عليها وهي من كثر

الجوع ما حست انه وراها….. جلس وراها مكتف ايدينه ويطالعها …. وهي تاكل وتاكل وتاكل بشرااااهة….

ليييين ما خلصت توها بتمشي التفتت وراها الا شافته مبتسم ويقزها بعين…..

ياااااااا ربىىىىى هي اصلاً خجولة وتخيلوا شافها وهي جذي .. خخخخخخخ

قال لها وهو يبتسم : ليش كذبتي علي وقلتي لي انج شبعانة ؟؟؟؟ كل هذا جوع ؟؟؟؟

عاد البنت بغى يغمى عليها من الاحراااااااج لوووووووول ………