- This topic has 12 رد, 4 مشاركون, and was last updated قبل 20 سنة، 11 شهر by
.
-
المشاركات
-
لقد كان حلمن وايها حلم لقد قضيت اربع سنين من الكدح والعطاء
والمشاوير اللي اكتشفت انها مالها سنع ايه مالها سنع …..
تخرجت وكلي امل واسماء وهند و منيره آآآآآآآآآآآآآه ولكن؟؟!!
اكتشفت ان سنين عمري راحت هبائن منثووورن مالت علي وعلى خشتي نعم انا جامعي مع وقف التنفيذ نعم جامعي صورة مع التحية جامعي عاله على ابوه وأهله تسلمت وثيقتي اللي المفروض أخمرها وأنقعها وأشرب مويتها على فكوك الريق وزي أي سلتوح من سلا تيح جامعة سعود رحت للي مايتسماش ديوان الخدمه مع اني داري ان ماعندهم الا الضعوي لأن الدفعات اللي قبلي تيتي مثل مارحتي جيتي بس توجهت لهم عن قولت ليش مارحت ويستقبلني ذاك الظفررررر المنكسر من كثر مايشات به وقالولي الله يرزقنا وياك اذا بغينا تخصصك ذا البايخ أعلنا في الجرايد طيب خذو اوراقي …. وش نبيبها ….. وثيقتي يخووك خلوها عندكم سبحان الله… الظاهر انك سبك ولا تسيبك ….. تكفى يخووك شي طارف ولاش …. تستخف دمك مع موظف حكومه ….لا والله يخووك مو قصـــ…. خلاص أقلب وجهك…. طيب لـــحــ….
ياسكيورتي ياسكيورتي اتسحتوه برا….. يالطيب يالحبيــ
وطردت شر طرده فقعدت أهوجس بس كنت جايع قلت مالي الا انقز لهنية اللي مقابل الأمن العام عندهم تسبده شي وقبل كل هذا ألقيت نظرتن على بوكي المهترء واجد فيه 20ريال من آخر مكآفاة لي واروح وأفنك وبعد ماخلصت وقلبت حظي يمين يسار لقيت أن مالي الا المدارس الأهليه وفعلن أنطلقت صوب احد ذا المدارس الوكيل المصري وبعد سلام عليكم السلام عندكم وظيفه ؟؟؟ قال :ايه تخصصك؟؟ قلت: تربيه بدنيه قال: للأسف لسا لقنه مسافره لمصر عشان تقيب مدرس من هناك بس سيب اوراأك هنا وازا بغيناك زهمناك <يتسعود ويا خشته .... واقوله لجنه أجل لمصر قال :أيوه الله مير يجدي لك ... قلت : المفروض تكلمون وزارة المعارف علشا ن تفتح ذا القسم عندنا عشلن ماتتمشورون ذا المشاوير........ تفوووو عليكم أوباش... وأنا اللي أطلع من عنده وأروح لمدارس ثانيه واسألهم وجوابهم واحد : والله مش محتا قين دلوأتي سيب واورأك ونمرتك ولما نحتاقك نبأ نهارجك
بس اللي بط تسبدي وادمى مقلتي بجد مدرسه من المدارس ذاك المصري أسأله يقول: داحنا مش محتاقين دحنا عندنا 7 مدرسين رياضه قلت: 7 مدرسين !!! عساهم سعودين بس قال: لا دا كلهم مصريين قالها والضحكه شاقتن وجهه ابن(الــ…..)
وان اللي أمسك اعصابي ولا كان مخربها معه آآآآآآآآآآآآآآآآآه بس
ومدرسه ثانيه زهموا علي وقالوا :تعال وانا اللي اتشقق وأسفهل يوم وصلت والقى واحد مصري سلام عليكم السلام أنتم كلمتوني كذا وكذا قال: أيوه اهلا وسهلا استنا مع الجماعة دولا .. وناظر ولاهم مصاريه لا بسين البجامات القطنيه اللي تباع في شارع الخزان … واللي لابس صروال وزارة المعارف الأخضر وكنادر شراع واسلم عليهم وأجلس سألني واحد منهم قال: أنته مدرس قلت: أي نعم قال: مدرس أيه . قلت: تربية رياضيه .. تغير وجه وقال: أهلاً وسهلاً زميل مهنه
يعني… قلت كيف؟ أنت مدرس هنا… قال: لا أصلاً قاي عشان المأبله وكل دول مدرسين رياضه …. وأنا اللي أفق خشتي 5 مصاريه وأنا الوحيد السعودي بينهم وكلهم شواكيش ملف الواحد منهم 1000الف صفحه وانا فرحان بالورقتين اللي معي يعني مواريها الله يخلف وبس وقابلوني: وقالو ان شاء الله نكلمك والى حزتكم ماصار شي طبعاً المصري ولا غير المصري الله يديم الرخص وبسنعم أنا جامعي نعم اربع سنين راحت فشوش نعم جامعي دوامه سريره وسجل توقيعه مخدته نعم أنا جامعي
مايستفاد من هالقصه
1)جامعة سعود مايعقبها الا قعود
2)احذر جامعة سعود يامن يفكر بدخولها
3)شبك لك مصري في احد هالمدراس الاهليه علشان يدبرك
وفي الختام يالربع هذي معناة واقعية بكل ماتحمله هالكلمه من معنى مهيب فلم مصري وياليت اللي قد مر بمواقف مشابهه يذكرها ويذكر لنا الحل في نظره …. ولاهنتم يالربع
السلام عليكم
كيفك جنة طفولة
بصراحة أنا ضدك بالنقاط هذي …… لأنه جامعة الملك سعود
معترف فيها عالمياً ……………………… وبعدين كثيرين من أصحابيد
تخرجوا من الجامعة هذي …………. وتوظفوا ورواتبهم مغرية جداً
وبعضهم سافروا لأوروبا للعمل هناك
هذا اللي أعرفه
إلا كان انت / انتي دخلت قسم خااااااااااااااااااااايس
هذا شيء ثاني
تحياتي لك
أمير كوكب مورس
تحية وتقدير لـ ( جنة طفولة )
الله يعين شباب الخليج على هذه الحالة .
هذه المشكلة أصبحت منتشرة في دول الخليج العربية ، حيث كان في السابق لا نسمع مثل هذه الأمور في خليجنا الحبيب ، وأيضا كان خريج الثانوية العامة في حينه ملك يؤشر على العمل الذي يريده يقال له سمعا وطاعة ، بل أية جهة عمل ترحب به بأفضل ترحيب .
طبعا لا يبقى الحال على ما هو الحال ، فلابد من تغير الحال ، فأصبح الآن خريج الجامعة لا يسوى ، فلا نعلم هل العيب فيه ككونه خريجا جامعيا ، أو في التخصص الدراسي ، أو في نظرة المسؤولين من ناحية الخريج الجامعي ، أو الظروف الاقتصادية في البلد ، أو أن العمالة الوافدة أفضل من حيث الخبرة ورخص الثمن ، أو أن الظروف السياسية تلعب دور الكروت التي تستخدم في مباريات كرة القدم …. وإلخ .
هذه المشاكل تعاني منها إن لم يكن كل دول الخليج العربية فمعظمها ، بالرغم من محاولات بعض الجهات الرسمية تسعى بمحاولات خجولة من هذه الناحية ، إلا أن الأمر يزداد سوء يوما بعد يوم ، والخطوات المتخذة بطيئة جدا .
أصبحت دول الخليج الآن عبارة عن مدرسة للخبرات العملية الأجنبية ، فهي التي تخرج أفواجا من العمالة الوافدة تأخذ من خيراتنا ومن ثم تبني أوطانهم ، وأبناء الخليج عليهم السلام .
ولكن من المعروف أن السعودية تتبع سياسة السعودة في الوظائف ، فكيف حالها ؟
أنا ما كتبت هذا الموضوع نقلت من جروب أبو نواف 
- يجب تسجيل الدخول للرد على هذا الموضوع.