ياللي زعل تزعل و لاني مراضيك
اشرب كدر ماي البحر جانها ارضاك
لا تحسبني عقب صدك بداريك
بعز نفسي عنك مدراك مدراك
ابع اسنين وانا متحمل تغليك
راضي بتعذيبك لجل قلب اغلاك
وخليتني و اليوم و الله لخليك
وادوس قلبي لينه يقول خلاك
جانك تتحداني انا اقبل تحديك
وانسى الغرام اللي مضى و اتحداك
ماني بقايل لك عسى الله يهنيك
الله يحرمك كل ما كان هناك
عسى العمى يا خاين العهد يعميك
فوق الغرور اللي عن الماضي اعماك
عساك ما تسمع صوت قريب يناديك
حيثك تجاهلت صوت محروم ناداك
وعسى الشلل يعوق رجل تمشيك
لينك تتندم ليش غيرت ممشاك
عسى الليالي اللي تجيني بطاريك
يصبح عليها الصبح و تموت طرياك
و عسى المنام و كل راحه تجافيك
و امك تشق الثوب من عظم بلواك
ولمت جعلك في جهنم تصاليك
نار الجحيم و نار دنياك تصلاك
الله يكره فيك كل دوانيك
غشاش خاين من؟ من الناس داناك
روح و الله يجازيك
امسك و يومك و عقب الغد يجزاك