عيونه ياناس عيونه

مشارك

أنا ياأهــل الهـوى دشـــيت في حانه
بهـــا خــــمر معتق صــــافي لـــونه

بهـــا كاســات منقــــوشه وملـــيانه
ورنيـــن الكـــاس لـه ناس يـجيـدونه

وفيــها ناس من أجـــناس نشـــوانه
وشـــرب الــــراح فـــيها مايمــــلونه

وبلـــــبال يغـــرد عـــذبه الـــحانــــه
شقـــى العشاق تــغريــده وملحونه

وضمـــير الحب فـيها حــط سلــطانه
من أهــل الـــود حراسـه يبـــارونــه

آمــر كيــف مايـــبغى وفـي شـــانه
سحر هارون في كاسـه يصــــيبونه

وانا واقــف وعيـــني فيـــه سرحانه
واشــوف الــناس فــي طـوع يلبونه

سألني شفيك قلت الروح عطشانه
وأحــس القـــلب كـنه بنــار يكـــونه

تبـــسم لــي وآخــر مـــد بايــمانــه
وقال اشرب وخذ “م” الكاس طشونه

سقاني وقلت زيــد النفس شفـقانه
وعـــاد الري ولــي حــوله يــرابـونه

وخــدرني وفــكري ضــاع بــرهــانه
آه ياويــل مــن بالــسحر يســـقـونه

تبـــسم لــي وبانــت سيـدي أثمانه
كما الــدانات فــي ثــغره ومــوزونـه

والاه يــدق فــوق الكـــتف بأبنـــانـه
ينــبـــهني لزقــره وقــلت ياعــــونه

صحيت وشفت عمري هوب في حانه
أنا ســـرحان يأهــل الود في عيـونه

راشد شرار

شيبتكم ………………..