أحلف و ربك لي من الطين سواك
انا شراتك فالمحبه ابتلينا
الله ينساني اذا فكرت انساك
لين الجسد يصبح رميم دفينا
ياكم سهرت الليل و سبه ذكراك
و اسبح في طيفك ولا من معينا
و انا ان نسيتك كيف بازيح روياك
عن ناظر ما شاف غيرك ظنينا
مالي حياة ان كان بتحين فرقاك
يعل موتي دون ذلك يحينا
و الله لو اصبح اميرة على املاك
من ربعها الخالي لاخر مدينا
ما عاضني عن صوتك العبر الاسلاك
لو حس فيه الطير يمسي حزينا
قصة حياتك عشتها بيني اوياك
و بادلتني احساس لروحي سكينا
و ان احجبوا شوفك و وصلك و روياك
بعيش باقي العمر دونك حزينا
ما يروي فوادي حبيبي سوى ماك
و لو كان من دجله حشا ما ارتوينا
بصبر عساها تيود بالحظ الفلاك
و اهنا بشوفك بعد طول السنينا
تزعل جميع الناس يكفيني ارضاك
و هذا كلام صدقه باليقينا
ذاب السطر جف الحبر وين بلقاك
و شعر كتبته لك يزيد الحنينا
مالي اماني غير انا اعيش وياك
و اكون ملك لك ع سنة نبينا
****
ناااااااااااااااااااااااي