مغرورين
ايام وسنين وكلنا ميتيـــــــــــــن
مغرورين
النهاية الموت تالي العمر لوطال
ونرجع للاصل ونصير من طين
مغرورين
نسينة طول العمر خــــــــــطار
وطبع العمر من الضيافة باقين
مغرورين
يجينا الموت مهما تطول الايام
ويضيع النفس منا وتغفل العين
مغرورين
وتصير جنازة بين الاهل ممدود
ويرحمك من يسبلك الايديــــــــن
مغرورين
ويغسلونك بماي الطهر مرات
ويكمطونك كماط العمر مرتين
مغرورين
تفارك خلتك واهلك والاحبــــــاب
وشكد عندك قساوة تصير مسكين
مغرورين
بتابوتك نمت وبصحبة الجناز
مستعجل يشدك بالحبل زيــــن
مغرورين
وصلت المقبرة واخر اللحظات
لكيت القبر جاهز والمفر ويـــن
مغرورين
وحيد ابقى بلحد ماشوفن الناس
عواصف واهتزاز وشبحت العين
مغرورين
اليوم بغربتي اتوسد الكـــــــــــــــاع
فقدت كل شي الحويتة بذيج السنين
مغرورين
صعبة من رحلت من عتبة الباب
وكضة عمري عبالك رمشة العين
مغرورين
عفت امي وابوي شموع الايام
ونمت ظلمة يايمة بين ميتيــــن
مغرورين
مري على القبر حركيلي التراب
ومن حنانج اريد الرحمة تنطين
مغرورين
عرفنا الموت حق ولاعذر بيه
مايعرف لاملوك ولاسلاطيـــــن
مغرورين