واحد مننا شعر : أنس الحداد المحامى(أبوخلود)

مشارك

مهداه إلى الزميل الغالى أ. سامى بلح
.
واحد مننا
___
لمّا قالوا إنتخاب
قلنا فرصه
يبقى واحد مننا
فِكره ســامى
قلبه مليان بالصراحه
والمحبه والتسـامى
بالحقوق دايما يطالب
مش منافق أو حرامى
وبشموخ النخله واقف
تحت قُبة برلمانا
لجل مستقبل عيالنا
يبقى مليان بالأمانى
كلمته دايما رصاصه
عمره مره فى يوم ماخاف
مش عبيد فى سوق نخاسه
لو ناكلها بلُقمه حاف
مش هتبقى بلدنا شَروه
ولاّ بيعه بالرخيص
للى سارق خير بلدنا
جاى ينهب جاى يهيص
يستغل ظروف حياتنا
بجلاّبيه أو قميص

ياللى تشهد يوم بزور
وتقولى خايف ع العيال
قل له يرحل أو يغور
وافتكر يوم السؤال

سامى إبنك أو أخوك
سامى نابت من هنا
من جذور الكَفْر* طالع
قلبه شايل هَمنا
عمره مره ف يوم ماكان
واد منافق أو جبان
ولاّ طالب خير لنفسه
عن طريق البرلمان
سامى صوت الحق لمّا يكون قوى
والحق ضايع من زمان
الحق ضايع من زمان

أنس الحداد المحامى

أسم القائمة