سؤال بسأله لنفسى كتير ..
وبيحيرنى جدا ولما بفكر فى اجابته .. بتغاظ من الرجالة والشباب جداااااااااااا …

كل واحد يسأل نفسه كده فى سره .. انت بتحب ؟؟ مرتبط يعنى او مصاحب زى مابيقولوا الايام دى ..؟؟

وبعد ما تسأل نفسك اسأل نفسك سؤال تانى .. انت أد تحمل مسئولية جواز ؟؟

انت تقدر تقف أدام أهلك علشان البنت اللى بتحبها دى ؟؟

انت تقدر تقنع اهلها بشخصيتك وبنفسك عشان يوافقوا انك تكون شريك لحياة بنتهم ؟؟

انت تقدر تكون مخلص ليها وعمرك ما تبص لغيرها .. عشان مايجيش يوم وتجرحها بعد ما آمنتك على نفسها ؟؟

هاا.. جاوبت على أسألتك لنفسك ؟؟ طبعا كلكم هيقول آآآه انا بحبها واعمل عشانها كل حاجة ….

و أبيع عمرى عشان خاطرها و أموت نفسى و مش عارف ارمى نفسى من فوق الطرابيزة والحاجات دى كلها ..

كل ده كلاااااااااااااام و وقت الجد يا باشا …. فسسسسسس

يا ترى ليه كل واحد مش متأكد من اجابة الاسئلة دى .. بيدخل نفسه فى ارتباط عاطفى .. و بيظلم معاه واحدة ملهاش أى ذنب غير انها صدقته و وثقت فى وفائه بوعده ؟؟

يمكن علشان بقى فيه بنات كتير هى اللى بتطلب الارتباط و بقى عادى انك تحب دى وتسيب دى ؟؟؟

طيب حتى لو كده .. انت معندكش ضمير ؟؟ تخاف من ربنا ؟؟ تخاف على انها فى يوم هيكون كسر قلبها ده ذنب فى رقبتك ؟؟ و أكيد هيتردلك فى أخت او قريبة ..

بص حواليك كده شوف كام بنت مظلومة .. كام بنت قلبها اتكسر بعد ما كان قلبها لسة نضيف و ضحكتها بتخرج بجد .. ؟؟

لو كان كل واحد ارتبط ببنت راعى ربنا و متساهلش فى موضوع الارتباط ده وكان أجله لحد ما ربنا يأذن .. مكنش متهيألى حال البنات دول هيكون كده …

البنات مش لعبة … عاوز تحب ونفسك تحب .. حب يا سيدى محدش قالك حاجة ..

بس قبل ما تحب اسأل نفسك الاسئلة دى .. و شوف هتقدر عليها ولا لأ ..

و حتى لو قدرت على كل ده .. الجواز ده قسمة و نصيب .. ممكن بعد ما تعمل كل ده

ربنا ميكونش كاتب تكونوا لبعض …

وقتها هتقول ياريتنى ما خليتها تحبنى ولا علقتها بيا ..

يبقى ليه من الاول تعذب نفسك وتعذبها معاك .

يبقى ليه قلتلها انك بتحبها وانت مش هتتجوزها ؟؟

لو كل واحد فينا فكر فى أفعاله قبل ما يعملها كان هيريح نفسه من تعب كتير اوى فى حياته …

انا بس حبيت اسألكم سؤال بسأله لنفسى .. يمكن تكونوا انتوا كمان بتسألوه لنفسكم ..

والسلام ختام …