جمٌع ماتبقى فيه من شجاعة وحب وكتب مايلى وحبر القلم يختلط مع دموعه …/
يبه تكفه كفاية خلااص انا الليل ما انامه كوابيس واحلام مزعجة حتى دراستى اهملتها احس انى بديت اضيع يبه تكفى خلاص
انا ماعدت ذاك الطفل الصغير اللى مايفهم وش يصير حواليه
انا كل ليلة اسمعك وانت تصارخ على امى اسمع صوت كفك وهى تنزل على وجهها بدون رحمة وبكل قسوة و وحشية
اسمعك تسب وتلعن وتشتم واسمعها وهى تهمس لك بألم و وجع لا يابو فلان عيب اللى تسويه لا يا بو فلان الولد نايم لا يقعد ارجوك ارجوك لا يابو فلان الله يهديك وانت تزيد بسبك ولعنك وضربك !
والله يا يبه مرة من المرات انى تبولت على نفسى من الخوف ! اسمع صوتك وارتجف وارتعد واحضن رجلينى يمكن تسكن رجفتهم يمكن احس بأمان لكن يبدأ جسمى كله يرتجف ! يبه انا كبرت وانت لازلت مثل ما انت !
والله يا يبه امى ماتستاهل اللى تسويه فيها ! كنت اسألها عن الجروح اللى بوجهها ! كانت اداريها بخجل وتغصب ابتسامة وتقول طحت يا يمة وانا ارتب الغرفة !
كنت اشوفها بأخر الليل تفرش سجادتها وتصلى وتصلى وتدعو الله يهديك ودموعها تنزل …تدرى من وين يا يبه ؟؟ من نفس العين اللى ضربتها عليها !!
اذكر مرة زارتنا خالتى وشافت حالتها وزعلت وعصبت وقالت لازم اعلم اخوانك واخليهم يوقفونه عند حده !!تدرى اشردت عليها ؟؟ قالت لها : اقسم بالله لا اكلمك ولا تدخلين بيتى ولا ادخل بيتك طول العمر هذا ابو عيالى وان شاء الله ربى بيهديه لى !
يبه ارجوك انا ماعدت الطفل الصغير اللى مايفهم شئ ! قبل لا اختم رسالتى اللى اكتبها لك وربى يعلم بحالتى لكنى احبك .. واحب أمى بعد
بسألك سؤال يمكن يختصر لك اشياء بقلبى ما قدرت اكتبها
يبه ترضى أحد يضرب أمك ؟؟؟
.
وأنا بعد ما أرضى ..!!
/
ثم وضع الرسالة مع صورة لزفاف امه وأبيه على مكتب والده !!!!!
بسم الله الرحمن الرحيم مميز اخي كعادتك تكتب مافيه فائدة ووعظ يعطيك العافية ومحد يرضى تقبل مروري اختك من الجزائر . فتاة من صحـــــــــــراء الجـــــــــزائـــــــــر .
الكاتب
المشاركات
مشاهدة 3 مشاركات - 1 إلى 3 (من مجموع 3)
يجب تسجيل الدخول للرد على هذا الموضوع.
يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافقإقرأ المزيد