الرئيسية › منتديات › مجلس الثقافة الأدبية والشعر › موسوعة اشعار الشاعر الكبير طارق المحياس ، اتمنى تعجبكم

مشاهدة 6 مشاركات - 1 إلى 6 (من مجموع 6)
  • الكاتب
    المشاركات
  • 9 أكتوبر، 2010 الساعة 1:00 ص #1460838
    WARS CRIMINAL
    مشارك


    (( الجريمه ))

    ليت ما كان في فؤادي للهوى والحب قيمه=والا انا مالي ومال الحب اصلن من البدايه
    كنت ماخذها هوايه ما دريت انها جريمه=لين اهي صارت جريمه من بعد ما هي هوايه
    ما دريت ان المحبه هالكثر والله عظيمه=لين ماربي بلاني وابتلشت بهالحكايه
    ما كذب من قال ان الحب اسطوره جديمه=تلقى في حبك بدايه بس ما تلقى النهايه
    ما ادري هذا الي اعيشه حب والا بس غيمه=مرت بوسط الصحاري فيها من كل حسن ايه
    امطرتني بس خايف من عواقبها الوخيمه=خايف اني من بعد هالغيث ما احظى بالسقايه
    مابي اتعود عليها مابي اللقاها نديمه=خايف انها بس تبي قربي ولها في النفس غايه
    مابي اعشقها واللقاها على دروبي لزيمه=وانا قلبي منجرح من اول بما فيه الكفايه
    لا ياقلبي لا تمهل دام خطواتك سليمه=مابي في الاخر اصرخ يا بلايه ويا بلايه
    ادري فيها الزين كامل وادري يا قلبي وسيمه=والدليل القاها دايم كل ما اشوف المرايه
    ما ادري هذا الصح والا روحي وعيوني سقيمه=اهي اصلن من عطاها في الهوى حق الوصايه
    ماني ناقص اي غيبه من العواذل او نميمه=يكفي قالوا عني فارس احلام الصبايه
    وانا والله مالي في دنيا الهوى والحب شيمه=لا اني فارس او اسير حلوات السجايه
    بعد جرحي الاولاني ذقت انا مر الهزيمه=يوم ذاك اللي وفيته راح وما قدر وفايه
    راح وخلى قلبي بعده والله ما يسوى له قيمه=من بقى لي يوم روح بس لله البقايه
    طفله وهزت كياني واشعلت في القلب غيمه=واتركت قلبي وروحي يوم خانتني ضحايه
    كنت اظن انها حليمه ما دريت انها لئيمه=تاخذ وتعطي معايا والا حتى مع سوايه
    اجرحتني جرح مؤلم باقي في قلبي وصميمه=قلت بعد هالجرح توبه واطلبك ربي الهدايه
    ما دريت ان المحبه هالكثر والله عظيمه=لين ما ربي بلاني وابتلشت بهالحكايه
    كنت ما خذها هوايه ما دريت انها جريمه=لين اهي صارت جريمه من بعد ماهي هوايه
    =============

    (( الليل توه ))

    الليـل تـوه و باقـي ع الصـبـح مـشـوار
    الله يـعـلــم يـمــكــن نــكـــون مـيـتـيــن
    أقــــدار تـجـمـعـنـا وتـفـرقـنــا أقـــــدار
    خلهـا علـى الله أحسـن نـكـون ناسـيـن
    يمكـن يكـون الـوقـت مــن حـرتـه ثــار
    والا الـقــدر والــحــظ دايــــم مـعـاديــن
    ويمكـن يكـون الليـل مـن ضيقتـه جــار
    مسـكـيـن وحـــده يـبـتـسـم للعـاشـقـيـن
    الله خـلـق دنـيـا وخـلــق نـــاس ٍ كـثــار
    مـا كنـت أدري فـي الهـوى دربنـا ويـن
    سبـحـانـه جمـعـنـا وشــابــه بـالأفـكــار
    وصـرنـا أنــا ويــاك ضـمــن المحـبـيـن
    لا تزعليـن أرجـوك لـو صـار مـا صـار
    إتــعــودي هــــاذي حــيـــاة الـمـحـبـيـن
    فـرقـى ووداع ونــوح ودمـــوعٍ ونـــار
    مـا للحـزن اخــر عـلـى قـلـوب طيبـيـن
    مجبور أقول لك روحي والقلـب محتـار
    خـايـف علـيـك عـيـون نــاس ٍ معـاديـن
    وخلـي القصـايـد عـنـدك تـكـون تـذكـار
    وإدعي لي بالخير مثـل مـا دوم تدعيـن
    وإبتسمي دايـم يـا عسـى أيامـك أنـوار
    واذا ذكـرتـيــنــي أبــــــد لا تـدمــعــيــن
    كونـي سعيـده وإحفـظـي كــل الأشـعـار
    بالـعـكـس لازم إنـتــي دايـــم تفـرحـيـن
    قالت لي ما أنسـاك لـو صـار مـا صـار
    لا تدعـي الفرحـه وإنــت مـيـت حـزيـن
    يا كيف أنسى اللي مـن رموشـه أغـار
    ويا كيف أنسى قلب عرفته مـن سنيـن
    صاحـت وثـار القلـب فــي داخـلـي ثــار
    ومـن دون تشعـر إحضنتـنـي بالايـديـن
    وسال الكحل مـن عينهـا وقلبـي إنهـار
    ولمست يديني دموع طاحت من العيـن
    وطلـع علينـا الفجـر وبـانـت هـالأنـوار
    وقالت لي شف كيف الزمن ماله معين
    تـوك تـقـول بـاقـي ع الصـبـح مـشـوار
    سبحـان ربـي مـر فـي غمـضـة العـيـن
    راحـت وعينـي تــذرف الـدمـع مــدرار
    يا كيف وأنا إنسـان مخلـوق مـن طيـن
    قــالــت فــمــان الله وقــلـــت مـحــتــار
    مـع السلامـه يـا عسـى أيـامـك تـزيـن
    وقعـدت وحـدي أرسـم دموعـي أشعـار
    وأحاول أوصـف حـال هالقلـب مسكيـن
    ذكــرت كلـمـه قالـهـا الـخـل يــوم ثـــار
    لا تدعـي الفرحـه وإنــت مـيـت حـزيـن
    ———————–

    (( الياسمين ))

    ليش قلبج يا بعد عمري حزين والله مب لايق عليج هذا الزعل
    يا حلاتج يوم انتي تضحكين.. افتحي قلبج وقولي وش حصل؟
    من تجرأ من قطف هالياسمين؟ من حرمه الزين قبل لا يكتمل؟
    منهو ارخص قيمة الغالي الثمين؟ ويدري انه في عيوني له محل
    ومن يقول الورد ما يقطر حنين؟ ومن يقول اته وسط قلبي ذبل؟

    يالله قومي.. يالله لا تتكاسلين.. خلي حلمي وياج يوصل لزحل
    يالله قومي.. يالله لا تتشاورين.. خلي حبنا يكون للعالم مثل

    قالت: اصبر
    قلت: انتي تامرين
    وطالعتني بعين يملاها الوجل.. ولا اراديا ذرفت دمعتين
    وقالت: ان الزين ابد ما يكتمل
    قلت: قوليلي ترى سرج دفين ما بخبر حد لو مهما حصل
    بس دخيلج ما ابي هالدمع يبين.. مب عشان شي بس والله ما احتمل
    طالعتني وقلت لها: شو تطالعين؟ ما في داعي للعواطف والخجل
    هذا مب وقته في ويهي تسرحين جاوبي احساس قلبي اللي سأل
    قالت: الشدة بعد فترة تلين والفرح يقبل اذا باقي امل
    والشقى لازم في يومه انه يهين.. والصعب يأتيه وقت يكون سهل
    قلت لها: قوليلي ولا تلمحين ما احب اسمع كلام به جدل
    قولي شو الموضوع اذا انج تسمحين وخلي الخوف اللي فيني يرتحل

    قالت: أهلي ساوموني بدرهــــــمين!! وقرروا انهم يزوجوني بعجل
    جا خطبني شخص قدي بمرتين وجابو المأذون والعقد اكتمل
    وافقوا لانهم بماله طامعين وبالتجارة والمراكز والفلل
    ليش لا دام انهم رابحين يمكن انهم يطلعون بكم محل
    ! ! !

    قالت: إلحقني إلحقني ومد لي هالايدين ضاع فكري وطار من راسي العقل
    من لي غيرك اشتكيله يا الضنين؟؟ عطني رايك عطني لو ذرة امل
    صرت انا وياك ضمن التايهين والحزن في دربنا توه استهل

    ليش يا دنيا في ويهي تعبسين؟؟؟؟
    ليش يا دنيا في ويهي تعبسين؟؟؟؟
    ليش يا ربي في ويهي تعبسين؟؟؟؟
    حظي المايل متى بس يعتدل؟؟

    قالت: تكلم ولو بس جملتين لا تتم ساكت ترى وردي ذبل
    قول لي اي شي قول لو كلمتين
    وانت بس اللي لأمره امتثل

    صدمتي كانت معاها صدمتين
    صدمتي كانت في هالمرة دبل
    كنت بسألها اش رايج تملكي بي دام خذنا الدبله والحب اكتمل!!
    ما نطقت بشي وانا ميت حزين.. والدمع من فوق وجناتي همل
    قمت اشاهق ما ابي نوحي يبين .. كني خيل باعلى صرخاته صهل

    قمنا نطالع بعض عين بعين.. ما تكلمنا إلين الليل حل
    قالت: انطق لا تقول انزين انزين.. وانا ساكت والفرح عني رحل

    كنت اظن احنا لبعضنا مكملين.. ما دريت الحظ عاند بالفعل
    كنت انا وحدي بعالمها سجين.. وكنت اقول الحظ اخيرا اعتدل

    قلت لها: اذكر كلامج لين الحين يوم تقوليلي تراك احسن رجل
    صحت فجاة
    وقلت لها: تتذكرين يوم كنا نخطط لشهر العسل؟؟؟؟

    قلت: عشاني قومي ولا تزعلين.. وارضي بالواقع ما دام انه حصل
    اسمج بيبقى وسط قلبي دفين.. والقمر لازم في يوم بيكتمل
    والله بفرح دام انتي بتفرحين.. يالله خلينا بعرسج نحتفل
    واصفعتني كف عالخد والجبين..
    وقالت: انت قاعد تكلم طفل ؟؟؟؟!!

    قلت لها: وصوتي بنبراته حزين
    اوعديني هالزعل آخر زعل
    لان قلبج ينعرف يوم تزعلين
    والله مب لايق عليج هذا الزعل
    ومهما ناديتج ابد لا تجاوبين
    قصة الحب انتهت مااات البطل

    افترقنا بعد كل هذي السنين .. وللاسف حبنا في هالمرة فشل
    فشل
    فشل
    انتهى مشوار احلى عاشقين .. كلن بدربه ولكن ما وصل
    كل واحد ينسى مع مر السنين .. لكن الذكرى امرها مب سهل
    لين آخر يوم في عيني بتسكنين
    لين آخر يوم في قلبي تسكنين
    لين آخر يوم في روحي تسكنين

    وصورتج بتبقى مثل بدر اكتمل

    في بعض الاوقات اقعد مستكين بس افكر لين يذبحني الملل
    بالفعل قطفوا زهور الياسمين
    قطفوا الزهرة قبل لا تكتمل

    *****************
    (( إماراتي ))

    أحس الكل بدى يسأل يـدور يكتشـف ويشـوف
    ويسألني بعضهم مـن كتبـت الشعـر كلـه فيـه

    بعضهم يبتسم لي والبعض يغمـز مثـل ملهـوف
    وبعضهم نظرته تكفي تعبـر عـن فضـول فيـه

    أنا ياناس نعم أهـوى وقلبـي دايمـن مشغـوف
    على اللي كل اشعاري وجديدي مول مـا يكفيـه

    أنا ياناس نعم حبيت وخلـي بالحسـن موصـوف
    يغار الكل من زينـه عسـى الله يحفظـه ويبقيـه

    حبيبي غير باقي الناس في وصفه تجتمع الوصوف
    حبيبي لو يغيب لحظه مضى عمـري أفكـر فيـه

    حبيبي لو كتبت به شعر أبملي المكتبـات رفـوف
    كثر ما أغلـي أحبابـي بعـد أكثـر أنـا أغليـه

    حبيبي أنا فغيابه دمـع عينـي تمسحـه الكفـوف
    يواسيني قصيدي فيه ويقـول أرجـوك لا تبكيـه

    أحبه يا ملا وأغليه وأعـزه دون شـك وخـوف
    وإذا اني فيوم صرت ميت أنـا والله ميـت فيـه

    أحس الكل متلهف واشوف الكـل بـدى ملهـوف
    يبي يعرف حبيبي من وكيف شكله وليـش أغليـه

    بأعلى صوت بقول اسمه وحبـه ساكـن باليـوف

    Uaeأنـا يانـاس مـو مغـرم أنـا مجـنـون
    ==========================
    (( بالبرازيلي أحبك ))

    بالبرازيلي احبك واعشقك واموت فيك =بالبرازيلي اقلك سيرا موفاتو كرول
    لا تقول ترجمها يللا خلني اتغلى عليك=لاتحاول لا تحاول والله اني ما بقول
    دور بكل المعاجم وحرك اشويه ايديك =فتش وفكر وحاول لا تقول عطني الحلول
    يعني تتعبني بحبك تبخل بكلمه ابيك =وانا ربي غير يعني ما بقلك ما بقول
    لا ترجى لا تحاول ولا تخوفني بعنيك =لا تهددني بكلامك خفف اشويه الفضول
    غير الموضوع يلخي والله ما تسوى عليك =وين صبرك وين ذوقك كنت اظن انك خجول
    أي خجل هذا حبيبي ليش مو باين عليك=ليت بالك لحظه يهدى ليته بس لحظه يطول
    تلعب باعصابي يعني وماتبي ألعب عليك=وحده بوحده يا شاطر اقبل انصاف الحلول
    لاتقول بعمري والله وبحياتي افتديك =لاتقول يالله عشاني انطق اتكلم وقول
    الحين يعني تقول فديتك توك تقول لي ابيك =وانا وردي صار اصفر واكتسى لون الذبول
    اعرف اسلوبك فضولي وادعي بس ربي يهديك =انت لو حاولت مره يقصر الحل ما يطول
    ما بقولك غير كلمه واترك الباقي عليك=ساكو مارو دون فابو سيرا موفاتو كرول ===================

    (( بنفس المكان ))

    بنـفـس المـكـان لكـنـي هالـمـرة وحـيـد
    أبـكـي ألــم وأقـــول لـيـتـك مـعـايـا ..

    بنفـس المكـان ومـا معـي غيـر القصـيـد
    أكتـب عسـى فـي يــوم تسـمـع نـدايـا ..

    أكـتـب بـأيـدن وامـسـح دمـوعـي بـأيــد
    أكتـب وأقـول أحسـن بـك الله عزايـا ..

    أكتـب وكـل مـا أكتـب جـروحـي تـزيـد
    وش ذنـب قلبـه أجرحـه مــن البـدايـا ..

    أقــرب مــن عـروقـي مــع أنــك بعـيـد
    وأقرب من إحساسي وفي وسط الحنايا ..

    وأقرب من الآهات آه آه ومن كـل تنهيـد
    وأقـرب لعينـي مـن عيـون المـر آيــا ..

    أسـمـع حبيـبـي بعـدنـا والله مــا يفـيـد
    يكيـف ترضـى لنفسـك ولــي شقـايـا ..

    أرجـوك أرجـع نبتـدي بحـب مـن جـديـد
    بـس لاتخلـي شمعـتـي تــذوب كفـايـا ..

    مــرت ليـالـي عـشـت بالحـالـي وحـيــد
    يـامـا ويـامـا قلـبـي يكـتـب وصـايــا ..

    ويـقـول فيـهـا كـنـت ومـازلـت يـاسـيـد
    أنت اصـدق الإحسـاس وأنـت النهايـا ..

    واليوم صرت أكتب على أوراقـي قصيـد
    مـن بعـد مـا كنـت أنـت أجمـل حكايـا ..

    شـف هالمكـان دايـم أجيلـه وأنـا سعـيـد
    عـل وعـسـى ألـقـاك صـدفـه ورايــا ..

    بنفس المكـان أكتـب وأنـزف لـك قصيـد
    واقــوول وأتمـنـى يالـيـتـك مـعـايـا
    ==============

    يـــــتبــــــــع

    9 أكتوبر، 2010 الساعة 1:02 ص #1460840
    WARS CRIMINAL
    مشارك


    (( تشك بحبي ))

    تشـك بحبـي لـك وانـا الـلـي حـبـي لــك بــلا مقـيـاس
    تشـك فينـي وانــا الـلـي حـالـف بدنـيـاي مــا اخـونـك
    غـريـبـه حـالــه الـدنـيـا غـريـبـه لـعـبـة الاحــســاس
    كثـر مـا تصـون لهـم عهـدك كثـر مـا هــم يخونـونـك
    انـا يالغاليـه شـارب مـن احسـاسـك وعطـفـك كــاس
    انـــا اذكـــرك دايـــم يـــوم كــــل الــنــاس يـنـسـونـك
    انــا كـلـي محـبـه مــن طــرف رجـلـي الـيـن الــراس
    انـا وان كنتـي مــا تـدريـن يقـولـون عـنـي مجنـونـك
    انـا مــا عـنـدي اي مـانـع علشـانـك اخــاوي الـيـاس
    انـا اللـي لـو تنادينـي بأعـلـى صـوتـك اقــول عـونـك
    خلاص اصحي من احلامك وانسي الهم والهواجيس
    وغـيــري كـــل نـظـراتـك وكـذبــي اغــلــب ظـنـونــك
    بقولـك شـي سمعـي زيــن وخـلـي عـنـك الـوسـواس
    يـا اطهـر مـا مشـى علـى الارض انـا مـا لـي دونــك
    وحــق الله احـبـك مــوت واشـوفـك بـعـيـون الـنــاس
    وحتـى فـي بعـض الاوقـات اشــوف الـنـاس بعيـونـك ******************

    (( تعودني عليك ايام ))

    تعودني عليك أيام أبد ما أفــــــــــــــارقك ليله ..

    واذا عنك أروح اليــــــوم أقول لك نلتقي باكر ..

    تعودني على لطفك وأسلـــــــــــــوبك وتدليله ..

    وتتــــــــــــــــوقع أنا بحيا بدونك يوم بتسافر ..

    أنا مـــــــــــا ودي أشكي لك ولكن قلت الحيله ..

    أليمه فرقتك والله وأنا ع البعد مب قــــــــــادر ..

    دخيلك أجل المــــــــــــوعد اذا تقدر ع تأجيله ..

    دخيلك حـــــط دمعاتي في عينك قبل ما تسافر ..

    يا شين الـــــــــوقت في بعدك دقيقه كنها ليله ..

    شيصبرني وأنا أحبك ومثلك فــــي البشر نادر ..

    تعلق قلبي بقلبك يسمـــــــــــع منه ويحكي له ..

    تدلل قـــول بس إطلب أقول لك غالي وحاضر ..

    أنا مدري اذا قلبي رفـــــض يصبر شسوي له ..

    تخيل حالتي بعدك أنا إتحطمت ع الآخــــــــــر ..

    أكلم نفسي فغيابك ألـــــــــوم القلب وأشكي له ..

    وأصبر نفسي بالقوه وأقضي الليل وأنا ساهر ..

    تلاقينا فبعض صدفه سولف لي وأنا أحكي له ..

    ومن أول نظرة حبيته وصــــرت لشوفه أبادر ..

    ذبحني السحر فعيــــــونه يا ويله قلبي يا ويله ..

    أنا أفهم لغة العيـــــــون ولكن صرت مب قادر ..

    أنا أتمنى قبل لا يــــــروح يلمس دمعي منديله..

    أبيه يحس بإحساسي أبيه يقـــــــــول لي تامر ..

    أبي حضنه يدفيني خليل يــــــــــــــودع خليله ..

    وأقـــول بصوت به شهقه..فمان الله يا مسافر ..

    وأرجع م المطار وحـــدي يشلني الهم وأشيله ..

    شيصبرني أنا شهرين وهـــو بس توه مسافر ..

    عزاي إنه أخذ قلبي في وســـــط عيونه يشيله ..

    وأنا أصبحت في بعده وحيد وأكسر الخـــــاطر ..

    =============================

    (( زلزال ))

    بعـد مـا كنـت تهواهـا وحـبـك أقــوى مــن زلــزال

    كيف ترضـى علـى نفسـك يمـوت الحـب فـي عينـك
    غريبه كيف هـي صـارت فـي عينـك أشبـه بتمثـال

    أبد لا تحسب إنها هي يـا قاسـي لعبـه فـي يدينـك
    تراهـا مثـلـك إنسـانـه لـهـا تفكـيـر وعنـدهـا بــال

    وأنــا أحـلـف مشاعـرهـا تنـافـس عطـفـك وليـنـك
    واذا إنـك كنـت مـا تـدري تراهـا مـضـرب الأمـثـال

    جمـيـلـه والـجـمـال أخـــلاق فــكــر الله لا يـهـيـنـك
    لا تتمـادى وتتركهـا حـرام تعيـش عـلـى هالـحـال

    لا تهجـرهـا ولا تذلـهـا عـشــان العـصـمـه بيـديـنـك
    تـرى الله قـادر يـبـدل حيـاتـك مــن فــرح لأهــوال

    لا تنـسـى دعــوة المظـلـوم راجــع نـفـسـك وديـنــك
    لا تنسى إنها تحس مثلك ولا تنسى الحق بعد ينقال

    تـعــوذ بالله م الشـيـطـان تـــرى يـفــرق محـبـيـنـك
    تبـدل حبـهـا بقلـبـك وصــارت مــا تـسـاوي ريــال

    بعـد مـا كانـت الدنيـا فـي عينـك وأجـمـل سنيـنـك
    أبـــد لا تـغــرك الـدنـيـا تــــرى تـتـغـيـر الأحــــوال

    مثـل مــا تنـسـى أحبـابـك بتلـقـى الـكـل ناسيـنـك
    تـراه المصطفـى ذكـر واذا إنــك مــا سمعـتـه قــال

    إظـفـر بــس بــذات الـديـن وخـذهـا تـربــت يـديـنـك
    حرام تعيـش مستانـس وهـي تبكـي دمعهـا سـال

    تـبـي تحـيـا مـثـل أي بـنـت وإنـتـه الـحـل بيـديـنـك
    تـخـيـل لـــو تفـاجـأهـا تـبــدل غـيـبـتـك بــوصــال

    بتلقـاهـا مــن الفـرحـه نـسـت مـــا بيـنـهـا وبـيـنـك
    ويـرد الحـب يجمعـكـم كثـيـر أقــوى مــن الـزلـزال

    ويحيـا مـن بعـد مـا كـان مـيـت فــي وســط عيـنـك

    ====================

    (( صباح الخير ))

    صباح الخير ترددها علي كل يــــــــــــوم ولا تزهق
    تقول لي يا بعد عمري صباحك حـــــب صباحك خير
    وهي تحرك شفايفها فبحر حبها أنا أغــــــــــــــــرق
    أحس إنــــــــــــي بلواحظها بأناملها أنا شخص غير
    صباح الخير مختلفه اذا قالتها هـــــــــــــــــي تفرق
    كأنها تقول أنا أحبك كأنها تقـــــــــــــــول كلام كثير
    أنا أراقب شفايفها وخاصه يـــــــــــــــوم هي تنطق
    أحس إني أبحضنها اذا قالت صبــــــــــــــــاح الخير
    اذا إنها فيوم ما قالت صبــــــــــــاح الخير قلبي يدق
    أحس بشي ينقصني وأقـــــــــــول بقلبي لا ما يصير
    وأروح بشـــــــــــــــــوق أسبقها ولكن ليتني أسبق
    من تشوف الوله فيني تقول قبلي صبــــــــاح الخير
    قبل الشمس ما تشرق في وسـط عيوني هي تشرق
    أنا أشهد إنها شمسي تنـــــــــــــــــور عالمي وتنير
    أقول سبحـــــــــــــــــــان خالقها وربي قادر ويخلق
    أنا ما ألوم كل من غــــــــــــار لأنها بالفعل هي غير
    كثر معطيها من وقتي أحس من وقتـــي هي تسرق
    تبي أكثر تبي أكثر وهي تستاهـــــــــــــــــل التقدير
    واذا غابت عن عيـــــــــوني أحس إني بديت أعرق
    واذا غاب أي أحد ثاني بصراحه أقول وخير يا طير
    أنا لولاها ما أحيا أقـــــــــــــــول الصدق وهذا حق
    تربيني وتعلمني ومهما كبـــــــــــــرت توني صغير
    يا أحلى أم في الـــــــــدنيا وأنا مدري طلعت أعشق
    وإنتي عشقي الأول عسى دايم صباحـــــــــــك خير

    ==================

    (( طفلين ))

    أدري حبيبي كلهم منك يغــــــــــــارون
    تصغر بعين النـــــــــــاس وبعيني تكبر
    والله وغلاتك ما أحــــــــب لو يموتون
    إلا عيــــــــــونك وأعشقك حيل وأجهر
    خلهم حبيبي عنك اللـــــــــــي يقولون
    يكفي أشوفك في عيونـــــــــــي محدر
    بحبك بكيفي بذوقي وبجنــــــــــــــون
    بحبك إنته لو مزاجـــــــــــــــــي تعكر
    سر المحبه للأبد خله مدفــــــــــــــون
    لا لا تعلمهم حبيبي عــــــــــــــن السر
    خله في قلبك يا بعد عمري مكنــــــون
    مابيه ســـــــــــري ينكشف والا يظهر
    مدام أنا عاشق ومغرم ومفتــــــــــون
    أشـــــــــــــــوفك الدنيا بحلوها وبالمر
    إسمع وطنش ما أبيهم يأثــــــــــــرون
    على محبتنا تراهــــــــــــــــم أهل شر
    إنته يا غالي تسوى كل اللي في الكون
    وأنا أشهد إنك صـــــرت ع القلب تقدر
    يدرون أحبــــــك وأدري إنهم يغارون
    وعادي في عين النــاس نصغر ونكبر
    ============================

    ليش نزلتي عيونج ارفعيها وطالعيني=والا يعني انحرجتي يوم جاوبتي سؤالي
    ليش قلتيلي احبك ليش كنتي تخدعيني=ليش قلتي لي حبيبي ليش قلتي لي يا غالي
    كان ممكن ما احبج كان ممكن تتركيني=كان ممكن من البدايه تخدعي غيري بدالي
    ليش انا بالذات يعني ليش قولي جاوبيني=بعد غدرج خبريني وقولي بس شو اللي بقالي
    والله اني ما جرحتج ليش انتي تجرحيني=هنت على قلبج حسافه وانقضت اجمل ليالي
    القهر اني احبج وادري انج ما تبيني=والمحبه من طرف واحد نهايتها زوالي
    كان عمري في ايدينج قولي وش كان بايديني=اذكر انه من غلاتج كان قدرج فوق عالي
    كنت اتجاهل واطنش يوم نغزاتج تجيني=وكنت اقول الحب اكبر من تصرف لا مثالي
    ابغي من وقتج دقيقه وليت انج تمنحيني=بس ابا اقولج ثلاث اشياء واروح امشي في حالي
    اولا فعلا احبج وكنتي في قلبي وعيني=وكانت الدنيا بوجودج شي روعه شي خيالي
    ثانيا علي بدر مني دخيلج سامحيني=يمكن انه زل لساني وقلت انج راس مالي
    ثالثا اسالج بالله واطلبج لا تذكريني=احرقي كل القصايد وانسي اشواقي وصالي
    المهم اني ابا ابعد وانتي روحي واتركيني=ارجعي له ومثلي دور البريئه اللي تبالي
    في النهايه قبل لا انسى بقولج كلمتيني=كان هذا اللي تحبينه محمد ولد خالي============

    (( عشاقه ))

    دموعج ليش هماله على الخدين دفاقه =غريبه إش غير أحوالج من القسوه لين اللين
    بعد ما كنتي مغروره ودلوعه وخقاقه =صرتي اليوم حتى فلس عند الناس ما تسوين
    خسرتي الحرب ورديتي بدون بعير أو ناقه =لأنج واثقه كنتي على إنج لازم تفوزين
    وهلت دموعج الدمعه على الخدين حراقه =أخيرا هزج إحساسج أخيرا قمتي اتحسين
    في يوم كنتي مثل نجمه بعيد هناك براقه=إذا شافج أحد صدفه على طول انتي تبتسمين
    تذوقينه مذاق الحب مع انه مول ما ذاقه =ويقول الله ما يدري الغبي اذا زين والا شين
    سرقتي قلوب خلق الله إلين ما سموج سراقه =شريتي قلوبهم برخيص وبأرخص كنتي تبعين
    صدق من قال إنج بين كل هالناس عشاقه =بضحكه تملكين القلب واذا عفتي الهوا تبكين
    أشوف اليوم حنيتي أشوفج صرتي مشتاقه=بعد ما أنتي نسيتي الكل غريبه ليش تشتاقين ؟!
    ترا أحلام غنتها مصير الحي يتلاقها =كلام الشاعر المعروف الخوار لو تدرين
    وفعلا مهما طال البعد مصير الحي يتلاقى =ولكني أبي اعرف على مين انتي تستغبين
    صدق من قال هالدنيا ترد القلب لأشواقه =وردج وقتج ويابج رضيتي والا تنرضين
    ترا قالوها فالأمثال مصير القط خناقه =ومهما غرتج دنياج مصيرج لأهلج تردين
    ***************************

    (( على كيفك ))

    عـلـى كيـفـك وانــت حـــر حبـيـبـي قـلـبـي مـتـعـود
    هـــذاك اول قـلـبـي كـــان يـبـكـي فـرقــت احـبـابـه
    اذا بـتــروح تـفـضـل روح بـــس لا تـقـعــد تـمـهــد
    تـرى مـا فـي احـد يسـوى تهـل دمـوعـي باسبـابـه
    انا للحين ما تغيـرت ولا انـك صـرت خصمـي ونـد
    ولا انــي عـايـش بضيـقـه وضـعـي انـــت ادرايـــه
    ولـكـن قـلـت انــا لازم احــط لطيبـتـي شــوي حـــد
    عشـان الطيبـه مـا تنـفـع اذا انــت عـايـش بغـابـه
    تعبت اضحك واجامل نـاس يجازونـي بعدهـا بصـد
    صدق من قال عيش وشوف طباع النـاس تتشابـه
    انـــا مـــا اقـصــدك والله نصـيـحـه واعتـبـرهـا ود
    تــرى مــو كــل اســد يـضـحـك اذا شـفــت انـيـابـه
    ابــد لا تحـسـب الدنـيـا بتنـثـر فــوق دربــك شـهــد
    ولا تـظـن انــك كــل واحــد عشـانـك فـاتــح بـابــه
    معاويـه كـان قـبـل سنـيـن اذا شــدوا ابــد لا تـشـد
    ترى مـو بكـل واحـد يـوم يعصـب يمسـك اعصابـه
    انـــا غـلـطـان يــــوم اشــــوف الـدنـيــا كــــل ورد
    انـــا اغـرتـنـي الـــورده شكـلـهـا حييـيـيـل جـذابــه
    نسيت الشـوك فـي الـورده كثيـر وصعـب مـا ينعـد
    جرحني الشوك وانا قصدي ابهدي الورد لاصحابه
    انـا تعـودت علـى الصـدمـه وقلـبـي صــار متـعـود
    وحـتـى الـلـي قــرت كـفـي طـلـعـت وحـــده كـذابــه
    انـا قـررت مـا ابكـي علـى الفرقـى وخيـانـة عـهـد
    مادام الذيـب صـار خايـف يكـش عـن عينـه ذبابـه
    ================

    (( غمز لي ))

    غمزلـي وقالـي محـلـو يـاحـظ الـلـي يحبـونـك
    غريبه كيف ما يدري على أحساسي وحبي له
    يقولـي كاشـخ أشعنـدك بقلـبـي قـلـت لعيـونـك
    سرحـت بعيـد ونادانـي وانــا والله فـكـري لــه
    سألنـي منهـو محبوبـك وقالـي شفتـه بعيونـك
    فرحـت وقلتلـه أحلـف قـال أمـزح عـزتـي لــه
    حسـبـت أنــه درا عـنـي هقيـتـه قـالـي عـونـك
    طلع ما يدري شالموضوع وانا ألمح واناديله
    سألته قلت له بسألك من اللي عايـش بكونـك
    من اللي تحبه ويحبـك مـن اللـي تسهـره ليلـه
    بغيـتـه يقولـلـي انـتـه بغيـتـه يـقـول مجـنـونـك
    ولـكــن قـالـلـي مـحــد عـلــى نـيـاتـه يحلـيـلـه
    ضحكت ضحكت تعاسه وقلت ياحـظ مضنونـك
    وقالـي لا دخيلـك مانـي نـاقـص هــم وأشيـلـه
    قلتله شوف حولك يمكن تشوف اللي يحبونـك
    تلفـت قالـي مـحـد وانــا الـلـي قـاعـد أشكيـلـه ====================

    (( قصة الورده ))

    قال لي ماتت الوردة نسى إحســــــاسه اللي مات
    نسى حبي وحناني وقســوته وكيف كان يعاملني
    عطاني وردة حمرا الصبح وماتت بعدها بساعات
    وحتى بموتت الوردة أعـــــــــــــز الناس يعايرني
    أكيد بتموت هالـــــــــوردة تركتها بأحوج الأوقات
    نسيت إنه العطش يذبـــــح ذبحتها وجيت تذبحني
    جزاك الله يا خلي خير فــــرشت لي دربي بجمرات
    وأنا أمشي وأنا ســـــــــــاكت وأقول الله يصبرني
    غريبة كيف أنا أسامــــــــــح وإنته تزيد هالغلطات
    واذا أخطيت أنا بلا قصد أشـــــــوفك ما تسامحني
    غريبة كيف أسمـــــــــــــح لك تطالعني بهالنظرات
    واذا إني جيت أضحك لك أشــــــوفك إنت تحرجني
    تعبت أمشي أنــــــــــا بدربك ودربك ممتلي ثغرات
    وإنته تقـــــــــول لي إصبر وغصب عني تصبرني
    وكل ما قلت لك خلنا نريح تسرع الخطـــــــــــوات
    يا خلي قـــــــــــــول يعني ليش بهالقسوة تعاملني
    اذا حبي وسط قلبك ذبل فــــــــــــــي يوم والا مات
    أو إنك خــــــــــــذت ما تبغي وبعد هذا شبعت مني
    تكلم قــــــــــــــول لا تسكت وخلنا نجلب الصفحات
    وكل واحد يــــــــــروح بدرب بس لازم تصارحني
    أنـــــــــــــــا مابيك تحس بذنب أو تندم على مافات
    ولكني أبيك تقــــــــــــــــــــــول إنته شفيك ريحني
    أبسمع كل مافقلبك أبسمع لـــــــــــــو بعض كلمات
    وأنا متوقـــــــــــــــــع إنك لو حكيت لابد تصدمني
    واذا إنته تهمك الوردة تعال إسقيها لــــــو قطرات
    وصدقني بتتفتــــــــــــــــــــــح بتعجبك وبتعجبني
    واذا إنها ما تهمك لا تعيشها وســــــــــــط ظلمات
    بيديك إدفنها بالتربه عسى غيـــــــــــرك لها يحني
    ===================

    (( كش ملك ))

    كش ملك .. راحت عليك واكتشفت إنك جبان=والمحبه اللي تقول عنها ..حبيبي خلهـا لــك
    ماني من النوع الذي يرجي الوصال والحنان=إنت الذي تتمنى أصلا لو فؤادي يوصلــــــك
    قلت لك مليون مرة لا تعـــــاند يا فلان=وإنت قلبك ما سمعني يوم أنا قد قلت لـــــــك
    ذوقها مر النتيجه ما لك بقلبي مكـــــــــــان=إبتعد عني ولا تسأل لــــــــيه أو أسألـــــك
    كنت والله تاااج راسي كنت في أعلى مكان=وكنت أنا فيك أتباهى فوق راسي احملك
    وكنت تسكن وسط قلبي خذت به أحلى مكان=كان حبي وكان عشقي وكان عطفي يشملك
    يرحم زمان كنت أحبك يرحمه ذاك الزمان=يوم قلبي بين ايدينك يوم أقولك كله لك
    مدري كيف الحب ذاك الوقت وسط عيوني زان =روح وابعد ياأناني روح وبعدي الله لك
    حتى لو صدفه أشوفك ياأناني بأي مكان=مو بس أنا بتجاهلك بتجاهلك وأتجاهلك
    والله ماتستاهل الحب لا ولا حتى الحنان=غيرك انت صار عندي ليش بس مابدلك
    من زينك أحافظ عليك ياصاحبي فات الاوان=كل شي خذته هديه منك أنا رجعته لك
    انت عايش في تناقض والله مالك أي أمان= من يظن أنه يعرفك مايعرفك يجهلك
    ماتحب انت الا نفسك خنت من حبك وصان=أمس انا قلبك شريته هاك اخذه بعته لك
    بنسى كل ماصار وبرحل وببتعد عنك عشان = قلبي الغالي ترا يسواك ويسوى كل هلك
    وفي النهايه فزت انا وانت خسرت كل اللي كان=قلتها لك في البدايه وراح أعيدها كش ملك

    ================

    (( ليــه ))

    يقـول لـي لـيـه تكـتـم بـصـدرك الضـنـك
    فــــرج تــــرى الـدنـيــا عـلـيـنـا ثـقـيـلـه
    فــرج تــرى سـيـوف الدقـايـق بتطعـنـك
    محـد يشـيـل هـمـك تــرى انـتـه تشيـلـه
    خايـف مـن همومـي وبعـد اللـقـا عـنـك
    وخـايـف أبـيـن لـــك أمـــور مستحـيـلـه
    الله لـو تــدري حبيـبـي شــو بـقـى مـنـك
    حـلـو الـسـوالـف وذكـريـاتـي الجمـيـلـه
    مــن بـعـد مــا خليتـنـي صــرت مدمـنـك
    والـدمــع مـــن عـيـنـي تـزايــد همـيـلـه
    أواسـي نفسـي يمكـن أنسـاك وأضعنـك
    ألاقـــي قـلـبــي يــقــول مــالــي بـديـلــه
    لاتـظــن قـلـبـي فـــي زوايــــاه يـركـنــك
    والله حــبــك فــــوق راســــي أشـيــلــه
    بس انته وحدك في وسط روحي أسكنك
    ارجــع تـراهـا الـــروح بـعــدك علـيـلـه
    تـدري ان قلبـي صــار بيـتـك وموطـنـك
    تـدري انـه مالـي اس احـد اشتـكـي لــه
    هــذا جــزات الـلـي عـلـى قلـبـي أمـنـك
    تـرحــل وتـبـعـد انـتــه أهــلــه ودلـيـلــه
    بـدفــن فـــي قـلـبـي ذكـريـاتـك وبـدفـنـك
    يـالـلـي عـيـونــك نـاعـســات وكـحـيـلـه
    دونـتــك بـشـعـري واحـسـاسـي دونـــك
    جمـعـت أحاسيـسـي وهــذي الحصـيـلـه
    إن كنت تقوى البعد في الـروح مسكنـك
    وش ذنـــب خـــل اخـتــلا عـــن خـلـيـلـه
    وان جيـتـنـي والله بــالــروح لـحـضـنـك
    وأقــول هـــذا الـخــل مـــا فـيــه حـيـلـه*********************************

    (( كفايه ))

    كفاية صار لك شهرين غايـب عنـي يالغالـي
    كفاية يا أعـز النـاس تـرى والله مـا أقـدر
    دخيلـك لا تخيـب فيـك هقواتـي وآمـالـي
    واذنها عالصبر والله وغلاتك عندي راح أصبر
    أبتحمل عنـا فرقـاك وحالـي يرثـي لحالـي
    مع اني والله لين اليوم مدري ليش بـس تهجـر
    أبعرف شو السبب أرجوك وش اللي بس يجرالي
    اناشسويت يـا ربـي عشـان تثـور وتتفجـر
    انا اولله ما استاهـل أبـد كـل اللـي جرالـي

    أقل ما فيها بـس قلـي سبـب خـلاك تتغيـر
    أبعرف بس شالموضوع علامك صرت ما تبالي
    بذمت كل اهلك فيوم شفتني بشـي انـا مقصـر
    عطيتك قلبي وروحي وهبتـك حالـي ومالـي
    حملت احساس هالدنيا عطيته لـك وانـا افخـر
    عشقتك عشق لا قبله ولا بعـده انعشـق تالـي
    هويتك موت واتخيل اليـن المـوت واتصـور
    واذا جاني مسج منـك مخـزن رقمـك الغالـي
    ولا امسـح رسالاتـك اتـم اقراهـا وافـكـر
    واحلل كـل كلمـة بالمسـج الله يـا غربالـي
    واقول بخاطري معقوله حاسس فينـي ويشعـر
    وأرد أقـول لأ يمكـن تذكرنـي وهـو سالـي
    لأني توني مطرش مسج طـرش مسـج يشكـر
    وأرد أقـول لأ أدري يبينـي وحاسـس بحالـي
    وأرد أقول لأ ما اظن علـى بالـه انـا اخطـر
    الين انـي انـا تأكـدت قلبـه بالفعـل خالـي

    ولا غيري انـا فقلبـه يحبنـي مـوت ويقـدّر
    لأني مرة من المرات طرت فكرة علـى بالـي
    نويت أزعل بدون اسباب واشوفـه لـو بيتأثـر
    أبعرف قدري بقلبـه بيهمـه وضعـي الحالـي
    أو انـه رح يطنشنـي ولا يسـأل ويستفـسـر
    وفعلا دق ما جاوبت حـرق لـي والله جوالـي
    3000 مـرة دق وانـا مطنـش ولا معـبّـر
    كتبلي بالمسج اطلـع انـا عنـد بابـك الحالـي
    قسـم بالله مـا تطلـع لخربهـا انـا واحــدر
    ومشكلتـي أعرفـه زيـن يسويهـا ولا يبالـي
    نزلت وخاطره مكسور يقـول اشفيـك متغيـر
    وقلت له بس أبتأكـد اذا قـدري معـك عالـي
    ضحكلي وقال لي اتأكدت ودمعه دلـل المحجـر
    وطارت فيني الدنيـا لمكانـي صاحبـي جالـي
    تعذرلي وانا الغلطان واانـا اللـي لازم اتعـذر
    بعدها عشت انا احلى أيام فـي قربـه هنيالـي
    وصلنا لمرحلة ما نفترق عـن بعضنـا واكثـر
    بعدها فجأة خلانـي ولا يسـأل عـن احوالـي
    وانا في خاطـري أدري محـال فيـوم يتغيـر
    أدق له ما يجاوبنـي بديـت أشـك فـي حالـي
    أخاف انه حصلـه شـي اخافـه بـس متكـدر
    لعب في قلبـي الوسـاس خيالـه مـا تهيالـي
    حوالي1000 مسج طرشت حبيبي يا عسى ما شر
    ولا جاوب وانا قاعد على اعصابـي وغربالـي
    حبيبي صار له اسبوع فينـي حتـى مـا فكـر
    الين اني عرفت اشلـون أخلـي خلـي الغالـي
    يكلمني وجت فكرة بعد مـا مـت وانـا افكـر
    وفعلا اتصل فينـي وبـدت احزانـي واهوالـي
    وكانت صدمتي كبيـرة علـي الغالـي يتكـدر
    وكانت صدمتي كبيـرة علـي الغالـي يتغيـر
    سألته قلت له وش فيك مـا مـن شـر يالغالـي
    وش اللي صار بالدنيا علامـك ليـش متبعثـر
    او انك يعني ما تدري بدونك صرت انا لحالـي
    ولا لي خلق أي انسان كثر ما فيـك انـا افكـر
    جاوبني وقال ارجوك أبي هالدنيـا تصفـا لـي
    انا مليت من وضعـي وأشـوف الكـل متغيـر
    انا ضاقت بي الدنيا وابـي أبقـى انـا لحالـي
    خلاص اتركني لا تسأل وانا برجع عقب اشهـر
    وقلت له مو علي تكذب أعرفك تضعـف قبالـي
    تكلم قول شالموضوع بـدى قلبـي يـدق أكثـر
    سكت لحظة وقال أرجوك ابعـد عنـي يالغالـي
    وخلني أذكـرك بالخيـر وانـت مثلـي اتذكـر
    ولا تطرش مسج واحد ولاتدق لـي أبـد تالـي
    واذا لي خاطـر عنـدك لا تتكلـم أبـد سكـر
    قلت له والله ما سكر الين تقـول وتصفـا لـي
    قال لي والله ما اتكلم ولـو تبكـي دمـع أحمـر
    ولكن شوف ربعك وانت تعرف بس وش جالـي
    خلاص افهمها عالطاير لا تحرجني بعـد اكثـر
    وسكر والدمـع فينـي علـى الخديـن همالـي
    قسـم بالله مـا ادري علامـه قلبـه تحـجـر
    فؤادي انهار وانا حملـي يهـد جبـال وجبالـي
    في لحظة صارت الدنيا في عيني هالكبر واصغر
    حسافـة مـا توقعتـه يصـدق فينـي عذالـي
    حسافة ما هقيتـه يـوم يصـد عنـي ويتغيـر
    بعدها صار لي ما صار وربـي يعلـم بحالـي
    فؤادي باقي بس شوي واحسه من الجسم يظهـر
    بديت اعرق مدري ليش وخابـت كـل آمالـي
    انا توقعت كل النـاس ولا توقعـت هـو ينكـر
    وقلت بخاطري خلـه مصيـره يرجـع الغالـي
    أكيد انه سمع أي شـي وجـوّه صـار متعكـر
    ولكـن طـول غيابـه وزادت فينـي علالـي
    مرض قلبي تعب فكري واحسه جسمي متخـدر
    وقلت خلني اطرشله مسج وأشكـي لـه احوالـي
    وطرشت المسج وشوي دق لي ودون مـا افكـر
    هلا والله يا اغلـى النـاس هـلا والله بالغالـي
    ألو طارق ما قلـت لـك لا تذكرنـي أو أذكـر
    أبي بس أذكرك بالخير ياخي خلني فـي حالـي
    وقلت وخاطري مكسور انا اسـف ومـا كـرر
    قسـم بالله ليـن اليـوم حالـي يرثـي لحالـي
    قسم بالله لين اليوم ولا ادري ليـش هـو تغيـر
    قسم بالله ما غضـت عيونـي ولا هـدى بالـي
    قسم بالله مـا مـر يـوم إلا وفيـه انـا افكـر
    قسـم بالله قلـت بنسـاه بـس طيفـه يتهيالـي
    قسـم بالله لـو حالـوت انـا انسـاه اتـذكـر

    ======================

    الين اليوم انا عنـدي أمـل يرجـع ويصفالـي
    أقول الشوق بي رده علـى فرقـاي مـا يقـدر
    إلين اليوم و ضحكاتـه وبسماتـه علـى بالـي
    الين اليوم ما أرقد كثـر مـا فيـه انـا افكـر

    ====================
    أبعرف شو السبب ارجوك وشللي بس يجرالـي
    اناشسويت يـا ربـي عشـان تثـور وتتفجـر
    انا اولله ما استاهـل أبـد كـل اللـي جرالـي
    أقل ما فيها بـس قلـي سبـب خـلاك تتغيـر
    أبعرف بس شالموضوع علامك صرت ما تبالي
    بذمت كل اهلك فيوم شفتني بشـي انـا مقصـر
    انا رح انتظر ردك ولـو حتـى بمسـج خالـي
    واذا ما جاني منك رد وغلاتك عندي راح اصبر
    سنة سنتين اللـي يهـم أشوفـك ثانـي قبالـي
    3 سنين او أربع أبصبـر يعنـي راح أصبـر
    ولكن حكم احساسك وجاوب يا أغلى كل غالـي
    بذمـة والديـك يهـون تنسانـي ولا تـذكـر
    يهـون انـك تخلينـي ولا تسـأل ولا تبالـي
    يهون انك تنـام اللـي وتتركنـي انـا أسهـر
    كفاية صار لك شهرين غايـب عنـي يالغالـي
    كفاية يا أعـز النـاس تـرى والله مـا اقـدر
    دخيلـك لا تخيـب فيـك هقواتـي وآمـالـي
    واذنها عالصبر والله وغلاتك عندي راح أصبر

    ************************
    (( ما أبيهااا ))

    ما أبيها ما أبيها قلبي كيفه ما يبيها
    ما بموت أنا بلاها واللي فيها عاد فيها ..

    كيفي بنسى كيفي ببعد كيفي أخلف ولا اوعد
    دامها صارت عنيدة شلي يصبرني عليها ..

    هي تحسبني بأمرها وما أحب اي حد كثرها
    تحسبني ما أبالي واني ما أقدر عليها ..

    ماني مجبور إني اصبر ليش اتحمل أنا أكثر
    والله لو تقفل معايا لقلب الدنيا عليها ..
    واللي فيها عاد فيها ..
    ===============

    (( نظرة محمد ))

    لو ابكتب ايش ابكتب أي قصايد أي شعر=ما بقت فينا مشاعر ما بقى أصلا كلام
    الله يعلم كيف حال إحساسنا بعد الخبر=بعد أبونا الغالي قلنا بس على الدنيا السلام
    راح وأصبحنا يتامى آآآه يا ظلم القدر=والنسا صارن أرامل كلهن والله حراام
    والعجايز دمعها بلل محاجرها وحدر=والألم قطع قلوبن عاشت بحبك غرام
    الإمارات الحبيبة ودعت ذاك القمر=آه يا مصعب وداعه كنها طعنه سهام
    مابقى للنوم طاري ما بقاله أي أثر=حتى كل طفل بكى فرقاك عيا لا ينام
    المآذن والمساجد والشوارع والشجر=المباني والمواني ذاقوا إحساس الظلام
    البحر والطير والأنعام ناحوا والزهر=والنخل والعاديات كل شي حتى الغمام
    وين ذيك الضحكة اللي تأسر الدنيا أسر=وين ذاك الطيب ياللي صار للعالم وسام
    وين هالنظرة الحنونة تشرح أنفاس الصدر=وين هالهيبة إللي تمنع هاللباقة من الكلامة
    وين زايد وين أبونا وين راح أغلى البشر=إللي في عزه ربينا صرنا عاليين المقام
    إللي نومنا بأمان ولجل راحتنا سهر=إللي ضحى بكل عمره يبني أجيال وسلام
    راح يقابل ربه راضي مرضي أبوقت العصر=راح وصدمتنا كبيرة غمض عيونه ونام
    مات في العشر الأواخر ماات والدنيا سفر=من سفر وجهه ونوره صارت الدنيا ظلام
    راح ونفسه مطمئنه بعد ما أوفى النذر=بس عزانا يوم روح راح في شهر الصيام
    راح وهيبت موكبه هزت قلوبن تقشعر=عاش في الدنيا عظيم ومات وهو أسمى العظام
    والدليل النظرة اللي باقي شوي بس وتنفجر=نظرة محمد ياللي ودع بها خير الأنام
    نظرته كانت أليمة بكى من شاف ونظر=وحد أنظار العرب في نظرته مابه كلام
    نطلبك يا رب رحمه ونطلبك ربي الصبر=وندعي بالرحمة لزايد قد ما صلى وقام
    نشهدك ربي رضينا عنه فاكسبه الأجر=ربي وارضى عنه واجعل منزله دار السلام
    واجعل اللهم قبره دار صدقن مستقر=في جنان الخلد مع الأنبياء على الغمام
    واغفر اللهم ذنبه إنه صلى وشكر=واجعله من أهل اليمين من المكارم والكرام
    ما أتيت بمادحن أفعال قائد مزدهر=أو أرثي إنسان يركع له الإنجاز باحترام
    إللي دفعني شفت دمع أطفال يبكون بقهر=وإللي دفعني أمة تبكي شخص صحاها ونام
    البقى في راس شعبٍ كان له قولك امر=والبقى والله بخليفة وكل أخوانه الكرام
    الإمارات الحبيبة ودعت ذاك القمر=آه يا مصعب وداعه كنها طعنه سهام
    الله يعلم كيف حال إحساسنا بعد الخبر=ما بقت فينا مشاعر ما بقى اصلا كلام
    لو أبكتب ايش ابكتب اي قصايد اي شعر=بعد ابونا الغالي قلنا بس على الدنيا السلام

    ===============

    (( نعم مغرور ))

    نعم مغرور ويحقلي وعلى كيفي لو اتكبّــــــــــــر=أنا شاعر أنا فنان وسيم والكل يطالعـــــــــــــــني
    أبعرف ليش تنقهرين إذا أمشي وأتمخطــــــــــــر=مدام إني وانا أمشي عيون الناس تتبعــــــــــــــني
    لكل شاعر ترى اسلوب وانا ما بينهم الاخطـــــــر=وأصلاً اسأليهم مافي حد للحين ينافســـــــــــــــني
    رغم أنف الشعر شاعر وأدري صرت أنا الاشطر=والله صار هو عادي إذا انه فلان قلّـــــــــــــــدني
    انا بسم الله ما شا الله قصيدي من البـــــــحر أغزر=ولا قدّم ولا أخر إذا أي حد يمدحـــــــــــــــــــــني
    أنا ع المدح متعود وانا أستاهل الأكثــــــــــــــــــر=أنا نفسي وانا طارق أحب طارق ويذوبـــــــــــني
    أنا من روعة أشعاري ينادوني باسم عنتــــــــــــر=وكل ها الناس يتمنون لو توقيع بس مــــــــــــــني
    أنا كلي ثقة عميا ومن زود الثقة أغــــــــــــــــــتر=أنا الأفضل على الساحة ولا في حد يعارضــــني
    وعلى فكرة بقولج شي أنا مثقف ومتحضــــــــــر=وأرمس إنجليزي توب وفرنسي شوي ها يعـــني
    ترى كل شاعر اتمنى يكون طارق ولا يقــــــــدر=وأحمد شوقي لو عايش أظن انه بيحســــــــــدني
    واذا غنّالي أي مطرب ترى يتباهى بي ويفــــخر=وأي مطرب ترى يحلم ياخذ أي شعر مـــــــــني
    علامج ليش زعلانة كلامي حيل بــــــــج أثّر؟؟=يا زينج يوم تنتفخين شكلج والله يعجبــــــــــــني
    خلاص يعني كرهتيني صرت الحين متكبّــــــر=أنا أمزح يا بنت الناس وسمعي ها الحكي مــني
    أنا اتخيلت كل هذا وشفت أشياء بعد أكثــــــــــر=بعد ما قد عرفت إنه فؤادج موت عاشقـــــــــني
    وشفت الدنيا كلها ورد أصفر أزرق وأحمــــــر=ولا في حد في الدنيا أكثر منج ذوّبـــــــــــــــني
    أنا اتخيلت أنا الأفضل أنا الأخطر أنا الأشـــطر=لأني كبير في عينج وهذا الشي فرّحــــــــــــني
    وانا شعري ترى بالنسبة للباقيين متكسّــــــــــر=وأسوأهم بعد استاذ وهذا الشي يشرّفـــــــــــني
    أنا والله وشهادة حق كشاعر بينهم الاصغــــــر=وكلهم في نظر عيني كبار أكبر كثير مـــــــني
    أنا مجنون إذا فكّرت أحط راسي براس أنـــور=ترى مو بس يغلبني إلا يغلب ويهزمـــــــــــني
    أنا شاعر ع قد حالي ولا اقدم ولا اخّـــــــــــــر=وأحفظ للمشيري كثير لأنه صدق يعجبـــــــني
    وحتى المطربين اليوم أنا والله بهم أفخـــــــــر=وأصلاً دوم أتمنى من أشعاري حد يغـــنّي
    واذا قيّمت أنا نفسي بقول الصدق ولا أنـــــكر=أنا في آخر الطابور وكل الناس تسبقـــــــــني
    أنا في شي واحد بس يحقلي فيه لو أفخـــــــــر=وهذا الشي هو إنت يا شعري وذوقي وفـــــني

    ================
    (( موت الأماني ))

    شفتك و ردت لي روحي من بعد موت الأماني
    ما دريت الفرحة هذي هي بدايات الحزن
    شفتك و جيتك بسلم بس لمحت إنسان ثاني
    ماسك إيدنك و يضحك كان يضمك بالحض
    وقتها ما أدري بكيت الحظ و لا هو بكاني
    و كل ما ف الدنيا هذي من ألم فيني سكن
    تاهت الخطوة بدربي من قبل ما أمشي عصاني
    ما أدري دموعي بكني و لا بس لأجلك بكن
    اختلط فكري بظني كل ذا صار بثواني
    ما ادري ش أسوي يا ربي صرت حاير ممتحن
    ما أدري هل هذي الحقيقة صار غيري بمكاني
    و لا هذا اللي أشوفه ما هو بس ظن
    جيت أبا أتأكد و كلمة يا إلهي في لساني
    يا عسى تكذب ظنوني و تنتهي كل المحن
    و يوم أنا قربت منه توني بنظر ما مداني
    صوته الدافي عرفته بعده باقي ف الأذن
    أذكر أنه هو وعدني و أحسب انه اليوم جاني
    و أثري طيري يوم طلعت ريشته فضى الغصن
    ماشي روح أنته بطريقك بس تأكد يا أناني
    لو تلف الدنيا ما بتلقى لك وطن
    مثل ما اتسليت فيني و بغرامي و بحناني
    رح يجيلك يوم و تندم رح يجازيك الزمن
    وقتها لا تقول وينك تكفى رجعني لمكاني
    رح أقولك و بساطة إدفع جروحك ثمن
    ===================
    (( شاعر الفقارى ))

    أنا ماني بشاعر حب ولا شاعر العشاق
    وأنا وبكل فخر شاعر فقارى الناس واضعفهم
    أنا شايل على إيديني بقايه قلبي الخفاق
    وأشعر بالفخر والعز إذا أني جيت بوصفهم
    و أنا يشرفني إذا حبري يخط في صفحة الأوراق
    ويرسم للحزن فرحه ويعبر عن مشاعرهم
    أحس بيني وبين الناس عهد ووعود أو ميثاق
    وآخر شيء أفكر فيه أكسبهم أو أخسرهم
    ولكن دام هالدنيا دنيه وقتها سراق
    يشرفني ويسعدني أكون اليوم شاعرهم
    أنا شاعر لذاك إللي دموعه تملي الأحداق
    إللي همه في هدنيا عياله كيف يأكلهم
    وإللي يصبح وهو مهموم من اقدامه إلى الأعناق
    ولا يدري شيسوي أو كيف عشان عياله يسعدهم
    يبيهم مثل باقي الناس وظرفه للاسف بس عاق
    مكاليف الدراسه ماقدر في يوم يدفعهم
    أنا شاعر لذيك إللي تقدم للشغل أوراق
    تبي بس تشتغل أي شيء ولا في حد يساعدهم
    ولا تلقى شغل مسكينه غير تبيع خبز رقاق
    ولا تلقى أبد أي شخص ياخذ خبزها منهم
    وتضطر الفقيره ترضى للواقع وهي تنساق
    مردها تكون خدامه عند الناس وتخدمهم
    أنا شاعر لذاك إللي أنجبر قلبه على الفراق
    مع أنه مول ماوده هله وناسه يفارقهم
    ولكنها ظروف الوقت يفارقهم ولو ماطاق
    يسافر يشتغل يتعب عشان أهله يساعدهم
    وأنا شاعر لذيك إللي بكت من حرة الأشواق
    سرق منها الزمن فرحه ويتمها وشردهم
    وهي غير الله ماعندها لا اصحاب ولا رفاق
    يتاما ويذرفون دموع من اللي اليوم يمسحهم
    أنا شاعر لذاك إللي سرق ولكنه مب سراق
    ولكن حاجة الدنيا على السرقه تعودهم
    سرق محتاج لا أكثر بعد مامات وخلقه ضاق
    ولو مسكوه وصارحهم من إللي بس يصدقهم
    أنا شاعر لذيك اللي دمعها ع الوجن دفاق
    سكر هالزوج وطلقها وضاع اليوم وضيعهم
    أهلها زوجوها أياه محتاجين للانفاق
    لأنه تاجر ومعروف ظنوا هو بيقدرهم
    ولكنه طلع سكير ماوده يكون فواق
    تمادى وحيل لعوزهم .. تعبهم .. وضيعهم
    أنا شاعر لذاك إللي ماشاف فرحه وذاق
    كبر وتبروا عياله وغرتهم مشاغلهم
    خذتهم عنه الدنياا وكأنهم عايشين سباق
    صار أبسط طموحه بس ثواني بس يعانقهم
    أنا شاعر لكل مسجون أو منبوذ أو سواق
    أنا شاعر لكل محتاج أو مديون وبوصفهم
    أنا شاعر لكل مهموم ويشهد حبري والأوراق
    وأفرح حيل من قلبي إذا باشعاري أخدمهم
    أنا شعري لهم كلهم بدون اسعار أو أسواق
    وإذا أني قلت كلهم أكيد اقصد أنا كلهم
    أحس بيني وبين الناس عهد أو وعود أو ميثاق
    وعد مني إلى من قلت أشعاري اشرفهم
    أنا شايل على ايديني بقايا قلبي الخفاق
    وأشعر بالفخر والعز إذا أني جيت بصفهم
    وأرد واقول انا ماني شاعر حب أو عشاق
    أنا بكل فخر شاعر فقارى الناس واضعفهم
    ============

    يعني شاسوي لك عشان أنته ترجع
    بح صوتي من كثر ما قمت أناديلك تعال
    رد لي يا ابن الحلال

    ياخي مابي شيء منك
    كل همي بس أشوفك
    ياللي ذبحتني ظروفك
    لابو حبك لابو وعدك
    حس فيني لابو جدك
    والله أني في غيابك حالتي تصعب علي
    دنيتي بعدك خلت من كل شيء
    لا ورود ولا زهور .. لا شجون ولا شعور
    حتى أصحابي وربعي حسو بحزني ودمعي
    وأنته عندك من يسليك بغيابي
    وأنا ماعندي سوى همي وعذابي
    لي غدى قلبك يهودي .. ليه تتنسى عهودي
    حس فيني يا رقيق العاطفه .. المشاعر في غيابك خايفه
    قلي بس يعني شاسوي لك عشان أنته ترجع
    بح صوتي من كثر ماقمت أناديلك تعال
    رد لي يا أبن الحلال
    والله أني في غيابك أدعي أني سعيد
    بس أنا ماني سعيد
    همي كل ماله يزيد .. يا برودك يا عنيد
    ماشي لاترجع عشان أني أحبك
    رد وأكسب فيني بس ياخي أجر
    وعن غيابك ما أبي منك عذر
    إيه أبيك .. وأرخص الدنيا عشانك واشتريك
    وإللي يرحم والديك رد لي روحاً غدت منك وفيك
    عايشه بحبك على ذكرى تبيك

    قلي يعني شاسوي لك عشان تحس وترجع
    بح صوتي من كثر ماقمت أناديلك تعال
    رد لي يا أبن الحلال

    تعتقد أني بسهوله راح أتناسى الوداد
    يا جماد ,, أو تظن أبنسى لو تطول في البعاد

    مستحيل …. أنا اصلا في غيابك صار ليلي ماهو ليل
    والله اني ما أنام
    لجلك أسهر بس عشان اني أترجم لك أحاسيسي كلام

    يمكن أنك تسمعه صدفه ويوصلك الملام
    غيرك أنته لو سمع شعري يردد .. يا سلام ,, الله .. الله ,,
    يسلم احساسك ويسلم هالكلام .. كاتبه أنته خيال ولا تقصد به أحد

    يحرجوني بسؤال .. وأنا اسكت ما أرد ..
    وأنت فاهم زين ( وتدري كل أشعاري عليك )
    ياللي ماأبي حد في الدنيا كثر ما أنا أبيك

    علمني وشلون وأنا إللي لك صاحي أيام وايام
    شاغلني في بالي طيفك ولا يروح
    صاحي أنا ونايم ميروح ميروووح
    دنياك دنياي .. هو حد يسواك
    في القلب وياي وفي البال وياك
    يا الغالي وشلون تظن أبنساك
    كيف الهوى يهون والقلب يهواك
    تسهر عيوني تحلم بلقياك
    ليت إللي باقي من عمري وياك
    ماعشت عمري الحب ومعناه
    لوعه وحرمان .. ماودي أنساك

    قلي بس شاسوي لك عشان تحس وترجع
    بح صوتي من كثر ماقمت أناديلك تعال
    رد لي يا أبن الحلال

    بنتظر أنك تجيني لو عقب 100 سنه
    راح أعيش بذكرياتي لين ما أنته تعود
    يا أغلى من في هالوجود
    الصبر .. آه .. يا الصبر
    آه يذبحني الصبر .. أرحم أحساسي وقدر من متى بس أنتظر
    طول غيابك كثير وصار يشغلني السؤال
    ياترى في حد غيري مستعد يموت فيك ويرخص أهله و كل ناسه
    وبالعمر هو يفتديك …

    يا عديم الشوق بعدي فيك ما أثر
    لو أغيب العمر كل العمر أو أكثر
    دنيتي قربك هواك .. صار عنواني
    خذتني مني معاك .. وقلت لي أنساني
    كيف أنسى وأنت ساكن وسط وجداني
    مايجيك إللي يجيني لا عبر طيفك
    أرتبك ما أحس فيني ألقاي ناديتك
    اقترب مني تعال ردّ لي روحي
    شوف غرس الحب طال من سبب نوحي
    تاصل جذوره جدور الأرض بجروحي
    يسألوني الناس وينك وأحبس الدمعة
    ليه مبعد عنك و الأحباب مجتمعة
    إذبحوني بالسؤال هزوا ثبوتي
    صوتها هدّ الجبال صرخة سكوتي
    ابتسم مادر كان أهون على موتي

    قلي بس شاسوي لك عشان تحس وترجع
    بح صوتي من كثر ماقمت أناديلك تعال
    رد لي يا أبن الحلال

    شوفني ما أكسر الخاطر بدونك
    وإللي يسلم لي عيونك رد لي
    حيل محتاجك ابيك
    كل دقيقه وكل لحظه قلبي يتوله عليك
    فيني روح بلا جسد .. فيني قلب مايدق
    بسئلك وأبغي تجاوبني بصراحه
    يمكن أنك في جوابك تشفي قلبك من جراحه

    متخيل أنا راح اتحمل بعدك عني مهما طول
    وقلبك لما عني يرحل ينساني وانساه
    متخيل انسى أيامي حزني فرحتي وآلامي
    شوقي ضحكتي وأحلامي وكل إللي عشناه
    متخيل إني راح أقدر أصبر واتحمل أكثر
    حتى لو جروحي تكبر
    لا حبيبي لا
    وأنا ناطر حبيبي ترجع لي يا حبيبي
    وأنا ناطر حبيبي أنا ناطر
    مهما حاولت أداري لهفة روحي وناري
    مهما طال انتظاري أنا ناطر
    حرام تظلم أحبابك بغيابك وبعدك والله حرام
    يا حبيبي حرام يصير الحب في لحضة كلام
    الله ما يرضى يا ظالم
    لكن لا إنت أطيب وما يرضيك إني أتعب
    تبعد ولا تقرب ببقى ناطر
    يلا تعال لحناني لو تدري كم أعاني ما تخليني ثواني
    ما ظن هانت عليك تهدم حبنا بديك
    وقلبي ناطر حبيبه وأنا ناطر
    يلا حبيبي كفاية طالت هذي الحكاية
    أنا محتاجك معايه يا حبيبي

    قلي بس شاسوي لك عشان تحس وترجع
    بح صوتي من كثر ماقمت أناديلك تعال
    رد لي يا أبن الحلال

    دايم أجلس ويا نفسي وأنتظر أنك بأي لحظه تفاجأني وتجيني
    تحضن إللي مات بعدك وأنكوى بنيران بعدك
    تلعب بشعري تقول اشتقت لي
    تحلف براسي وتقول ان أنته لي
    وقتها اشعر طلع فيني جناح
    مدري لي ودي أطير
    وأنتهى كل إللي فيني من جراح
    وفيني أتحرر اسير

    تبتسم وتشوفني وتقول .. (( شخبارك حبيبي ))
    وأنا أرد بكل هدوء .. خلنى مني
    وطمني عليك .. ما أنام الليل من خوفي عليك
    أنته طيب ؟؟!! هذا هو إللي يهم ..
    أنته طيب ؟؟!! وغير هذا مايهم ..

    تقاطعني وتقول لي وشفيه صوتك ..
    وانا أرد .. وش فيه صوتي
    مافي صوتي اي شيء
    كنت سارح نامت عيوني شوي
    وكنت أحلم بي معك
    وأنته ساكت واسمعك
    مافي قلبك كان ساعتها سواي
    غير ذاك إللي قسم ودك معاي
    تشتكي لي من عناده
    تجرح جروحي زياده ..
    ماكفاك .. ماكفاك ..
    حتى في حلمي معنيني معاك
    لو بساعد كنت اساعدني أنا
    لو بيدي .. أنته محبوبي انا
    ماخذاك ,, ماخذاك
    بعد هذا ينتهي حلمي الجميل
    بعد هذا ينتهي حلمي الجميل

    كنت أحلم .. كنت سارح

    يا زمن وش فيك قاسي ليه جارح
    وترجع الآلام فيني من جديد
    رد لي الواقع وخلاني وحيد
    رد لي نفس السؤال إللي حيرني كثير

    قلي بس يعني شاسوي لك عشان تحس وترجع ؟؟

    والأجابه مدري وينك !!

    بح صوتي من كثر ماقمت أناديلك تعال

    رد لي يا أبن الحلال

    *****************************

    في الختام اتمنى ان تنال رضاكم ،،،

    موسوعه اشعار الشاعر الكبيـر ،، طارق المحياس ،،

    احترامي وودي ،،،

    اخـوكم
    يوسف ،،

    وعلى الخير نلتقي ،،

    [/justify][/center]

    9 أكتوبر، 2010 الساعة 7:38 ص #1460970
    المغربي
    مشارك

    يااااااااااااا

    اشكرك اخي يوسف ع المجهود الرائع والقيم

    ولايحرمنا ربي من طول غيابك

    وفقك الله ودمت بخير

    9 أكتوبر، 2010 الساعة 7:52 ص #1460976
    WARS CRIMINAL
    مشارك
    “ubbcode-header”>صاحب المشاركة : المغربي”ubbcode-body”>يااااااااااااا

    اشكرك اخي يوسف ع المجهود الرائع والقيم

    ولايحرمنا ربي من طول غيابك

    وفقك الله ودمت بخير

    المغـربي ،،

    نزلت اهلاً وحللت سهلاً

    هلا فيـك اخوي ،،، واشكرك على مرورك الأكثر من رائع ،، ولا عدمناك ،،

    اما بطاري لا يحرمنا ربي من طول غيابك

    فلو انا احول كنت فهمتها عكس بس اتمنى من الله ان اكون عند حسن ظنك وظن الجميع

    وكما اتمنى من الله ان الموضوع ينال اعجاب الجميع ورضاء الجميـع ،،

    لك مني فائق الاحترام والتقدير .

    وردي وودي

    اخـوك

    يوسف

    ووعلى الود نلتقــي ،،،

    11 أكتوبر، 2010 الساعة 8:38 ص #1461422
    جبل أحد
    مشارك

    أسجل حضوري المتأخر
    رافعا القبعة للشاعر الفّذ المحياس
    وباعثا أجمل باقات الورود لأخي يوسف على الأنتقاء الرااااااااااائع

    سلمت الأيادي ويعطيك ربي العافية وما أقول إلأ كلمة واحدة بس

    ساكو مارو دون فابو سيرا موفاتو كرول

    أتحفنا من هذه الدرر وأتمنى منك لو كتبت لنا موضوع عن الاشعار
    والكلمات المستخدمة في الفنون اليمنية

    أو المغربي الغالي يقوم بهذا

    لكم احترامي وتقديري

    14 أكتوبر، 2010 الساعة 5:06 ص #1462159
    WARS CRIMINAL
    مشارك
    “ubbcode-header”>صاحب المشاركة : جبل أحد”ubbcode-body”>أسجل حضوري المتأخر
    رافعا القبعة للشاعر الفّذ المحياس
    وباعثا أجمل باقات الورود لأخي يوسف على الأنتقاء الرااااااااااائع

    سلمت الأيادي ويعطيك ربي العافية وما أقول إلأ كلمة واحدة بس

    ساكو مارو دون فابو سيرا موفاتو كرول

    أتحفنا من هذه الدرر وأتمنى منك لو كتبت لنا موضوع عن الاشعار
    والكلمات المستخدمة في الفنون اليمنية

    أو المغربي الغالي يقوم بهذا

    لكم احترامي وتقديري

    جبــل احـد ،،،

    ســلأم مشـتاق لأنفـاس الكـلام ،،

    آنت ويـنك ،، ســلآآم ،، سلأم ،، سـلآآم ،

    آمــس ،كان الليـل حـألـك ليـه تجلس له لحالك ،،

    آنـا وينك وانت ويـن ما وحشـني الا عيـنـك ،
    والآ تـدري ،، ما وحشـني الأ حنيـنك ،،
    والا آسـف نظرتك رعشـت يدينك ،،

    سـلآآآم ،، ســلآآم ،،

    ليــة ،، تحتــأر المشـأعر تبـتدي من وين فيـك ،،

    في أبتساماتك وصوتك والآ لا طول سكـوتـك وآلأ لا جابو طوريـك ،،

    صـرت احيـآآ وامـــودك ،،

    قـول وادلل وآآمـر آيـة آمـر وش تبيـة ،،

    يــاللي يحيـيني حنيـنك ،، الله يـخليـك ويـنك ،،

    انـا مشتاق لسلامك ،،، وابتسـأمك ضي عيـني ،،

    خليــ في بحـرك غـرام ،، ضحكتي لك مـركـبي ،،

    دام ني اللي ابيه ودامك انت اللي ابيـة ،،

    ســلام ،،،

    هالكلمات مغناه من قبل الفنان صابر الرباعي واحببت اهديها لك ،،

    اخي جبـل آحـد ،،

    احـترت بما ارد وكيف آرد ،،

    احيــيك اخي الغالي جبل احد على مرورك الذهبي ،، واتمنى من الله ان اكون عند حسـن ظنك ، وتلبيتن لطلبك سأحول جمع ما سيوفقني به الله عز وجل من ابيات شعرية تراثيه في اقرب فرصـة ,,

    لك مني فائق الأحترام والتقدير ،،

    كـان هنـأ

    اخوكم

    يوسف ،،

    وعلى الخيـر نلتقي ،،
    ودي ووردي ،،

  • الكاتب
    المشاركات
مشاهدة 6 مشاركات - 1 إلى 6 (من مجموع 6)
  • يجب تسجيل الدخول للرد على هذا الموضوع.

يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافق إقرأ المزيد