اول حاجة دى اسئلة تحفيزية للتفكير بشكل احسن الاسئلة اللى هكتبها دى اكتبها فى ورقة وجاوب على نفسك فيها دى هتخليك تفكر بشكل احسن وايجابية اكتر
1 ايه الحاجة اللى فى حياتى دلوقتى مخلينى سعيد ؟؟؟؟؟؟؟ ولو مافيش ازاى اخلى حاجة تخلينى سعيد ؟؟؟؟وايه تاثير الحاجة دى عليا؟؟؟؟
2 ايه اللى انا بفخر بيه فى حياتى دلوقتى ؟؟؟؟؟؟؟؟
3 ايه اكتر حاجة مستمتع بيها فى حياتى دلوقتى ؟؟؟؟ولو مافيش ازاى القيها؟؟؟
4 ايه الحاجة اللى انا ملتزم بيها دلوقتى وايه اللى بيدفعنى للالتزام بيها ؟؟؟؟؟؟؟؟
5 من احب ؟؟؟؟ من يحبنى؟؟؟؟وما الصفات المفروض تكون فيا عشان اكون شخص محبوب ؟؟؟؟؟
6 ايه الحاجة اللى بتحسسنى بالحماس؟؟؟؟؟؟؟

بصوا يا جماعة ال6 اسئلة دول اجابتهم بتاكدلك ان فى حاجات حلوة فى حياتك وكل الاجابات هتكون معظمها اهداف وانت كل ما تقرا الكلام ده وتجاوب عقلك هيفكر ازاى يوصل للحاجات دى وان شاء الله تفكر بصورة احسن عشالن توصل لاهدافك

تانى تمرين بقا
يلا نتخلص من عيوبنا
حاجة سهلة خالص تجيب ورقة وتكتب كل حاجة مش عجباك فيك وبعد ما تعمل ليستة بالكلام ده
كتبت خلاص امسك الورقة وقطعها مليون حتة

التمرين الثالث
هات ورقة واكتب كل الحاجات اللى نفسك تبقى فيك بس تكون ايجابية وتكون بالصيغة التالية انا انسان محبوب انا انسان مجتهد انا انسان دكتور كل امانيك واهدافك والحاجات اللى عايزها اكتبها
كتبت وخلصت الكلام ده باحساس وكانه اتحقق وامسك اول جملة كتبتها واقراها عشر مرات بس باحساس وصدق وغمض عينك وتخيل ان الحاجة دى اتحققت وتخيل الموقف بالصوت والصورة وحس الاحساس اللى انت متخيل تحسه لما الحاجة دى تتحقق واعمل كده مع الباقى

التمارين دى يا جماعة مش شرط تتعمل مرة واحدة لا التمرين الاول اعمله كل ليلة قبل ما تنام وبرضه التالت عشان تدى نفسك دافع وتحاول تتغير بجد للاحسن
والتمرين التانى برضه اعمله كل ما تكون عايز تبطل حاجة معينة عادة وحشة او صفة وحشة اى سلبية فيك

يا جماعة محدش هياثر فيه الكلام ده لو هو من جواه مش عايز يتغير زى ما قالت الايه الكريمة لو مش مقتنع بالفكرة لا مليون تمرين هيجيب نتيجة لحد ما تكون بجد عايز تتغير