السلام عليكم ورحمة الله وبركاته ,,,

اهلا بيكم يا احلي اعضاء و احلي قسم (السياحه) لان القسم ده بجد مفيد و ممتع و اي حد بيقرا اي موضوع كأنه بيسافر فعلا و بيشوف اماكن لم يراها قبل كده ,,
اعرفكم اليوم علي منطقه سياحيه يمكن مش مشهورة اووي علشان كده اختارت انى اعرفكم عليها المنطقه دي هى رأس سدر..

موقع راس سدر:
اولا راس سدر مدينه تتبع محافظه جنوب سيناء(نفس المحافظه اللي بيتبع لها شرم الشيخ و الغردقه) و تقع علي خليج السويس يعنى ببساطه شديده اللي مسافر من القاهرة الي راس سدر حيسلك طريق مصر السويس الصحراوي و هنا تبدأ بدايه المتعه لان الطريق ده بجد رائع و نصيحه ممنوع النوم فى طريق السفر ده لان بجد حتفوته متعه غير طبيعيه نظرا لما يتمتع به الطريق من جبال بمختلف الوانها و رمال رائعه بجد تحفه فنيه انا مش بعرف اوصف اووي ايه رأيكم نشوف صورة لطريق السفر

بالنسبه لمدينه راس سدر اولا تصلح كمصيف و مشتى لان جوها خالي من الرطوبه تماما يعنى هناك وداعا للعرق حتى لو درجه الحراره 50 بس بجد الجو هناك رائع و برغم من ارتفاع درجه الحاره بس مفيش احساس باحراره نهائيا و خاصه خلال الصباح الباكر و من بعد المغرب و درجه حراره المياه رائعه جدا و متوسطه يعنى لا بارده و لا حاره سبحان الله
نيجى بقى لبحر رأس سدر اللي هو البحر الاحمر (اللي هو مختلف تماما عن البحر المتوسط) و طبعا ده بيؤكد عظمه الله سبحانه و تعالي ان كل بحر له اسماك مختلفه و اعشاب و كائنات بحريه مختلفه تماما و حتى الظواهر الطبيعيه كمان مختلفه فى البحرين , فى البحر الاحمر مثلا اللي هو بحر رأس سدر نقدر نتعرف علي ظاهرة طبيعيه رائعه و غريبه جدا و نتوقف عندها و نقول سبحان الله الا و هى ظاهرة المد و الجزر و دي ظاهرة باختصار شديد تابعه لحركه الشمس و القمر فبنلاقى الصبح من بعد الغروب البحر كله بيحصله جزر و تلاقى ان البحر رجع للخلف و اصبحت مساحه كبيره جدا منه عباره عن صخور و رمال الصبح تلاقى المياه رجعت تانى لمكانها و كأن الصخور دي مكنتش موجوده بليل و دي ظاهرة المد(طبعا اكيد لها شرح علمى ادق لكن انا بس بقول بصورة مبسطه)

عايزة اقولكم ان الرمل و الصخور دي كان فيها بحر عادي بس انحسر فى وقت الغروب و وقت الظهر احيانا و بعدين بيرجع تانى و هكذا بجد لازم تشوفوا بنفسكم سبحان الله ظاهرة رائعه

نيجى بقى نشوف بعض الاماكن و المناظر الرائعه اللي ممكن تشوفوها هناك:

طبعا شايفين ان المياه شكلها يجنن و مشجع علي السباحه و تتميز راس سدر ايضا بوجود المياه الكبريتيه اللي تساعد علي الشفاء من امراض كثيره و خاصه الامراض الروماتيزميه يعنى نقدر نقول انها مصيف و مشتى و مشفى كمان .

بالنسبه لاهم المعالم السياحيه الموجوده فى رأ س سدر:
1-عيون موسي

2- حمام فرعون و ده منبع المياه الكبريتيه اللي بتستخدم فى علاج الامراض الجلديه و الروماتيزم زي ما قلنا و بيقال ان ده المكان اللي غرق فيه فرعون امام سدنا موسي عليه السلام

3-منطقه رأس ملعب
وهي منطقة وسط الصحراء القاحلة يذهب إليها زوار رأس سدر للاستحمام في عين رأس سدر بها وسط الطبيعة البكر، والتي تبلغ درجة حرارة مياهها الكبريتية 200 درجة مئوية، وتندفع من باطن الأرض في حالة فوران، ويتصاعد منها بخار المياه المحمل برائحة الكبريت الذي لا تستطيع تحمله عن قرب.

و اترككم مع بعض الصور من المنتجعات و الفنادق هناك

[img]http://www.majalisna.com/gallery/134/134_212223_1279358027.jpg[/img]

ده كهف فرعون علي فكره

[img]http://www.majalisna.com/gallery/28/28_212223_1279358300.jpg[/img]

مكان تحفه خصوصا الساعه 5 الفجر لحد 10 الصبح جو رااااااااائع