- This topic has 24 رد, 4 مشاركون, and was last updated قبل 14 سنة، 9 أشهر by
.
-
المشاركات
-
أَنَاْ مُفتاحْ مَزْنُوقْ في البابْ
عايز بعدِ كده تْقولْ إيه
عايز أقول أنا لسَّه شباب
وده ماله باللي قبليهعايز أقول ان أنا مزنوق
من قبل ما شب عن الطوق
أو طوقي بيشب معايا
وكإنه في سبق ويايا
باجري وراه وبيجري ورايا
باجري كأني باجري في حلم
أو على آلة جري ف جيم
باجري في مكاني ما بكبرش
زمني متمسمر جنبي
وكأنه زمني ذنبي
وسلاحفه راكبة أرانبي
ماستعجلش ولا اتأخرش
رغم الرهبة ورغم الشوق
أنا مفتاح في الباب مزنوق
أنا مفتاح مزنوق في البابطيب طيب
عايز بعد كده تقول إيهعايز ألفت نظر الناس
عن معنى المفتاح في الباب
وعن الزنقة والترباس
لو قلنا الباب يعني تاريخ
تبقى الزنقة دي مظاهرات
والمفاتيح تلبس طلابوإذا غيرنا معنى الباب
وعملناه معرفة إلهية
يبقى المفتاح صفو النية
ويمكن ياخد صفة نبوية
والشك الزنقة المصيرية
والحيرة ف معنى الأبدية
نكتب عنها ألف كتاب
كلها متقسمة أبواب
مفاتيحها لأولي الألباب
ونهاتي ف خلافات فكرية
طايفة رضية وطايفة شقية
ترباسية ومفتاحية
بين المؤمن والنصابوإن غيرنا الصورة تماماً
وجعلنا للباب قضبان
تبقى الزنقة بني الإنسان
والمفتاح شعر وأغنية
بيمنونا بالحرية
كذبة لكن مش مؤذية
واش دراك يمكن مش كذبة
وتطلع صدق المرة الجايةوإذا قلنا القضبان رمزية
وحطينا وراها البشرية
وعومنا السجن على المية
تبقى الحسبة غير الحسبة
القضبان قضبان في سفينة
بتنجي الكون م الفيضان
موزونة يا سفينة نوح
موزونة بين ضحك ونوح
وأنا شيخ طائفة المجانين
مش لا ده علينا الموازين
هربانين م المية لكين
للمية احنا مشتاقين
بنحاول نفتح في الباب
وان غرقت مش فارقة معانا
دنيا نجاتها في طوف أخشاب
تبقى دنيا مش نافعانا
يا مولانا يا منجينا
ومعبينا في قلب سفينا
ما تعلمنا نعوم يا أخينا
كله يعوم مطرح ما هو عايز
نهرب م الواقع للجايز
كل زوجين مفتاح للدنيا
إمكانية لدنيا تانية
فيها الخاسر فيها الفايز
مفاتيح فكت من سلاسلها
وبتخلق أبواب منازلها
عومها يا سيدنا وادعيلها
يفتحها علينا الفتاح
وأنا في الباب مزنوق مفتاح
وأنا مفتاح مزنوق في البابطيب ما تنورنا كمان
عن زنقة ومفاتيح وبيبان
خلينا أكثر واقعية
خلي قصيدتك قمع عظيم
تنزل م الواسع للضيق
بدل البشرية ابقى تميم
قاعد ع القهوة بيتريق
قول للقارئ إنك باعته
عامل فيه مقلب يا لئيم
بتعلمه فن التنجيم
والمحروس لو مشي يتزحلق
انزل من سقف التعميم
لساعاتي بيبص ف ساعته
غاليه عليه الساعة بتاعته
في معزة ولده وجماعته
ساعة الحشر لابسها في إيده
ساعة الحشر لكن بتزيق
عايزة لها شوية تشحيمبرضك ما نتاش عارف تثبت
في مكانك من غير مجازات
إدي مجازاتك أجازات
خلي ساعاتك بس ساعات
وأبوابك أبواب عمارات
والنسوان مش رمز لحاجة
مخلوقات من جلي رجراجة
اللبناني اظرف م المصري
أصله بيمشي صريح متعري
زيه زي المعنى الشعري
مش كاسياه الإستعارات
انزل للجزئي من الكلي
بدل الدنيا أوصف في الجيزة
بدل العجز أوصف في عجيزة
افتح عينك بس وقللي
شايف إيه ف بلدك يا خواجة
واللي هايتفذلك كدابأنا مفتاح مزنوق في الباب
مش عارف أخرج ولا أخش
قاعد أبص على الأحباب
والصبح بيطلع في البيت
اللي بياكل فول بالزيت
واللي لسه هتاخد دش
واللي بيقرا في الفنجان
واللي بيشرب في الجرنان
واللي بينفخ نفخ بذمة
قاري كتب تبدو له مهمة
مضمونها انه عنده مهمة
يفضل ينفخ حتى القمة
لاجل يوسع أفق الأمة
زي البلالين الألوانيمكن أفق الأمة يفرقع
ويدوب جوه الأفق الأوسع
والدهر الماشي على أربع
يتكلم عربي بإتقانواللي بيتوضا ويصلي
بيدور في الأصل الأصلي
على عرق الدهب المتجلي
في الأربيسك وفي القرآن
فيلاقي سيراميك كيلوباترا
يزعم إنه هنا من فترة
ويقول له اتكلم فرعوني
بس لاتيني أو سكسوني
فيناديه الشيخ بسيوني
والشيخ فتح الباب التوني
وطنك ده فشر نابليوني
فرعونك ما نتاش محتاجه
في فرنسا متعاد إنتاجه
بالبشكير على وسطه وتاجه
شاحنينه بكتالوج وضمان
وإيديه خلف خلاف على صدره
بعلامة استفهام ومنشة
كل عواطف أمه وفكره
يبني عرش دهب على عشة
والعشة حيطانها خرزانفيه فرعون جنبه كركوب
اسمه السيد رفعت بيه
طالعة مراته بالمركوب
تجريه وراه مش عارف ليه
ده بقى يا سيدي فرعون بلدي
مش واخد كارت نابليون
ده فرعون متبهدل أبدي
ما لهوش غير اسم الفرعون
عرشه على القهوة مكفيه
أعدل بني آدم في الكون
لو كنت إله كنت اتبناه
وما كنتش أتبنى سواه
لا هايديني مال ولا جاه
بس كفاية النكتة عليهطيب غيرهم شايف إيه
شايف شرطي قبض على روحه
وحرامي بيسرق من نفسه
دولة رافعة علم على ميضا
بتلاتِّ ألوان كلها بيضا
ثم الميضا مالهاش جامع
واللي بيتكلم بيتهته
واللي بيسمع له مش سامع
وما فيش واحد جاي يتوضا
كله جي يبل شراب
يمسح بالمية اللكعاب
كله عايز يبقى خراب
واللي مش عايز، بالعافية
كلب تاريخ عض الجغرافيا
عملوا بلد في حدود العضة
وبقى لها حكومة ومعارضة
وعملات ورقية ومن فضة
وبلدنا مظاهرة منفضة
وصلاة جمعة ما هياش جامعة
وإمامنا مش حسن السمعة
أهي جمعة يا عم وتتقضى
ونصلي ونقيد الشمعة
مش أملاً والا رومانسية
لكن عادة ومش ها تضر
مستحلينا الزمن المر
ويعدي أدان بعد أدان
ثم يمر شريط متسارع
تتسابق فيه الأزمان
تدبل فيه الشقة تماماً
والناس تتحول أشباح
وتغطي العفش البياضات
ويغطي بياضاتها تراب
وأنا مفتاح مزنوق في البابنكد البشرية وأزمتها
مطرة نازلة بعزم ما فيها
وأنا وحدي واقف تحتيها
عامل شعري قمع عظيم
رافعه فوقي كما الشمسية
طبعاً مش بيحوش المية
بيركزها بس عليا
فأشيل أنا هم البشرية
وأترجمه في هموم تفاصيلي
في زعل البنت وضحكتها
في حر الدولة وزحمتها
مصر مجاز عن كرشة نفسي
وعن كرشة نفس الإنسان
تلاوتها وترتيلها الكنسي
ووساختها والدبان
لازم أسيبها عشان أغلبها
واكتب شعري بدون ما اكتبها
أهرب منها وأهربها
مصر مجاز عن كرشة نفسي
لما أوصف حال الدنيا
تشبيهاتي بتبقى طابور
تيجي مصر بكتف جلنف
ترمي كلامي هنا وهناك
وتقف في الأول بالعنف
مش هتخلي لي ولا حرف
كده مصر بستعمر لغتي
لازم أطردها من الصفأخرج م الجزئي للكلي
مصر مجاز عن كرشة نفسي
هاختم بيها آخر مرة
عشان اخرج م الجرة لبره
ميت مرة تسلمي يا جرة
وأنا ما سلمتش منك يوم
مصر يا قمع يا تحت المطرة
إزاي تحشي القمع غيوم
أنا مزنوق في الباب من فترة
مش مسموع تخبيطي وجرسي
مزنوق في تشبيهي مالمصري
مصر مجاز عن أزمة شعري
مصر مجاز عن كرشة نفسي
مصر مجاز عن خنقة جيلي
محتلة خيالي وتحليلي
وعايصة أفق الأمة هباب
وأنا مفتاح مزنوق في البابيا مصر المرة دي بجد
ومانيش هاترازل على حد
ولا أقول لما اطلع رجعني
أنا هنا هو لازمتي إيه يعني
مش عارف أساعد أخواتي
ولا همه قدروا يساعدوني
حتى شعري شعر ذواتي
أبياته بالفصحى يجوني
يعني أنا بغير أبياتي
وباحضر منظر رحلاتي
ومكانتي في الزمن الأتي
وضعي هنا وضع أبو الطيب
هو شتم لكن أنا طيب
قاعد ولا قوة ولا حوله
ومحاولة تودي لمحاولة
تاني اطردني يا أمن الدولة
إنت كسبت يا عم الجولة
إنت القفل تملي معاك
خلينا لك مصر هدية
بس ابقى ادعي ربي يعينك
مصر يا بيه ها تطلع عينك
أما الطرد فهايحررنا
وينضف منك أفكارنا
وانت انشا الله ها تعرف بكرة
إنه شرط الفتح الهجرة
وأنه مصر برغم كالونك
يا قفل الدولة وقانونك
مبنية بمليون شباك
ياللي سانن ضفر وناب
عرقك زي الزيت المغلي
خاف لا يجيلك هارت أتاك
في خيال الشعرا وفي لاظوغلي
يا متحصن في الأبواب
اسمع كلمة وفصل خطاب
من مفتاح مزنوق في البابإنت أقوى منا صحيح
وعملنا هايروح في الريح
بس الريح يا أبو مخ صفيح
راح تغزيك من غير مفاتيحياللي انت عينك مصايد للبشر والطير
إذا نطقت الصباح يصبح صباح الخير
أصل الصباح عملة نادرة متلاقيش منها
لا في بلادنا العزيزة ولا بلاد الغيركم من كرام بأشراك الهوى وقعوا
كأنهم ما رأوا حالي ولا سمعوا
يا ولعة في عالمٍ لا تنطفي ولعهعَاْيْزَ اسْتَقيلْ
عايز أستقيل من شرنقة ناسِجْهَاْ مِنْ بحر الطَّويلْ
من مُهر معصوبِ العينينْ
لكنه معصوم الخُطَى
أعْمَى يَبَرْجِسْ في النخيلْ
يملا عَبَاْيْةِ النَّخْلِ خيلْ
منظر جميلْ
وعشان كده بالذات أنا عَاْيْزَ اْسْتَقِيلْ
أناْ عاْيْزُه يرجع صفحةْ بيضاْ اْنْ حَدِّ قالْ لَيْ اْرْمِيهاْ في كيسِ الزبالة ماْ اْقُولشِ مِشْ قادِرْعَاْيْزَ أستقيل مِن دِرْعِ من ظِلِّ الحرير الطَّايرْ
النور يِعَدِّي منهاْ مِتْسَلِّلْ، مَاْ بالَكْ بالسهامْ
كانوا زمان بيشبِّهوها بالغَدِيرْ في الشَّمْسِ سَاْعْةِ العَصْرِ
لَجْلِ اللمْعَةْ فوقْ مُوجِ الحديدْ
درعي مِرَايَةْ تِتْرِسِمْ فُوْقْهَا وُشُوشِ اللي مِهَاْجْمِيْنِّي،
وِتِكْبَرْ لماَّ ييجوا مِن بعيدْ
درعي كلامْ، درعي نَشيدْ
برد وسلامْ،
ع المعتدي وعليّاْ أنا الحرِّ الشِّديدْ
عَاْيْزَ اْسْتَقِيلْ منها وَاْجِيْبْ لي درع عَادِيَّة بِلاسْتِيكْ،
مِنْ بِتُوعِ الأَمْنِ، فيها بُقَعْ،
وِبِتْرَيَّح صَاْحِبْها مِنْ دِمَاغُه،
إن قلتِ لُه مَرَّة صَباحِ الخير، يِقُولْ لَكْ لأَّهْ مِشْ فاكرْعَاْيْزَ اْسْتَقِيلْ من عسكرِيْ الناصْيَةْ اللي قالْ لي أَقَفْ، عَشَانْ سِيدُه يِعَدِّي مْنِ الطَّرِيقْ
أَنَاْ عَاْيْزُه يرجع شخصِ لابس بَدْلَةْ سُودا مَاْ لُهْشِ حَيْثِيَّةْ
وِمِشْ رَمْزِ المؤَامْرَةْ الليْ اْشْتَرَكْ فيها جَمِيعِِ الخلْق ضِدِّي بْشَكْلِ شَخْصِي، لما وِقْفُوا،
طَاعِةِ الناسْ تخلَقِ السلطان فِ قلبِ الجحش، وِتْخَلِّي الكريم مجرم وخارج عَ القانونْ
لازم أَقَفْ بالرغم مني وَاْبْقَىْ منهم، طاعةْ وَطَنِيَّة، وْقُبُول عَقْلانِيْ محسوبْ للجُنونْ
عَاْيْزَ اْسْتَقِيلْ عَلَشانْ أشوفِ العاديْ عادي، والوَطَنْ مش طِفْلِ سادي،
يِقْتِلَكْ بِغَبَاوْتُه لكن لما تيجِي عينُهْ في عينك كده تِلقَى عَبَطْ آسرْعَاْيْزَ اْسْتَقِيلْ مِنْ قِلِّةِ الفَهْمِ اللِّيْ بِتْصِيبْني بْسَذَاجَةْ
لماَّ بِنْتِ تْكُون يَاْ نَاسْ بِتْحِبِّني وِتْقُول ليْ لأَّه
وْلماَّ خمَسين بِنْتِ، أَوْ للدِّقَّةْ تِسْعَةْ وْأَرْبِعِينْ، مَاْ بِيْحِبُّونِيشْ وِيْقُولُوْا آهْ
عَاْيْزَ اْسْتَقِيلْ أَنَاْ مِنْ غَبَاوِةْ أُمَّهاتْ يجروا وَرَاياْ وْهُمَّه فاكْرينِ اْنُّهُمْ هَايْجَوِّزوني من بَنَاتْهُم
لَوْ بِعيد هايْقَرَّبونيْ
وْأُمَّهاتْ يِفْتِكرُواْ إِنيِّ بَكُون بِعيد لَوْ يِبْعِدوني
كلِّ واحد مِنَّاْ مسؤول عَن غَبَاهْ
عايز أستقيل اْنَاْ من بَنَاتْ ها يْحَمِّلونا جْميلْ عشان ليهم بِزَازْ
وكأنُّه جَاْيْزَةْ أَوِ اْمْتِيَازْ
ثُمَّ العجيبة إني لو صدَّقتهم، بيصدقوني
هيَّه لعبة زيِّ ألعابِ الأتاري،
غابة أو كوكب مداري
والفضائيين، جيوش هاجمين كده ف كُلِّ اتجاهْ
عَايْزَ ابْقَى منهم، زيُّهم،
أرضى بِسَيِّدْ قِشْطَةْ مَخْتُومْ له مُوافْقَة مِن عُمومِ الشَّعْبِ،
يِتْعَيِّنْ على رُتْبِةْ غَزَالْ نَافِرْعَاْيْزَ اْسْتَقِيلْ مِن تَقْوتي أو تِسْتَقِيلْ،
يا ربِّنا نِفسي أكون واحد من الكُفَّارْ
لإنُّه كْتَارْ
ده كُلُُِّ الشعب عبد مناةْ وعبد الدارْ
زِهِقْت أنادي ليل ونهارْ:
هُبل مش ربِّنا الأصْلي دَه رَبِّ هُزُؤْ
لأنُّه الأصليْ مفهومْ، منطقي، مِشْ رَافِضِ السَّبَبَيَّة، بِيقُول لَو تِذاكرْ يبقىْ تنجح
أمَّا رَبِّ الناسْ هِنا، فيقول لهم ذاكروا وِيِبْقَى رَبِّنا يْسَهِّلْ،
وِلَو صَلَّى الحرامي ربُّه يِسْتَحْمِلْ
ماعندوش حاجةْ مضمونة،
نِظام الدنيا عشوائي ومشْ مفهومْ
كإنُّه بْنُعْبُدِ الريح والغيومْ والبومْ
إله مجهولةْ نِيَّاتُه وَاْنَا رَبِّي إلهْ معلومْ
إله عالمْ
باقول لاْ إلهَ إلا الله
شفاعةْ يا رسول الله
أَجِرْني من أُمَيَّة وْمِن بني مخزومْ
أَنَا لْوَحْدِي بَنى هَاشِمْ
فِيْ راسِ الشِّعبِ مِتْحَاصِرْ
قبائل مؤمنين جداً
ولكن ربُّهم كافرْ
عَاْيْزَ أستقيل من غُربتي عنهم، وَعايِزْ أَبْقَىْ مِنْهُم
رُبَّما أَقْدَرْ أدحرج عن ضلوعيْ الصَّخْرَةْ يا ربي وإنتَ للذنوبْ غَافِرْعَاْيْزَ أستقيل مِنْ إِنُّه صندوقِ الزِّبالةْ
مَغَارَةْ فيهاْ جِنِّ طولِ الليل بتجري ورايا
أو إن السَّما مْرايةْ
لأهلِ الأرض
بس ناقِصْها تِتِسَنْفَرْ
ولَجْلِ يساع بَقيتِ العَفْشِ
لازمْ برضُه تِتَّاخِرْعَاْيْزَ اْسْتَقِيلْ من شكِّيْ في الدُّنيا، وإني، مهما تِتْبَدِّلْ، بادَوَّرْ عَ البدِيلْ
نفسي أستقيل من فِكْرِتي النَّظَرِيَّة عن إن التَّاْريخْ
قُطَّة فيْ كرتونة فْ سَفينِةْ نوحْ
ماكاْنشي بدَّها تْسافِرْ
فَبِتْعافِرْعاْيْزَ أسْتَقِيلْ من نَفسي يا عالم
وكل قصيدةْ بَاْكْتِبْها
مُحَاْوْلَة يائْسَةْ إنِّيْ اْرْجَعْ بني آدم
وِمِشْ شاعِرْوالله في شيء عبقري في اللي احنا فيه
في شيخ بينسى كل يوم مفتاحه جوا شقته ويطلع عمارة غير عمارته ويكسر الباب يضربوه البوابين
وآخر المتمة يرمي مفتاحه ويجيب نبوتوالله فيه شيء عبقري في المزبلة المتكررة في كل شارع زي إمضا البنك فوق البنكنوت
والله فيه شيء عبقري في منظر الستات
من غير حجاب قبل الجواز ومن الخطوبة محجبات
كموظفات مبنى المجمع فكرة واحدة وتنويعات
الوش فيه فائض ملامح نصها موجودة فيه والنص عايش في الشتات
تلقى صوابعهم بلح أصفر تخين منظر ولون القلاباتوالله في شيء عبقري في نسيم من الأسمنت شايل يافطة ضخمة عليها ختم الدولة بتقول ده نسيم
وان كان عاجبكو يا أهل مصر
وأهل مصر مسلَّمين
ما هولحكامنا لو مسلمناشِ حانسلم لمينوالله في شيء عبقري في شكل الشباب
فائض رجولة عفنت من قلة استعمالها
لا في الحرب لا في الحب لا في الجد لا في المسخرة
والقهوة ملجأ للحديث في الجنس والدين والسياسة
وكل واحد وش صاحبه يقول له لأ فيه لسه أتعس منك اطمن
جحا متحامي في بيته أبو المراياتوالله في شيء عبقري في جيش بيتجند له جيل ورا جيل
قادر يحارب كل حاجة إلا إسرائيل
منصورة يا بلدي على قبرص بإذن الله
ليه العساكر تبقى بس مراسلة ما تخلوا سلاح الدبابات برضه يجيب ويودي في المراسيل
وفي عرض ستة أكتوبر ابقوا حطوا ما بين كل دبابة ودبابة عدد مطبخ وطشت غسيلوالله في شيء عبقري في المدرسة
ثمانين ولد سردين علب قاعدين
لابسين ملابس لا على التعيين
وكإنه سجن وكل واحد جي له تعليمه مع التعيين
زايدين على حاجة البلد
أما اللي بالي بالك فمش زايدينوالله في شيء عبقري في المسخرة دى اللي اسمها بلدي
في إنتحار مصر الجماعي والبطيء
هانروح في داهية كلنا
وْدي العبقرية
خلِّيها لكو ألف مبروك ميت سنة يا ملوك
والله من قلبي بقول مبروك
بعض الجوايز تشبه العقوبات
والله في شي عبقري ف حرق الأراضي بنار كده جوه البيوت بتبات
سهتانة مالهاش صوت
والله في شيء عبقري
في العبد يفرس سيده
لما ببساطة يموتيا أيها المصلوب عشاني غلطت فيك
من غير ما يبقى فيه حجر على صدري
أو يطلع علينا الصبح بدري
أو يقوم يدن ثلاث مرات في عز الضلمة ديك
من غيرما يعلن حلف روما واليهود عن جايزة كبرى للي يرشدهم عليك
أنا لما شفتك مت لجل ان احنا نحيا
غلطت فيكأحنا هنحيا يا وديع من غير ما تفدينا
وموتك مش هايعمل حاجة غير انه يبكينا
سنين وسنين ونرجع زي ما كنا
بمحاسنا ومساوينا
بموتك بس هانعيد الصياغة من الهياكل للكنايس
بس رح تبقى المدينة
هيه خاطية وبترمي الحجارة عالخواطي
عندها الرب احتياطي
والقلق فيها تمام زي السكينة
بس أنا بقى خسرت صاحب
أحلى منهم كلهم
وبراءته دي هيه اللي خلليتني أحبه
واكرهه لما يقرر يفتدينا
غلطنا فيك لما طلعت على الصليب
واللا انت لما سبتنا على الأرض تبقى غلطت فيناأيها المصلوب عشاني غلطت فيك
من غير ما يبقى فيه حجر فوق صدري
أو يطلع علينا الصبح بدري
أو يقوم يدن ثلاث مرات في عز الضلمة ديك
من غيرما يعلن حلف روما واليهود عن جايزة كبرى للي يرشدهم عليك
أنا لما شفتك مت لجل ان احنا نحيا
غلطت فيكيا قصيدةْ اْرمي حبالك وانشليني
يا حمامةْ بيضاْ فوق جناْحاتْها عالجنبينْ هلالَ اْحمرْ
وشايله حبال تِلِفّ الكوكب البشري كإنه خُضار من البلكونة بتشِدُّه
وبياع الخضار ماسك ف إيده صَكَّ واهْبَة فيه حياتها ليهْ
تمن للأرض والخلق اللي فيها
تْشِدِّ في سَبَتِ الخضار ويشدِّ فيهْ
إرميه
بدال ما يشدَّكِ البياع لِعَنْدُه
كبَّري مخك سيبيهْ
واوعي، تسيبيني
يا قصيدة ارمي حبالك وانشليني
وانشليني زي نَشَّال المواصلة الزحمة،
بالكلمة أو البسمة،
ولاغي الدنيا والهيها
وسهيها
وخديني من جيوبها الورانية الضيقة الضلمة
وحطيني ف إيديك واجري في أول محطة
وطيري بيا في الشوارع
واضحكي لما الأمم تلهث وراكي
بس خليني معاكي
واحفظيني
يا قصيدة ارمي حبالك وانشليني
وانشليني من بحور مش هايجة خالص،
من بحور أسمنت أو من جَوَّ مِتْحَنَّطْ،
مَاكِتَّ نْجُومُه مِتْفَنَّطْ
كما الدومينو وزهر الطاولة،
غرقان، مش بقى في شبر مية زي ما بيقولوا، إنما غرقان في تفل الشاي
في نقطة مية نازلة من مكيف في قفا موظف بكرش أصلع بيحمد ربنا برضه
فِ دمعة عينيْ من ثلاثين سنة فْ عيني،
بقى وصولها لخدي معضلة عايزالها تسعين دولة ومعونة ومجلس أمن،
غرقانْ يا قصيدة في سكوتي وفي كلامي،
في حروبي مع زُرار كُمِّي
وسلامي عللي نفسي يموت ببطء قوي أمامي
مال ميزاني يا قصيدة فاوزنيني
يا قصيدة ارمي حبالك وانشليني
وانشليني، هاقلب التاريخ كإنه ساعة رملية وأصيح:
شيلي هلالكْ واتبعيني
أصلُه في الأيام ديْ باتوا بيصلبوا الناس عَ الأهلة،
تكنولوجيا!
والبني آدم كمان بَقَىْ جسمه ممكن يِتْعِوِجْ أسهل كإنه جنين،
إذا ثَبِّتُّه يبقى هْلال،
وأنا يا قصيدة راضي إنيْ أموت على هْلالِكْ
على القفلة في موَّالِكْ
على بسمِةْ مُجامْلَة لو سألت ازَّيَّ أحوالِكْ
وأرضيْ أموت، بلا قافية، عشان العيشة زي الخمسة صاغ
شغلتها بس ترخص الهرم اللي منقوش فوقها،
يا صرَّاف يا متحنتف باقول لك إيه بقى، ماتخليهالك، مش عايزها،
ويا قصيدة لولا إني مِسْتَعَرَّ من الحياةْ كنتَ ادِّيْهالِكْ
والنَّبي شيلي هلالك واتبعيني
أو تكوني انتي هلالي واتبعِكْ
يا عاليةْ جداً في السما وبتغمزيلي أَوَقَّعِكْ
تعبان أنا المرَّة ديْ وحياتِكْ يا غالْية وقَّعيني
يا قصيدة وارفعيني أرفَعِكْ
راضي أموت لكن مَعِكْ
وان كنت يا عالية بَاخَرَّف في الكلامْ، صبرِكْ عَلَيَّا واسْمَعِيني
يا قصيدة اسْتَحمِليني
يا قصيدة ارمي حبالك وانشليني
واذكري مرَّة جَمَايْلي يا قصيدة
ولما أموت،
هاتي قَدُوم سِنُّه رقيق، وبحق ما كَتَبْتِكْ بذمَّة
ابقي سَمِّي يا قصيدة واكتبيني…
ترى كل ما لا تستطيع احتماله
إذا ما بدت من جانب الدرب دورها
وما كل نفس حين تلقى حبيبها
تسر ولا كل الغياب يضيرها
فإن سرها قبل الفراق لقاؤه
فليس بمأمون عليها سرورها
متى تبصرِ القدس العتيقة مرة
فسوف تراها العين حيث تديرهاهذا من اجمل ما قال …
شكرا لهذه المجموعه يا شهلا
تسلمى شهلاء ع مجموعة الرائعة لشاعر تميم البرغوثى
مجهود رائع منكِ غاليتى
دائمااا الى الاماااااااام
تقبلى مرورى
بسم الله الرحمن الرحيم
تسلمي اختي شهلا على لجهود المبذولة وعلى لمجموعة لقيمة سلمة يداكي اختيار موفق وطرح اروع تقبلي مرور اختك من الجزائر .
فتاة من صحــــــــراء الجــــــــزائـــــــــر .- يجب تسجيل الدخول للرد على هذا الموضوع.
