ياحبيبة قلبي يايمه انا

ايه ابوس تراب رجلك وافتخر
……………………………
ما أغلاك يا أم وما أعظمك في عيني
كل يوم أنت عيدي السعيد
………………
تشكر أخي على هذه المشاعر الفياضة للام
تقبل مروري

كلمات جميلة ياليتنا جميعا نستطيع نعبر مثلك عن عواطفنا

نحو امهاتنا

يا يمه احترت بعيدج وش اهديج
فداج عمري وبوسه اطبعها بجبينج
امريني يا يمه الروح كلها تفديج
حياتي ودنيتي ودي احطها بايدينج
وان زعلت اجي بنفسي واراضيج
كيف لا والجنه بكبرها تحت رجلينج

اي والله احبج يا يمه واموت فيج
وبتراب أقدامج اشم ريحة الجنه
اشيلج بعيني واصيح الله يخليج
ضناج جه يطلبج بس ترضين عنه
دعيت الله من طول العمر يعطيج
ولو كان من عمري باعطيج منه

احبج يا يمه وهمي بالدنيا رضاج
يا اغلى من عرفت بعمري وحياتي
دعيت الله بالفردوس يجمعني معاج
ويبقى حبج يا يمه دوم يسكن بذاتي
كل حب هالعالم ابد ما يسوى غلاج
وبيظل فضلج برقبتي حتى وفاتي

سموج المحبه ونادوج نبع الحنان
ياللي ملكتي الوفا بايدينج يا يمه
انتي كل دنيتي وبقلبي اعز انسان
وحضنج خاطري كل عمري المه
تدرين شنو اللي تمنيته بهالزمان؟
اشيل تراب رجلينج بيديني واشمه

يا عسى عيدج علينا يا يمه يعود
يا قلبا من وفا يا أصل كل الوداد
مهما وصفت مهما قلت فيج زود
ابقى بحقج مقصر جدام رب العباد
لولاج يا يمه ما كان لي بالدنيا وجود
وشلون انساج يا يمه باحلى الاعياد

كل سنة وانتى طيبة يا ست الحبايب وكل ام في المنتدى وكل امهات العالم