السلام عليكم ورحمة الله وبركاته
أقدم لكم هذه القصيدة :

فمرة كنت أنا خارج .. من امحاضرتي متملل
… … … … … … وسرت التربية قاصد .. أفرج هم أحزاني

ضغطت اللفت لكنه .. تباطى بجيّته وطوّل
… … … … …وانا واقف على بابه .. وبنت ٍ جذبت أعياني

نظرت وشفتها تمشي .. وفكري قام يتخيل
… … … … قمر أو شمس أو هذا .. ملك هابط م لجناني

جمال الناس لو يجمع .. ترى هي عنهم أجمل
… … … …… … ومن ينظر لطلعتها .. محال يقول انساني

عليها أوصاف من يوسف .. ومشية طفل ٍ مدلل
… … …. … وروعة وذوق وأخلاق ٍ .. وحسن ٍ صدق رباني

وفيها سحر ٍ محلل .. وطرف ٍ ناعس مكحل
… … …… … وخدٍ من الذهب أجمل .. وعود ٍ مايس ٍ لاني

على طرف الكعب تمشي .. وأنا أنظر وأتأمل
… … … … مشت من قربي وصدت .. عليّ بطرف لعياني

بقت تنظر وأنا أنظر .. ولدري وش بجسمي حل
… … … رعش قلبي . وقف نبضي .. يبس دمي بشرياني

يا ربعي كيف بوصفها .. مدام النظرة اتخبل
… … … … … عليم الله لو ابتسمت .. بترميني ع لكفاني

هبط لي اللفت من أعلى .. وسارت له بلا اتمهل
… .. … … … وسبقتني على بابه .. ودخلت فيه سرعاني

وتم اللفت فاتح لي .. ويوم إني بغيت أدخل
… .. … .. … … صدمت بحاجز أبوابه .. ونور البنت أعماني

قفت عني وخلتني .. ولا قالت لي اتفضل
… …. … مشت ب ( اللفت) للأعلى .. وتبغي الطابق الثاني

غريبة كيف هي صعدت .. وأنا إللي واصل الأول
… … … … … … أنا بالحق من يصعد .. ولكن كان ما كاني

ضغطت اللفت وأترجى .. متى من طلعته ينزل
… … …. .. … … أتاري اللفت كم مرة .. نزل ثما طلع ثاني

وانا واقف على بابه .. شريد الفكر متذهل
… … … … رآني كل من يمشي .. وقال اش فيك سرحاني

ينادوني الربع باسمي .. ولا أدري إن كنت أنا فيصل
… … ….. … نسيت العالم وما فيه .. نسيت اسمي وعنواني

يا ربعي لا تلوموني .. ضعيف القلب متحمل
… … …. … أحس بشي في صدري .. لبسني ملبس الجاني

حرام إني عجزت أنطق .. عجزت أمشي عجزت أسأل
… …. … … … مسكني صاحبي بيده .. وباب البيت وداني

وأنا مالي بأمور الحب .. ولا أدري فيه كيف أعمل
… … … … … نشأت وعشت أيامي .. على مسجد وقرآني

ولكني أحس اليوم .. بأن شعوري اتبدل
… … … .. … … تغير طبعي الأول .. ولدري شالذي جاني

بديت أعشق . بديت أهوى .. بديت آحب وأتغزل
… .. … … غريبة عفت أنا ادروبي .. وتبعت ادروب شيطاني

أكيد الحب داهمني .. سطى جيشه عليّ واحتل
… … … … وأنا ادري علتي هذي .. سببها نظرة أعياني