- This topic has 5 ردود, 5 مشاركون, and was last updated قبل 21 سنة، 9 أشهر by
.
-
المشاركات
-
السلام والرحمه
فكرة الموضوع مقتبسه من أحد المواقع
بس الكلام الي بكتبه ألحين كلامي أنا ..لكل منا رجل كان أو إمرأه ذكريات في المطبخ سواء كانت في بداية دخولنا لهذا العالم الرائع
أو حتى بعد سنوات الخبره
وهي أكيد ذكريات مضحكه .. محرجه ..
يعني فشل طبخه أو حرق أو إختراع طبخه من طبخه فاشله أو ….في هذه الصفحه ياليت لو نكتب عن ذكرياتاتنا في عالم المطبخ
ياليت تعجبكم الفكره
وكما عودتكم البدايه دائما أتركها لغيري
ما أدري ليش ؟فكرة خفيفة وعسّولة ….شكراً يا شيم….
أنا سأبدأ….
مع العلم المسبق إنني أجيد أنواع عديدة من الأكل من مختلف البلدان…
إلا أنها كانت..وإلى وقت قريب..مشكلتي..ومأساتي..في عمل طبق سهل…
أتدرون ما هو..؟؟
إنه..البيض المسلوق
نعم..فكل الأكل أستطيع أن أراه..وأختبر نضجه..إلا هذا…
إلى أن سمعت نصيحة غالية ..بمدة السلق…وبيني وبينكم…للحين أخاف
أما في باقي الطبخات فـــ…
…تعالوا جربوا…واحكموا 
…أحب أن أسمع تجارب أخرى…ماذا عنكِ أنتِ يا شيم..؟؟
_____________________________________________________________
مرحبا شيم سأشارك فى موضوعك الحلو والمخجل فى نفس الوقت ..
بصراحه من أربع سنوات لم تكن لدى اى درايه بالطبخ
ولكن الان ما شاء الله خاصة الاطباق الخليجيه 
على العموم أخبركم عن قصتى مع النخى وبالعمانى ( الدنجو ) . يعنى الحمص
بس رجاء لا أحد يضحك كثير عن تجيه تخمه
المهم حبيت انى أطبخه وبصراحه يمكن ما أحد يصدق اذا خبرتكم ان طبخ الدنجو فقط مع الماء
أستمر عندى من الساعه
التاسعة صباحا الى الساعه الواحده صباحا وأنا أطبخ فيه .وبعده ما نضج
وبعدها فى اليوم التالى أتصلت باأمى 
وسألتها عن طبخه وقالت للازم ننقعه فى الماء 
مدة يوم كامله
وبعدها نطبخه وجلست بعدها أضحك 
على نفس وايضا على الوقت اللى ضاع والغاز 
اللى راح لانه ذاك الوقت خلص الغاز على وهى ورطه
ياربى كيف أصعب شى فى الحياة الطبخ ومنها أصبحت أسال كل صغيره وكبيره عن المطبخ .
مرحبا شيم …
هو فعلا موضوع مخجل كما قالت اختي الغزالة…. ولكل منا تجارب وذكريات جميلة ومضحكة في نفس الوقت في المطبخ …
اما عن نفسي …
فبدأت اطبخ وانا في ايام الإجازة المدرسية وكنت لا اعرف شئ غير اني كنت ارى امي كيف تطبخ فقط ودائما كانت تصرخ علي لأني كنت كثيرة السؤال ما هذا ولماذا نضع هذا الى ان جاء يوم ان اطبخ فيه … لأنه امي كانت تعمل واخوتي كل واحدة في بيتها … والخادمة باجازة … وكان ما عندهم حل غير كبش العيد … انا جهزت مقادير الطبخة الي بسويها وهي ( المجبوس ) قطعت الدجاج ووضعت المكونات كلها وبقى الرز وانا فرحانة باني اطبخ ….. تعرفون الأكلة شنو طلعت هريسة لين …. لا رز ولا حاجة ومليان ملح كأنه ماء بحر .. والكل جلس يصرخ علي محد اكلها … جلست ابكي ابكي … 
ولكن الآن اختلف الوضع احب ان اطبخ واجرب اكلات من عندي 
والملح .. مشكلتي الكبيرة في الحياة …. اختي الغالية شيم…………..
إن جيتي للصدق ..ذكرياتي في المطبخ كثيرة وظريفة..لكن اذكر اول موقف صار لي وانا في بداياتي مع المطبخ….
كنت في الابتدائي وكانت ايام رمضان..ومثل ما تعرفوا انه المطبخ يكون شوية زحمة في رمضان سواء بالاطباق او بالاشخاص.. فمرة قلت لهم اني بسوي لهم طبق اللقيمات ( لقيمات القاضي)..الناس اللي في البيت فرحانين بياكلوا طبق من صنع ايدني… وبدأت بوضع كرات القيمات في الزيت..وماهي الالحظات وتحولت كرات اللقيمات الى مفرقعات
.. وعينك ما تشوف الا النور صارت اللقيمات قذائف تصيب كل من في المطبخ وتنفجر وهي تحمل الزيت الحار 
..يعني منظر ولا في الافلام الكل يتسابق الى الباب لكي ينجو بجلده….. والنتيجة كانت عبارة عن حروق خفيفة لا فراد العائلة… انا المسكينة اللي طاحت فيني حروق من الدرجة الثانية على القدم واليدين 
..ومنها وعنها قلت توبه .. لا لقيمات بعد اليوم
بس اللي قاهرني لحد الحين شو اللي خلى القيمات تنفجر
في البدايه أشكر كل من تجاوب مع هالموضوع
وبصراحه سوالفكم مره حلوهوألحين عاد جاء دوري
طبعا لي ذكريات في المطبخ بلاوي واليوم راح أذكر لكم وحده منهمالسالفة صارت لي في رمضان عاد وإنتم عارفين ويش يعني رمضان يعني صيام وقبل المغرب بساعه الواحد يحس إنه وده ياكل الدنيا ومافيها
ماأدري كنت جالسه بأمان الله وحسيت ودي أطل على المطبخ أشوف ويش ناويين يفطروننا اليوم والحمدلله لقيت مالذ وطاب بس ما اقتنعت حسيت أبي أضيف فقلت عاد ويش بسوي يلله خليني أسوي هريس !!
هريس عاد قبل الأذان بساعه !!
المهم جهزت المقادير وبديت أطبخ وعاد أكيد الكل عارف مافيه أسهل من الهريس بس المشكله إنه محتاج وقت على النار أنا قبل الأذان بدقايق جبت الخلاط وهرسته علشان أبيه يجهز بسرعه يعني جلس في النار تقريبا 45 دقيقه بس وحطيته في الفطور طبعا والكل يمدح اليوم الكسوله دخلت المطبخ ولا بعد مسويه هريس والكل يمدح فيني وفي شكل الهريس ولما بدوا ياكلون منه …..
عاد مراح أكمل تعرفون الباقي لا تحرجونيبعد هالسالفه صرت أخاف أقول بسوي هريس الكل يمنعني بس مع مر الايام قدرت أقنعهم إني أقدر أسوي هريس مره مره طيب
- يجب تسجيل الدخول للرد على هذا الموضوع.