يا سيدي والي لك الحب مزروع
بصدورنـا والله محـد(ن) يشـلـه

شعبك جنودك بالمهمّات لـك طـوع
طاريـك غيـمٍ بالبسيطـة نهـلّـه

يأميرنا طيبـك بنـا شيـد ربـوع
منهـو يمـلّ العـز منهـو يملـه؟

حبك فريضة قبل لا يكون مشـروع
وأنا أشهـد أن هيامنـا فـي محلـه

أطفالنا و شيوخنـا ، كلنـا جمـوع
(قابوس) ساس الفخـر والشاهـد الله

وهذي (عمان)منوّره كلّهـا شْمـوع
وشلون ما تنّور لكـم يـا المولـه؟

يا أرضنـا تفجّـري لـهْ بْينبـوع
مـن حقنـا نفـرح وحـنّـا هَللهّ.

أقولها يا أبوي وبصـوت مسمـوع
أنت الوطن والسيـف حنّـا: نسلّـه

عْمانيّةٍ لي راس عالـي و مرفـوع
مـولاي شامـخ والمكـارم تجلّـه

شموخك اللي بين الأضلاع مطبـوع
يحفظك ربي ما بقـى العمـر كلـه

نحيا على شوفك ولأخبارك نْجـوع
يااللي تعدّيت الأهَـل والأهِلّـه